Abbreviation	Full Form (English)	Full Form (Afaan Oromoo)
AI	Artificial Intelligence	Sammuu Nam-Tochee / Teeknooloojii Sammuu Namtolche
ANC	Antenatal Care	Kunuunsa Da'umsa Duraa
APTS	Auditable Pharmaceutical Transactions & Services	Sirna Daldala Qorichaa Ooditawaa
ART	Antiretroviral Therapy	Qoricha Farra Vaayirasii HIV
ASP	Antimicrobial Stewardship	Sirna To'annoo Fayyadama Qorichoota Farra Jarmii

Cuunfaa Raawwii Hojii ijoo

Waggoota saddeet darban keessatti Seektarri Fayyaa qaqqabamummaa fi qulqullina tajaajila fayyaa fooyyessuuf hojii bal’aa raawwachuun bu’aawwan jajjabeessoo galmeesseera. Bara 2019tti Waajjirri Fayyaa Aanaa Kombolchaa ummata 229,463 ol, Buufataalee Fayyaa 5 fi Keellaalee Fayyaa 18 ol qabaachuun, walumaagalatti dhaabbilee fayyaa mootummaa fi dhuunfaa 73 ol fi hojjettoota fayyaa 294 qabaachuun tajaajila fayyaa hawaasaf dhiyeessaa jira.

Agarsiiftoowwan ijoo hedduun fooyya’iinsa agarsiisaniiru. Umuriin jireenyaa waggaa 68.7 irraa gara waggaa 70tti guddateera; UHC Service Coverage Index immoo 0.38 irraa gara 0.44tti dabaleera. Reeshoon du’aatii haadholii dhaloota lubbuun dhalatan 100,000 keessaa 267 irraa gara 141tti hir’ateera. Du’aatiin daa’imman waggaa shanii gadii 1,000 keessaa 59 irraa gara 51tti, du’aatiin daa’imman waggaa tokkoo gadii 34 irraa gara 39tti fi du’aatiin daa’imman reef-dhalatan 26 irraa gara 25tti jijjiirameera. Tajaajilli da’umsa ogeessa fayyaatiin geggeeffamu %87 irraa gara %104tti guddateera; kunuunsi ulfaa marsaa 8ffaa (ANC8) %13 irraa gara %58tti ol ka’eera; talaalliin Penta3 fi talaalliin guutuun %100 irra ga’aniiru.

Gama ittisaa fi to’annoo dhukkubootaatiin bu’aawwan gaariin argamaniiru. Namoota HIV isaanii beekan keessaa %94 isaanii beekamtii argataniiru; haadholeen ulfaa HIV qabaman qoricha ARV argatan %100 ga’aniiru; namoota ART irratti argaman keessaa %97 keessatti vaayirasiin to’atameera. Reettiin adda baasuu dhukkuba TB % 104 fi reettiin yaala xumursiisuu %98 gaheera. Akkasumas, tajaajilli deebii hatattamaa ambulaansii %95, tajaajila OPD nama tokkoof 0.73 irraa gara 2 tti, itti quufinsi maamiltootaa %78 irraa gara %86tti guddateera.

Ta’us, guddinni kun hanqinoota bu’uuraa hunda hin furre. Hanqinni nyaataa daa’imman waggaa shanii gadii keessatti quucarummaan %41 ga’ee jira. CPR %31.8 qofa yoo ta’u, galma karoorichaa %45 irraa gadi dha. Reettiin walhormaataa (TFR) 4 irratti argama. Tajaajilli kunuunsa ulfaa yeroo isaa eeggate, kunuunsa da’umsa boodaa fi tajaajilli fayyaa dargaggootaa naannolee hedduutti gahaa miti. Akkasumas, dhukkuboonni hin daddarbine (NCDs) ba’aa dhukkubaa %15.5 irraa gara %32.9tti guddatanii ce’umsa epidemioloojii agarsiisaniiru.
Sirna fayyaa keessatti hanqinoonni akka hanqina ogeessota fayyaa, walqixxummaa raabsa humna namaa dhabuu, hanqina qorichaa fi meeshaalee yaalaa, tajaajila addaa akka MRI, CT Scan fi Dialysis iddoowwan muraasatti qofa argamuu, baajata fayyaa gahaa dhabuu fi qulqullina ragaa fi itti fayyadama ragaa irratti hanqinni mul’achuun itti fufeera. Akkasumas, rakkoon nageenyaa, buqqaatummaan, jijjiiramni haala qilleensaa fi weerarri dhukkubootaa sirna fayyaa irratti dhiibbaa guddaa geessisaa jiru.

Bu’aawwan, carraawwan fi qormaatawwan kunneen irratti hundaa’uun Karoorri Tarsiimoo Misooma Fayyaa Aanaa Kombolcha bara 2019–2023 E.C. qophaa’eera. Karoorichi galmoota mootummaa, SDGs fi Karoora Misooma Bahaa Damee Fayyaa Godina Harargee Bahaa, Oromiyaa fi Biyyaalessaa waliin walsimuun tajaajila fayyaa bu’uuraa cimsuu, qulqullina tajaajilaa fooyyessuu, dandeettii sirna fayyaa guddisuu, hirmaannaa hawaasaa fi damee dhuunfaa babal’isuu, fayyaa dijitaalaa cimsuu, sirna ragaa fi murtoo ragaa irratti hundaa’e fooyyessuu, akkasumas of-danda’ummaa fi faayinaansiingii sirna fayyaa mirkaneessuuf bu’uura ta’ee tajaajila.

BOQONNAA 1: SEENSA fi Haala Karoorichaa

1.1. Seensa

Aanaan Kombolcha Godina Harargee Bahaati baay'ina uummataatiin fi bal'ina lafaan isa gudda ta'ee, guddina dinagdee fi hawaasummaa Naannichaa keessatti gahee olaanaa qabu dha. Aanaan Kombolchaa Gandaa 20, bulchiinsa magaalotaa 3 kan of keessaa qabu yoo ta'u, akka tilmaama Komishinii Karooraa Oromiyaa bara 2019tti 229,463 ol qaba. Akkasumas, qabeenya uumamaa, qabeenya aadaa fi hawwata turizimii qabaachuun carraa guddaa misooma dinagdee fi hawaasummaa naannichaaf uuma.

Wajjirii Fayyaa Aanaa Kombolchaa akka dhaabbata mootummaa misooma fayyaa hoogganuutti, tajaajila fayyaa qulqullina qabu, walqixa, dhaqqabamaa fi itti fufiinsa qabu uummata hundaaf mirkaneessuuf itti gaafatamummaa olaanaa qaba. Waggoota darban keessatti mootummaa, hawaasaa fi michoonni misoomaa hojii bal'aa hojjechuun milkaa'inoota hedduu galmeessisaniiru. Haa ta'u malee, jijjiiramni haala dinagdee biyya keessaa fi addunyaa, hir'ina deeggarsa alaa, dabaluu fedhii tajaajila fayyaa, balaa uumamaa, weerara dhukkubootaa fi rakkoolee nageenyaa sirna fayyaa naannichaa irratti dhiibbaa guddaa geessisaniiru.

Xiinxalli yeroo qophii karooraa gaggeeffame akka agarsiisutti, sirni fayyaa amma illee hirkattummaa deeggarsa alaa irraa guutummaatti bilisa hin taane. Hanqinni bulchiinsaa fi hooggansaa, dandeettii dhaabbilee, humna namaa, bu'uuraalee misoomaa, sirna odeeffannoo fayyaa, dhiyeessii qorichaa fi meeshaalee yaalaa, akkasumas dandeettii maddisiisuu fi bulchuu qabeenya keessaa laafaa ta'uun hojii sirna fayyaa irratti dhiibbaa geessisaa jira. Kana malees, dubartoonni, dhiironni, daa'imman, dargaggoonni, namoonni miidhamummaa qaban, hawaasni baadiyyaa fi gareewwan hawaasaa saaxilamoo ta'an fedhii fi rakkoo fayyaa adda addaa kan qaban yoo ta'u, walqixxummaan dhaqqabummaa fi fayyadama tajaajila fayyaa giddu isaanii guutummaatti mirkanaa'uu hin dandeenye. Kanaafuu, qajeelfamoonni walqixxummaa koorniyaa, hirmaachisummaa fi mootummaa keessatti “namni kamiyyuu duubatti akka hin hafne” jedhu sirna fayyaa keessatti cimee hojiirra ooluun barbaachisaa ta'ee jira.

Haala kana keessatti, Karoorri Of-danda'uu Misooma Fayyaa kun sirna fayyaa Aanaa Keenyaa gara of-danda'ummaa, itti fufiinsa, qulqullinaa fi bu'a qabeessummaatti ceesisuuf akka karoora tarsiimoo waggoota shananitti qophaa'eera. Karoorri kun Karoora Misooma fi Invastimantii Seektara Fayyaa II (KMISF-II), Karoora Misooma Oromiyaa, Imaammata Fayyaa Biyyoolessaa fi Kaayyoo Misooma Itti Fufiinsa Addunyaa (SDGs) waliin walsimuun qophaa'eera. Kaayyoon isaa sirna fayyaa hirkattummaa deeggarsa alaa irraa gara dandeettii ofii, hoggansa cimaa, qabeenya ofii fi hojii bu'a qabeessa irratti hundaa'etti ceesisuudha. Kunis bulchiinsa gaarii fi itti gaafatamummaa cimsuun, humna namaa fi dandeettii dhaabbilee guddisuun, maddoota galii keessaa babal'isuun, omisha fi dhiyeessii qorichaa fi meeshaalee yaalaa biyya keessaa cimsuun, sirna odeeffannoo fi teeknoolojii fayyaa ammayyaa ijaaruun, akkasumas walqixxummaa saalaa, hirmaachisummaa fi haqa hawaasummaa hojiiwwan karoorichaa hunda keessatti hammachiisuun ni raawwatama. Karoorri kun murteewwan ragaa irratti hundaa'an cimsuuf ragaa saalaan qoodame fi ragaa gareewwan hawaasaa adda baase fayyadamuun, hordoffii, gamaaggama, baajata fi raawwii hojii hunda keessatti ilaalcha walqixxummaa saalaa fi hirmaachisummaa ni mirkaneessa.

Karoorri kun kaayyoowwan tarsiimoo torba irratti hundaa'a. Isaanis

1. Tajaajila fayyaa qulqullina qabu fi walqixa ta'e fooyyessuu;

2. Bulchiinsa gaarii fi hooggansa cimsuu;

3. Qorannoo, kalaqaa, intelijensii fayyaa fi hoggansa beekumsaa guddisuu;

4. Sirna bulchiinsaa, oomishaa fi dhiyeessii qorichaa fi meeshaalee yaalaa fooyyessuu;

5. Qophii fi deebii balaa fayyaa hawaasaa cimsuu; dandeettii sirna fayyaa guddisuu; fi

6. Faayinaansiingii fayyaa fi hirmaannaa mootummaa,

7. Damee dhuunfaa, hawaasaa fi michoota misoomaa karaa itti fufiinsa qabuun cimsuudha.

Walumaagalatti, Karoorri Of-danda'uu Misooma Fayyaa Oromiyaa kun kallattii tarsiimoo waggoota shanan itti aanan keessatti sirna fayyaa of-danda'aa, bu'a qabeessa, walqixa, hunda hammatu fi itti fufiinsa qabu ijaaruuf mootummaa, dhaabbilee fayyaa, damee dhuunfaa, hawaasa, michoota misoomaa fi qaamolee dhimmi ilaallatu hundaaf bu'uura hojii ta'ee ni tajaajila.

1.2. Kaayyoo Karoorichaa

Kaayyoon waliigalaa Karoora Of-danda'uu Misooma Fayyaa Oromiyaa sirna fayyaa Godinicha gara of-danda'ummaa, itti fufiinsa fi bu'a qabeessummaatti ceesisuudha. Karoorri kun dhaabbileen fayyaa qabeenya isaanii haala bu'a qabeessa ta'een bulchuun, dandeettii ofii isaanii cimsuun, galii keessaa maddisiisuun, qabeenya mootummaa fi michoota misoomaa sirnaan fayyadamuun, akkasumas tajaajila fayyaa qulqullina qabu, walqixa, dhaqqabamaa fi itti fufiinsa qabu uummata hundaaf kennuu akka danda'an taasisuuf kan qophaa'edha. Kana malees, karoorri kun bulchiinsa gaarii, itti gaafatamummaa, iftoomina, kalaqaa fi ragaa irratti hundaa'uun murteessuu cimsuun, akkasumas walqixxummaa saalaa, hirmaachisummaa fi namni kamiyyuu duubatti akka hin hafne mirkaneessuun sirna fayyaa of-danda'aa ijaaruuf kan akeekedha.

Daangaa Karoorichaa

Karoorri Of-danda'uu Misooma Fayyaa Waajjira Fayyaa Aanaa Kombolchaa kun yeroo Waggaa Bara 2019 kan hammatu yoo ta'u, sadarkaa mootummaa Godina, Bulchiinsa Magaalaa, Aanaa fi Dhaabbilee fayyaa mootummaa hunda keessatti hojii irra kan oolu ta'a. Karoorri kun hojiiwwan misooma fayyaa of-danda'ummaa cimsan hunda kan hammatu yoo ta'u, qajeelfamoota fi tarsiimoo mootummaa damee fayyaa waliin walsimsiisuun raawwatama.

Qooda raawwii karoorichaa keessatti walqixxummaan saalaa, hirmaachisummaan hawaasaa, itti fayyadama ragaa saalaan fi garee hawaasaatiin qoodamee, akkasumas bu'a qabeessummaa qabeenyaa fi mootummaa gaarii akka hojiiwwan tarsiimoo hunda keessatti hammatan ni taasifama. Kunis bu'aan karoorichaa uummata hundaaf walqixa akka qaqqabu, sirni fayyaas gara of-danda'ummaa fi itti fufiinsaatti akka ce'u ni deeggara.

Boqonnaa 2. Xiinxala Haalaa (Situational Analysis)

2.1. Haala Waliigalaa Waajjira Fayyaa Aanaa Kombolchaa

2.1.1. Haala Teessuma Lafaa

Aanaan Kombolchaa Aanota akkaa Godina Hararge Bahaa jiran keessaa bal’ina lafaa fi baay’ina uummataatiin isa guddaadha. Aanaan Ballina lafa tilmamaan ______ square kilometers ta'u kan qabu yoo ta’u, Bahaa Aanaa Kombolchaa gara Kibba Dhihaatti ____ Baalee waliin daangaa qaba Gara Dhihaatti, Godina Harargee Lixaa waliin daangaa qaba Gara Kaabaatti, Bulchiinsa Magaalaa Dirree Dhawaa waliin daangaa qaba Gara Kaabaa fi Bahaa, Naannoo Somaalee waliin daangaa qaba Akkasumas, Naannoo Hararii waliin gama hundaan daangaa qaba , Magaalaan Bulchinsa Godinicha Harar yoo taatu .

Aanichi garaagarummaa teessuma lafaa fi haala qilleensaa bal’aa qabaachuun isaa carraa fi qormaata misooma fayyaa irratti dhiibbaa guddaa qaba. Olka’iinsi lafaa meetira _____ hanga ____ ol galaanaa irraa ol kan ta’u yoo ta’u, Aanichi bifa qilleensaa Baddaa, Badda-daree fi Gammoojjii of keessatti hammata. Garaagarummaan kun facaatii dhukkuboota akka busaa, hanqina nyaataa, balaa hongee fi balaa uumamaa irratti dhiibbaa qabaachuun, haala dhiyeessii tajaajila fayyaa fi qoodinsa qabeenyaas irratti murteessaa dha.

Akka caasaa bulchiinsaatti, Waajjira Fayyaa Aanaa Kombolchaa Gandoota 20, Bulchiinsa Magaalaa 3, gandalee ____ol qaba. Babal’inni Aanaa fi faca’iinsi qubsuma uummataa tajaajila fayyaa hunda biraan ga’u mirkaneessuu keessatti qormaata guddaa ta’ee jira. Kanaafis, cimsuun Sirna Fayyaa Bu’uuraa (Primary Health Care), sagantaa Ekisteenshinii Fayyaa fi sirna riifoormii tajaajila fayyaa bu’uura tarsiimoo misooma fayyaa ta’ee itti fufeera.

2.1.3. Haala Diinagdee fi Hawaasummaa

Waajjirri Fayyaa Aanaan Kombolchaa bu’uura diinagdee Godinichaa keessatti gahee mata isa kan qabu yomuu ta’u. Oomisha qonnaa, horsiisa beelladaa, albuudaa fi tajaajila irratti hundaayuun galii mootummaa fi uummataa keessatti qooda guddaa qaba. Qonni madda jireenyaa uummata keessaa isa guddaa yoo ta’u, hojii uummata baadiyyaa keessaa harka caaluuf carraa hojii uuma.

Waggoottan darban keessa bu’uuraalee misoomaa akka daandii, ibsaa, bishaan dhugaatii qulqulluu, qunnamtii, dhaabbilee barnootaa fi dhaabbilee fayyaa irratti hojii bal’aan hojjetamus, garaagarummaan misoomaa Aanalee fi aanaalee gidduu ammallee ni mul’ata. Hiyyummaan, hojii dhabummaan dargaggootaa, rakkooleen jijjiiramni haala qilleensaa fi hongeen yeroo gara yerootti mudatan haala jireenyaa uummataa fi bu’aa fayyaa irratti dhiibbaa geessisaa jiru.

Akka tilmaama mootummaa fi dhaabbilee idil-addunyaatti, Godina keessatti namoonni kumataman lakkaa’aman deeggarsa namoomaa barbaadaa jiru; kunis rakkoo balaa uumamaa fi namtolchee irraa madde. Rakkooleen kunneen hanqina nyaataa, facaatii dhukkuboota daddarboo, hanqina bishaan qulqulluu fi dhiibbaa fayyaa sammuu dabaluun sirna fayyaa irratti ba’aa dabalataa uumaa jiru.

Kana malees, guddinni magaalummaa, jijjiiramni amala jireenyaa fi dabaluu dhukkuboota daddarboo hin taane (NCDs) sirna fayyaa irratti qormaata haaraa uumaa jiru. Kanaaf, karoora tarsiimoo kana keessatti murteessitoota hawaasummaa fi diinagdee fayyaa (Social Determinants of Health), walqixxummaa tajaajila fayyaa, ittisa balaa, akkasumas qindoomina sekteroota gidduu jiru cimsuun bu’uura hojii waggoota shanan itti aananii ta’a. Hubannoo

2.2. Haala Fayyaa Ummataa

2.2.1. Umurii Jireenyaa (Life Expectancy)

Umurii jireenyaa yeroo dhaloota irraa eegalee namni tokko giddugaleessaan hammam akka jiraatu agarsiistuu hojii sirna fayyaa, haala jireenyaa fi guddina hawaasummaa keessaa isa ijoodha. Waggoottan digdaman darban keessatti Aanaa keenyaa keessatti umurii jireenyaa fooyya’iinsa guddaa agarsiiseera. Kunis hir’ina du’aatii haadholii fi daa’immanii, babal’ina tajaajila talaallii, ittisa fi to’annoo dhukkuboota daddarboo, akkasumas fooyya’iinsa sirna tajaajila fayyaa bu’uuraa irraa maddeera.

Akka ragaa World Bank, UN Population Division fi WHO agarsiisutti, umurii jireenyaa bara 2000 keessa waggaa 52 ture, bara 2024tti gara waggaa 68tti ol guddateera. Kunis waggoota 24 keessatti fooyya’iinsa waggaa 16 ta’e agarsiisa. Dubartoonni dhiira caalaa umurii dheeraa kan jiraatan yoo ta’u, kunis hir’ina du’aatii haadholii fi fooyya’iinsa tajaajila fayyaa walhormaataa waliin walqabata.

Haa ta’u malee, umurii jireenyaa Aanalee baadiyyaa tokkoo tokkoo keessatti umurii jireenyaa gadi aanaa ta’uun ni mul’ata. Sababoonni kun hanqina nyaataa, dhukkuboota daddarboo, hanqina bishaan qulqulluu, akkasumas qaqqabamummaa tajaajila fayyaa gadi aanaa waliin walqabatu.

Kanaaf, waggoota shanan itti aanan keessatti ittisa du’aatii yeroo malee, to’annoo dhukkuboota daddarboo fi hin daddarbinee, akkasumas qulqullinaa fi walqixxummaa tajaajila fayyaa cimsuun umurii jireenyaa dabaluuf xiyyeeffannoo addaa ni kenname.

2.2.3. Dhibbaa Dhukkubaa (Burden of Disease)

Sirni fayyaa keenya yeroo ammaa ba’aa dhukkubaa sadii (Triple Burden of Disease) waliin wal’aansoo keessa jira. Isaanis: Dhukkuboota Daddarboo (Communicable Diseases) akka Busaa, Qaama Harkifataa (TB), HIV/AIDS, dhukkuboota garaachaa fi dhukkuboota daddarboo biro; Dhukkuboota Daddarboo Hin Taane (Non-Communicable Diseases) akka dhibee onnee, dhiibbaa dhiigaa, dhibee sukkaaraa, kaansarii, dhukkuboota sombaa yeroo dheeraa fi rakkoolee fayyaa sammuu fi Miidhaa Qaamaa (Injuries) kanneen akka balaa tiraafikaa, balaa hojii, miidhaa walitti bu’iinsaa fi balaa uumamaa.

Akka qorannoo Global Burden of Disease agarsiisutti, ba’aan NCDs waggaa kudhan darban keessatti saffisaan dabalaa jira. Sababoonni kanaa keessaa guddina umurii uummataa, jijjiirama amala jireenyaa, nyaata madaalawaa hin taane, sochii qaamaa xiqqaachuu, tamboo fi alkoolii fayyadamuun ni eeramu.

Kana malees, hongeen, jijjiiramni haala qilleensaa, rakkoon nageenyaa fi buqqaatummaan hanqina nyaataa fi weerara dhukkuboota daddarboo dabaluun ba’aa sirna fayyaa ol guddisaa jiru.

Kanaafuu, waggoota shanan itti aanan keessatti tarsiimoon ittisa dhukkubaa, fayyaa hawaasaa, tajaajila qorannoo fi daawwannaa yeroo jalqabaa, akkasumas sirna qophii fi deebii ariifachiisaa cimsuun murteessaa ta’a.

2.2.4. Murteessitoota Fayyaa (Social Determinants of Health)

Haalli fayyaa uummataa tajaajila fayyaa qofaan osoo hin taane murteessitoota hawaasummaa, diinagdee fi naannoo hedduun murtaa’a. Waajjira Fayyaa Aanaa Kombolchaa keessatti murteessitoonni fayyaa hojii tarsiimoo barbaadan keessaa ijoo ta’an kanneen armaan gadiiti.

Guddinni baay’ina uummataa, hiyyummaa, hojii dhabummaa, sadarkaa barnootaa, hanqinni bishaan dhugaatii qulqulluu fi tajaajila qulqullinaa, hanqinni nyaata madaalawaa, jijjiiramni haala qilleensaa, hongeen, buqqaatummaan uummataa fi rakkoon nageenyaa bu’aa fayyaa irratti dhiibbaa guddaa geessisu.

Akka ragaa mootummaa fi dhaabbilee idil-addunyaatti, Aanaa Harargee Bahaa keessatti uummanni baadiyyaa hedduun ammallee tajaajila bishaan dhugaatii qulqulluu, mana fincaanii fayyaa fi tajaajila qulqullinaa gahaa hin arganne. Haalli kun weerara dhukkuboota garaachaa, hanqina sirna nyaataa fi du’aatii daa’immanii dabaluuf gumaacha qaba.

Dabalataanis, guddinni magaalummaa, jijjiiramni amala jireenyaa fi dabaluu fayyadama alkoolii, tamboo, caatii fi nyaata soogidda fi cooma baay’ee qabu dhukkuboota daddarboo hin taane dabaluuf sababoota ijoo ta’aa jiru.

Kanaaf, bu’aa fayyaa waaraa galmaan ga’uuf dameen fayyaa qofti osoo hin taane dameewwan bishaanii, barnootaa, qonnaa, eegumsa hawaasummaa, hojii uumuu sadarkaa hundatti qindoominaan hojjechuun murteessaa dha. Karoorri tarsiimoo kunis hojii walta’iinsa sekteroota (Multisectoral Collaboration) cimsuun murteessitoota fayyaa kana irratti furmaata waaraa fiduu irratti xiyyeeffata.

2.3. Raawwii Sirna Fayyaa

2.3.1. Uwwisa Fayyaa Hunda Galeessa (Universal Health Coverage)

Waggoottan darban keessatti Harargee Bahaa keessatti qaqqabamummaa tajaajila fayyaa guddisuu fi Uwwisa Fayyaa Hunda Galeessaa (UHC) saffisiisuuf hojii bal'aan hojjetameera. Baay’inni hospitaalotaa 0 irraa gara 1, Buufata Fayyaa 5 irraa gara 6 , akkasumas Comprehensive Health Posts 3 hundeeffamuun qaqqabamummaan tajaajila fayyaa fooyya’eera. Haa ta’u malee, uwwisni Tajaajila Fayyaa Bu’uuraa (PHC Coverage) ammallee 71–73% irratti kan argamu yoo ta’u, karoora itti aanu keessati xiyyeeffanoon hojjetamuu qaba.

2.3.2. Tajaajila Fayyaa Bu’uuraa (Primary Health Care)

Sirni Tajaajila Fayyaa Bu’uuraa hojii riifoormii hedduun cimeera. Keellaawwan Fayyaa tajaajila guutuu kennan irraa 16 gara 17 guddisuun karoorfameera. Akkasumas, namoota harka qalleeyyii tajaajila Ekisteenshinii Fayyaa Magaalaatiin fayyadaman 2,076 irraa gara 2,675 ol guddisuu, maatii moodeela itti fufiinsaan hojjetan irraa gara 87, akkasumas tola-ooltoota fayyaa hawaasaa leenjii argatan 234 irraa gara 658 guddisuun tajaajila fayyaa bu’uuraa cimsuuf kallattiin kaa’ameera.

2.3.3. Hirmaannaa Hawaasaa (Community Engagement)

Hirmaannaan hawaasaa bu’uura milkaa’ina sirna fayyaa ta’ee itti fufeera. Gurmaa’insi Gamtaa Misooma Dubartootaa, Dursitoota Gooxii Fayyaa fi Hojjettoonni Ekisteenshinii Fayyaa hojii dagaagina fayyaa keessatti gahee guddaa taphataniiru. Haa ta’u malee, hanqinni Hojjettoota Ekisteenshinii Fayyaa, deeggarsa hordoffii, geejjibaa fi baajataa, akkasumas hanqinni qorichaa fi meeshaalee hojii bu’a qabeessummaa sagantichaa irratti dhiibbaa geessisaa jira. Madaallii yaada hawaasaatiin itti quufinsi maamiltootaa 80% irraa gara 85% guddatus, komiiwwan walqabatan hanqina qorichaa fi qulqullina tajaajilaa ammallee furmaata barbaadu.

2.3.4. Qulqullina Tajaajilaa (Quality of Health Care)

Qulqullinni tajaajila fayyaa fooyya'iinsa agarsiiseera; ta'us hanqinoonni bu'uuraa ni jiru. Itti quufinsi maamiltootaa 86% gaheera; dhaabbileen fayyaa 85% Community Score Card hojiirra oolchaa jiru; argamiinsi qorichoota murteessoo 93%, akkasumas tajaajilamtoonni qoricha guutuu argatan 87% ta'aniiru. Gama bu'aa tajaajilaatiin reetiin du'aatii kutaa ICU 18.6%, du'aatii dhaabbilee fayyaa 1.1%, fi qabamiinsi sireewwanii 67% ta'uun qulqullinni tajaajilaa fooyya'aa jiraachuu agarsiisa. Garuu hanqinni humna namaa (ogeessa fayyaa 0.71 qofatu uummata 1,000 keessaa jira), garaagarummaan qulqullina tajaajilaa dhaabbilee gidduu jiru fi hanqinni dhiyeessii galteewwanii bu'aa sirna fayyaa irratti dhiibbaa geessisaa jiru.

2.4. Fayyaa Haadholii, Daa’immanii, Dargaggootaa fi Sirna Nyaataa

Waggoota karooraa darban keessatti raawwiin sagantaa Fayyaa Haadholii, Daa’immanii, Dargaggootaa fi Sirna Nyaataa fooyya’iinsa walitti fufiinsa qabu agarsiiseera. Akka ragaa EDHS 2024/25 fi ragaa tajaajilli kunuunsa ulfaa yeroo jalqabaa (ANC1+) 27% irraa gara 70.9%, kunuunsi ulfaa yeroo afraffaa (ANC4+) 19.7% irraa gara 48.4%, kunuunsi ulfaa yeroo saddeettaffaa (ANC8) 13% irraa gara 53%, fi ANC torbee 12 dura jalqabuu 22% irraa gara 39% guddateera. Akkasumas, da’umsi ogeessa fayyaatiin geggeeffamu (SBA) 4.9% irraa gara 58.4%tti, kunuunsi booda da’umsaa guyyoota lama keessatti kennamu (PNC) 5% irraa gara 32.9%tti ol guddateera.

Gama bu’aa fayyaa daa’immaniitiin, du’aatiin daa’imman reef dhalatanii (NMR) lubbuun dhalatan 1,000 keessaa 49 irraa gara 25tti, du’aatiin daa’imman waggaa tokkoo gadii (IMR) 97 irraa gara 39tti, akkasumas du’aatiin daa’imman waggaa shanii gadii (U5MR) 166 irraa gara 51tti gadi bu’eera. Kunis fooyya’iinsa tajaajila fayyaa haadholii fi daa’immanii keessatti galmaa’e agarsiisa.

Fooyya’iinsi agarsiistoota kanaa babal’ina Sirna Fayyaa Bu’uuraa, cimina Sagantaa Ekisteenshinii Fayyaa, dabaluu qaqqabamummaa tajaajila kunuunsa ulfaa fi da’umsaa, akkasumas fooyya’iinsa tajaajila daa’imman reef dhalatanii waliin walqabata. Dabalataanis, hojiirra oolmaan sagantaalee akka CBNC, IMNCI/iCMNCI, MPDSR fi sirna walitti hidhamiinsa ol-erginsaa (Referral Linkage) cimuun bu’aa tajaajilaa fooyyessuu keessatti gumaacha qabaataniiru.

Fooyya’iinsi galmaa’e jiraatus, agarsiistonni muraasni ammallee sadarkaa barbaadamu irra hin geenye. Uwwisni karoora maatii (CPR), raawwiin ANC yeroo isaa eeggate, ANC8 fi kunuunsi booda da’umsaa (PNC) gadi aanaa ta’anii itti fufaniiru. Akkasumas, ragaan jiru akka agarsiisutti, du’aatiin daa’imman reef dhalatanii ammaas ol’anaa ta’ee itti fufee jira. Garaagarummaan qaqqabamummaa fi qulqullina tajaajilaa Aanaalee gidduu, keessumaa Aanalee horsisee bulaa fi hawaasa rakkoo keessa jiraniitti, ammallee ni mul’ata.

Yeroo itti aanan keessatti xiyyeeffannoon gama qulqullinaa fi walqixxummaa tajaajila karoora maatii, ANC yeroo isaa eeggate, ANC8, PNC, kunuunsa daa’imman reef dhalatanii fi sirna nyaataa haadholii fi daa’immanii cimsuun, akkasumas garaagarummaa raawwii Aanaalee gidduu jiru hir’isuun dhimma ijoo ta’ee mul’ata.

2.5. Ittisaa fi Too'annoo Dhukkubaa

Godinii keenyaa yeroo ammaa dhiibbaa dhukkuboota sadii (Triple Burden of Disease) jechuunis dhukkuboota daddarboo, dhukkuboota daddarboo hin taane (NCDs), fi miidhaa qaamaa waliin wal'aansoo cimaa keessa jira. Akka qorannoo Global Burden of Disease (GBD) fi tilmaama Dhaabbata Fayyaa Addunyaatti (WHO), dhukkuboonni daddarboo fi rakkooleen fayyaa haadholii fi daa'immanii sababa ijoo du'aa ta'anii kan itti fufan yoo ta'u, dhukkuboonni daddarboo hin taane, rakkooleen fayyaa sammuu fi miidhaaleen qaamaa saffisaan dabalaa jiru. Jijjiiramni baay'ina uummataa, babal'inni magaalummaa, jijjiiramni qilleensaa, walitti bu'iinsi hawaasaa, sochiin uummataa fi jijjiiramni amala jireenyaa rakkoo kana daran hammeessaa jiru. Waggoota darban keessatti damee kana keessatti bu'aan jajjabeessaan galmaa'ee jiraatus, galmoota Misooma Waaraa (SDGs), UHC fi Ajandaa Fayyaa Afrikaa 2063 galmaan ga'uuf hojii ittisaa fi too'annoo dhukkubaa caalaatti cimsuun barbaachisaa ta'ee jira.

2.5.1. Ittisaa fi Too'annoo TB

Waggoota darban keessatti tajaajilli barbaacha dhukkubsattootaa hawaasa keessatti (Community TB Case Finding), qorannoo fi wal'aansa TB babal'achuun bu'aan gaariin galmaa'eera. Lakkoofsi namoota TB adda baafamanii wal'aansa jalqaban bara 2009 irraa 4,343 ture bara 2018tti 5989 gaheera. Akkasumas milkaa'inni wal'aansa TB (Treatment Success Rate) 95% irraa gara 99.5% tti guddachuun ulaagaalee biyyaalessaa fi addunyaa guuteera. Haa ta'u malee, tilmaama WHO irratti hundaa'uun namoonni TB qaban keessaa hedduun osoo hin adda baafamin hawaasa keessatti argamu, akkasumas TB qoricha dandamatu (DR-TB) fi Juuzamiin Aanalee muraasa keessatti itti fufuun rakkoo ta'ee jira. Kanaafuu waggoota shanan dhufan keessatti hojii barbaacha dhukkubsattootaa hawaasa keessatti cimsuu, tajaajila qorannoo saffisaa fi wal'aansa qulqullina qabu babal'isuu, sirna hordoffii fi deeggarsa namoota wal'aansa jalqabanii fooyyessuu, akkasumas Juuzamii fi TB qoricha dandamatu dhabamsiisuuf hojii irratti hundaa'e cimsuun xiyyeeffannoo olaanaa ni argata.

3.6.2. Ittisaa fi Too'annoo Dhukkuba Busaa (Malaria)

Waggoota darban keessatti hojii ittisaa fi too'annoo busaa irratti bu'aan guddaan galmaa'eera. Baay'inni namoota busaadhaan qabaman bara 2009tti 72,345 irraa bara 2013tti 62,536 tti gadi bu'uun hir'ina 0.86% galmeesseera. Haa ta'u malee, bara 2017 weerarri busaa guddaan uumamee namoota 75,129 qaqqabe. Tarkaanfiilee ariifachiisoo fudhatamaniin bara 2018tti baay'inni kun gara 62,536 tti gadi bu'uun hir'ina agarsiiseera. Akkasumas du'aatiin busaa bara 2018 tti gara zeerootti gadi bu'ee jira; booda weeraraatiin bara 2016tti ol ka’ee, hojii cimaa mootummaa fi michoota misoomaatiin bara 2018tti gadi bu'eera. Dabalataanis waggoota kurnan keessatti saaphanni siree miliyoona ol raabsamee uummata giddugaleessaan 2.6 miliyoona ta'aniif eegumsa kenneera; qorannoon busaas waggaatti 67,564 irraa gara 247,721 guddateera. Karoora waggoota shanan dhufan keessatti sirna dhabamsiisa busaa, qorannoo saaxilamummaa irratti hundaa'e, raabsa LLIN fi IRS qulqullina qabu, akkasumas sirna akeekkachiisa duraa fi deebii saffisaa cimsuun hojii ijoo ta'u qaba.

3.6.3. Dhukkuboota Daddarboo Hin Taane (NCDs)

Jijjiiramni amala jireenyaa fi baay'ina ummataa dhukkuboota daddarboo hin taane akka dhiibbaa dhiigaa, dhibee sukkaaraa, kaansarii fi dhukkuboota onnee saffisaan dabalaa jira. Waggoota darban keessatti tajaajilli sakatta'iinsa kaansarii balbala gadameessaa dubartoota umurii 30–49 bara 2009tti 0.2% irraa gara 17%tti guddateera. Tajaajila baqaqsanii yaaluu moora ijaatiin namoonni 4798 ol tajaajila argataniiru; Secondary Eye Care Units 6 irraa gara 14, Primary Eye Care Units immoo 16 irraa gara 34tti guddataniiru. Akkasumas reetiin namoota dhiibbaa dhiigaa to'atame 0.001% irraa gara 48%, kan dhibee sukkaaraa immoo 0.2% irraa gara 30%tti guddateera. Haa ta'u malee, tajaajilli sakatta'iinsa yeroo jalqabaa, hordoffii fi bulchiinsi NCDs sadarkaa tajaajila fayyaa bu'uuraatti walqixa kennamuu irratti hanqina qaba. Kanaafuu waggoota shanan dhufan keessatti tajaajila daddarboo hin taane sadarkaa dhaabbilee bu’uura keessatti walitti qindeessuun, sakatta'iinsa yeroo jalqabaa babal'isuu, hojii ittisa sababa balaa (risk factors) fi sirna hordoffii yeroo dheeraa cimsuun hojjetamuu qaba.

3.6.4. Fayyaa Sammuu

Rakkoon fayyaa sammuu addunyaa fi biyya keenya keessatti dabalaa jira. Akka raga dhaabbata fayyaa aduunyaa (WHO) tti namoonni addunyaa biiliyoona 1.2 ol rakkoo fayyaa sammuu waliin jiraatu; dargaggoonni fi dubartoonni caalaatti saaxilamoodha. Aanaa keenya keessattis hojii dhabdummaa, hiyyummaa, jijjiirama qilleensaa fi fayyadama alkoolii, caatii fi tamboo dabaluun rakkoo kana hammeessaa jira. Tajaajilli fayyaa sammuu sadarkaa tajaajila fayyaa bu'uuraatti babal'atus hanqinni ogeessotaa, qorichoota barbaachisoo, tuffiin hawaasaa fi hanqinni tajaajila adda ta'e rakkoo guddaa ta'ee jira. Kanaafuu waggoota shanan dhufan keessatti tajaajila fayyaa sammuu PHC keessatti cimsuu, ogeessota leenjisuu, dhiyeessa qorichootaa fooyyessuu fi hubannoo hawaasaa guddisuun xiyyeeffannoo olaanaa ni argata.

3.6.5. Dhukkuboota Tirooppikaalaa Xiyyeeffannoo Barbaadan (NTDs)

Waggoota darban keessatti hojii ittisaa fi dhabamsiisuu NTDs irratti bu'aan guddaan galmaa'eera. Walumaagalatti dooziin qorichaa 3.5 miliyoona ol ta'u raabsameera. Lakkoofsi baqaqsanii yaaluu dacha'uu qola ijaa (TT Surgery) bara 2009tti 1257 irraa gara 5856 tti guddateera. Facaatiin Tiraakoomaa 38% irraa gara 11.6%, raammoolee maxxantuu immoo 70% hir'ateera. Dabalataanis aanaaleen 8 Tiraakoomaa, 10 Hooqxoo keessaa ulaagaalee dhabamsiisuu guutuun raabsa qorichaa dhaabaniiru. Haa ta'u malee, Aanalee muraasa keessatti dhukkuboonni kunneen itti fufuun sirna hordoffii fi eegumsa cimsuun barbaachisaa ta'ee jira.

3.6.6. Tajaajila Haayiginii fi Eegumsa Fayyaa Naannoo

Waggoota darban keessatti dameen WASH fooyya'iinsa jajjabeessaa galmeesseera. Hojii ijaarsa mana fincaanii, sagantaa Community-Led Total Sanitation and Hygiene (CLTSH), fi hirmaannaa hawaasaa cimsuun pirooppoorshiniin maatii mana fincaanii bu'uuraa qaban bara 2009 irraa % 54 irraa gara %72tti guddateera. Akkasumas, fayyadama mana fincaanii %84 irraa gara %95tti ol ka'uun jijjiirama amala fayyadamaa fi hojii hubannoo hawaasaa irratti galmeen gaariin argamuu agarsiiseera. Gandoonni Open Defecation Free (ODF) ta'anis %29 irraa gara %63tti guddatanii, tattaaffii bal'aan qulqullinaa fi eegumsa fayyaa naannoo irratti taasifame bu'aa qabeessa ta'uu isaanii mirkaneessaniiru.

Gama dhaabbilee fayyaatiin, dhaabbilee fayyaa 102 keessatti bu'uuraaleen bishaanii, mana fincaanii fi qulqullinaa diriirfamaniiru; dhaabbilee fayyaa 116 keessatti immoo sagantaan WASH FIT hojii irra ooluun ittisa infekshinii (IPC), nageenya dhukkubsattootaa fi qulqullina tajaajila fayyaa fooyyessuuf bu'uura cimaa uumee jira.

Haa ta'u malee, bu'aan galmaa'e fedhii uummataa fi istaandaardii biyyaalessaa guutummaatti hin guunne. Pirooppoorshiniin maatii mana fincaanii bu'uuraa hin qabne fi gandoonni ODF hin taane ammallee hedduu jiru. Akkasumas, dhaabbileen fayyaa hedduun bishaan qulqulluu yeroo hunda argachuu, mana fincaanii istaandaardii guutee qabaachuu, bulchiinsa xurii yaalaa, hojii ittisa infekshinii (IPC) fi raawwii WASH FIT keessatti hanqinoota mul'isan. Garaagarummaan qaqqabamummaa fi qulqullina tajaajila WASH godinaalee fi aanaalee gidduutti mul'atus hojii fooyya'iinsa barbaachisu keessaa isa ijoodha.

Walumaagalatti, guddinni baay'ina uummataa, babal'ina magaalummaa, jijjiirama qilleensaa fi balaa weeraraa dhukkuboota daddarboo dabalaa dhufan sirna WASH irratti dhiibbaa guddaa uumaa jiru. Kunis qaqqabamummaa bishaan qulqulluu, bulchiinsa xurii yaalaa, hojii ittisa infekshinii fi tajaajila WASH dhaabbilee fayyaa keessatti cimsuun, akkasumas hojii ODF waaraa fi qulqullina naannoo mirkaneessuun waggoota itti aanan keessatti dhimma murteessaa ta'uu agarsiisa.

3.6.7. Ittisaa fi Too'annoo HIV/AIDS, Vaayirasii Tiruu fi Dhibee Naf-Saalaa

Waggoota darban keessatti damee HIV/AIDS irratti bu'aan jajjabeessaan galmaa'eera. Facaatiin HIV Godinicha bara 2009tti 0.79% irraa gara 0.64%tti gadi bu'eera; Lakkoofsi dhaabbilee tajaajila ART kennan 21 irraa gara 23tti, namoonni ART fudhatan immoo 1520 irraa gara 1886 tti guddataniiru. Reetiin Viral Load Suppression 99% irraa gara 100%tti guddachuun qulqullina tajaajilaa agarsiiseera. Namoonni HIV qoratan 306,797 irraa gara 356,422, haadholiin ulfaa qorannoo HIV argatan immoo 210,595 irraa gara 234,167 guddataniiru. Reetiin daddarbiinsa HIV haadharraa gara daa'imaatti 18.8% irraa gara 12.7% tti gadi bu'eera. Dabalataanis namoonni 15,969 Hepatitis B fi 33,312 Hepatitis C qoratamanii tajaajila argataniiru. Haa ta'u malee, galma addunyaa 95-95-95, dhabamsiisa daddarbiinsa haadha irraa gara daa'imaatti fi tajaajila gareewwan saaxilamoo cimsuun xiyyeeffannoo olaanaa ni argata.

3.7. Hoggansa Balaa Tasaa Fayyaa Hawaasaa, Qorannoo

Waajjira Fayyaa Aanaa Kombolchaa waggoota darban keessatti dandeettii hoggansa balaa tasaa fayyaa hawaasaa, sirna faana-dhahiinsa dhukkubootaa fi deebii ariifachiisaa kennuu keessatti fooyya'iinsa guddaa galmeessiseera. Haa ta’u malee, jijjiiramni qilleensaa, sochiin uummataa, babal’inni magaalummaa, walitti bu’iinsi nageenyaa fi dhukkuboonni haaraan mul’atan sababoota ta’uun balaa tasaa fayyaa hawaasaa dabalaa jira. Weeraroonni akka busaa, koleeraa, gifiraa, MPOX fi dhukkuboonni biroo yeroo gara yerootti mudachuun sirna qophii, akeekkachiisa duraa (Early Warning), faana-dhahiinsaa fi deebii ariifachiisaa caalaatti cimsuun barbaachisaa ta’uu agarsiiseera.

Dhibeen busaa waggoota hedduuf gadi bu’aa kan ture ta’us, waggoota muraasa darban keessatti Aanaalee fi magaalota hedduu keessatti bifa weeraraatiin deebi’ee mul’ateera. Kanaan walqabatee hojiiwwan qorannoo fi yaalaa babal’isuu, raabsa saaphana siree, biifaa keemikaala farra bookee busaa (IRS), leenjii fi bobba’insa gareewwan deebii ariifachiisaa (Rapid Response Teams), akkasumas hojii hubannoo hawaasaa bal’inaan hojjetameera. Haaluma wal fakkaatuun, weerarri koleeraa waggoota kurnan darban keessatti yeroo gara yerootti mudatus, qindoomina damee hedduu, qulqullina bishaanii fi naannoo, leenjii fi bobba’insa RRT, akkasumas hordoffii fi deebii ariifachiisaa cimaan reetiin du’aatii dhibee kanaa ulaagaalee Dhaabbata Fayyaa Addunyaa (<1%) gadi akka turu taasifameera.

Dhibee gifiraa (Measles) fi laamsheessaa (Polio) ittisuuf duulawwan talaallii marsaa marsaan gaggeeffaman, sakatta’iinsa shakkamtootaa fi qorannoo laaboraatoorii cimsuun dandeettiin sirna faana-dhahiinsaa fooyya’eera. Akkasumas, weerarri MPOX yeroo jalqabaaf bara 2017 Magaalaa Moyyaaleetti mul’achuun namoota shakkaman 308 keessaa namoota 18 irratti mirkanaa’ee du’aan tokko galmaa’ee ture gara Aanaa keenyaa akkaa hin babalanee hojiin ittisa fi to’annoo bal’aan hojatameen Deebii kanaaf kennameen qindoominni qaamolee mootummaa, hordoffii walitti dhiyeenya namootaa (contact tracing), leenjii ogeessotaa fi hubannoon hawaasaa cimeen to’aachuun danda’aameera. Weerarri Marburg Viral Disease (MVD) Aanaa keenyaa keessatti hin mul’anne ta’us, sababa naannolee biroo keessatti mul’ateen qophii cimaa taasifameera. Hospitaalonni 7 tajaajila yaalaa kennuuf qophaa’anii, wiirtuuleen adda baasaa fi tursiisaa hundeeffamanii, ogeeyyiin fayyaa 30 ol ta’an leenjii argatanii fi ogeeyyiin miidiyaas leenjifamuun sirni qophii balaa tasaa cimeera.

Sirni faana-dhahiinsa dhukkubootaa (Integrated Disease Surveillance and Response-IDSR) waggoota darban keessatti fooyya’iinsa guddaa agarsiiseera. Lakkoofsi dhukkuboota fi balaa tasaa hordofaman 20 irraa gara 37tti guddatee, gabaasni guutuu fi yeroo isaa eeggate bara 2018tti wal duraa duubaan 94% fi 92% gaheera. Akkasumas sirni Faana-dhahiinsa Du’aatii Haadholii fi Daa’immanii (Maternal and Perinatal Death Surveillance and Response MPDSR) sadarkaa hawaasaa fi dhaabbilee fayyaatti babal’atus, guutummaa fi qulqullinni gabaasaa, akkasumas fayyadamiinsi ragaa murtoo keessatti hanqina qaba.

3.9.1 Gaggeessummaa, Hoggansa fi Bulchiinsa Sirna Fayyaa

Gaggeessummaa, hoggansaa fi bulchiinsi sirna fayyaa bu’uura hojii sirna fayyaa hundaati. Sirni hoggansaa cimaa ta’e karoora qopheessuu, qabeenya sirnaan bulchuu, tajaajila qulqullina qabu kennuu, itti gaafatamummaa cimsuu fi murteewwan ragaa irratti hundaa’an kennuuf gahee murteessaa qaba. Kanaaf, dandeettiin hoggansaa fi bulchiinsaa sirna fayyaa cimuun hojii tajaajila fayyaa hundaa irratti dhiibbaa kallattii qaba.

Waggoota kudhan darban keessatti Aanaa keenyaa keessatti mootummaa fi michoonni misoomaa tarsiimoo ijaarsa dandeettii hoggansaa irratti hojii bal’aa hojjetaniiru. Hojiiwwan kunneen Karoora Misooma Seektara Fayyaa (HSDP IV fi HSTP I) jalatti gaggeeffamaa turuun dandeettii hoggantoota sadarkaa Bulchiinsa Magaalaa, Aanaa fi dhaabbilee fayyaa cimsuu irratti xiyyeeffataniiru. Leenjiileen Leadership, Management and Governance (LMG) bal’inaan kennamuun hoggantoonni dandeettii karoorsuu, raawwachiisuu, hordoffii fi madaallii, akkasumas rakkoo hiikuu irratti beekumsa isaanii guddisaniiru.

Dabalataanis, Bulchinsaa Godinichaa keessatti hirmaannaa dubartootaa hoggansa keessatti guddisuuf sagantaan Women Leadership, Management and Governance (Women-LMG) hojii irra ooleera. Sagantaan kun dandeettii hoggansaa dubartootaa cimsuun qofa osoo hin taane, bakka bu’ummaa isaanii murteewwan sirna fayyaa keessatti dabaluuf gumaacha guddaa taasiseera. Bu’aan hojii kanaas hirmaannaan dubartootaa sadarkaa hoggansaa gara **18%**tti akka guddatu taasiseera. Ta’us, yeroo ulaagaalee mootummaa fi galma walqixxummaa koorniyaa waliin madaalamu, hirmaannaan kun ammallee gadi aanaa ta’ee jira.

Sirna bulchiinsa dhaabbilee fayyaa cimsuuf boordiin dhaabbilee fayyaa sadarkaa hospitaalotaa fi Bufataa fayyaati hundaa’ee hojii irra ooleera. Boordiin kun karoora dhaabbilee ragaa irratti hundaa’een qopheessuu, raawwii hordofuu, bulchiinsa qabeenyaa fi faayinaansii fooyyessuu, akkasumas itti gaafatamummaa hawaasaa cimsuu keessatti shoora olaanaa taphateera. Haa ta’u malee, gahumsi boordii dhaabbilee hundaa walqixa miti. Bakka tokko tokkotti leenjii gahaa dhabuu, wal jijjiirraan miseensotaa baay’achuu fi hordoffiin laafuun hojii isaanii irratti dhiibbaa geessiseera.

Riifoormii sirna fayyaa keessatti hojiiwwan akka Evidence-Based Care (EBC) fi System Bottleneck Focused Reform (SBFR) hojii irra ooluun qulqullina kenniinsa tajaajilaa fooyyeessuu keessatti bu’aa gaarii galmeessiseera. EBC'n murteewwan yaalaa ragaa saayinsii irratti hundaa’an akka kennaman deeggaruun garaagarummaa kenniinsa tajaajilaa hir’iseera. SBFR immoo hudhaalee hojii keessatti mul’atan adda baasuun furmaata sirnaawaa kennuuf gargaareera. Kanaanis yeroo eegumsaa maamiltootaa hir’isuu, itti fayyadama qabeenyaa fooyyessuu fi tajaajila itti fufiinsa qabu kennuu keessatti jijjiiramni mul’ateera.

Sirna bulchiinsa gaarii cimsuuf qajeelfamoonni garaagaraa qophaa’anii hojii irra oolaniiru. Keessumaa Health Facility Standard Initiative diriirsuun dhaabbilee fayyaa heduu keessatti qulqullina naannoo hojii, nageenya tajaajilaa, bulchiinsa dhaabbataa fi itti quufinsa maamiltootaa fooyyeessuun danda’ameera. Dhaabbileen fayyaa 109 ol ta’an istaandaardii kana hojii irra oolchuu jalqabaniiru. Kunis qulqullina dhaabbilee fayyaa madaaluu fi wal dorgomsiisuuf bu’uura gaarii ta’ee jira.

Kana waliin walqabatee, sirni karoora tokko, baajata tokko fi gabaasa tokko (One Plan, One Budget and One Report) hojii irra ooluun qindoomina hojii cimsuu keessatti shoora olaanaa taphateera. Sirni kun karoora, baajata fi gabaasa dhaabbilee garaagaraa wal simsiisuun qabeenya sirnaan fayyadamuuf gargaareera.

Haa ta’u malee, yeroo ammaa rakkooleen bu’uuraa hedduun mul’achaa jiru. Tokkoffaa, qajeelfamoonni fi imaammatonni hedduun yeroo isaanii eeggatanii hin haaromfamne. Jijjiiramoota haaraa sirna fayyaa, dijitaalessuu fi riifoormii mootummaa waliin wal simuun haaromfamuu qabu ture. Lammaffaa, sirni itti gaafatamummaa fi raawwii hojii bakka hundatti walqixa hojii irra hin oolle. Sadarkaa tokko tokkootti murteewwan ragaa irratti hundaa’an osoo hin taane muuxannoo dhuunfaa irratti hundaa’uun kennamaa jiru. Kunis gahumsa hojii irratti dhiibbaa geessisaa jira.

Rakkoon biraa hirmaannaa dubartootaa fi dargaggootaa hoggansa keessatti gadi aanaa ta’ee hafuu dha. Akkasumas, wal jijjiirraan hoggantootaa yeroo gabaabaa keessatti baay’achuun itti fufiinsa hojii irratti dhiibbaa geessisaa jira. Hoggantoonni haaraan yeroo dheeraa fudhachuu fi dandeettii barbaachisu horachuun isaanii yeroo waan fudhatuuf, hojii tarsiimoo tokko tokko gufachiisaa jira.

Yeroo ulaagaalee Addunyaa Fayyaa (WHO) fi Karoora Jijjiiramaa Seektara Fayyaa (HSTP II) waliin wal bira qabamee ilaalamu, sirna hoggansaa bu’aa irratti xiyyeeffate (Results-based management), bulchiinsa dijitaalaa (digital governance), sirna to’annoo keessaa (internal control), bulchiinsa hojii irratti hundaa’e (performance management) fi sirna itti gaafatamummaa ammayyaa guutummaatti diriirsuun hojii guddaa hafee jira.

Kanaaf, waggoota shanan dhufan keessatti xiyyeeffannoon mootummaa naannoo hoggansa sirna fayyaa ammayyeessuu, qajeelfamoota haaromsuu, leenjii LMG fi Women-LMG babal’isuu, sirna boordii dhaabbilee fayyaa cimsuu,Hogansa hospitaaloota sirna irratti hunda’e cimsuu, murteewwan ragaa irratti hundaa’an sadarkaa hundatti hojii irra oolchuu, akkasumas sirna bulchiinsa hojii bu’aa irratti hundaa’e diriirsuu irratti ta’uu qaba. Kunis Karoora Of-danda’uu keessatti sirna fayyaa iftoomina, itti gaafatamummaa, gahumsa fi itti fufiinsa qabu ijaaruuf bu’uura murteessaa ta’a.

3.9.2. Qabeenya Namaa Fooyyessuu (Human Resources for Health)

Humni namaa fayyaa bu’uura sirna fayyaa cimaa, of-danda’aa fi itti fufiinsa qabu ijaaruuf qabeenya murteessaa dha. Baay’inni, qulqullinni, gahumsii fi raabsi ogeessota fayyaa kallattiin qaqqabummaa, qulqullinaa fi bu’a-qabeessummaa tajaajila fayyaa irratti dhiibbaa olaanaa qaba. Kanaaf, misoomni humna namaa fayyaa tarsiimoo ijoo ta’ee waggoota darban keessatti xiyyeeffannoo olaanaa argatee hojii bal’aan irratti hojjetamaa tureera. Babal’inni dhaabbilee fayyaa, guddinni baay’ina uummataa, daballiin fedhii tajaajilaa fi babal’ina paakeejota tajaajila fayyaa haaraa waliin walqabatee fedhiin ogeessota fayyaa waggaa irraa gara waggaatti dabalaa dhufeera. Kana deebisuuf mootummaa naannichaa, Ministeera Fayyaa, Yunivarsiitoota mootummaa fi dhuunfaa, akkasumas Koolleejjota Saayinsii Fayyaa waliin ta’uun hojii oomisha, qaxaraa, leenjii, ijaarsa dandeettii fi fooyya’iinsa bulchiinsa humna namaa irratti invastimantii guddaan taasifamaa tureera.

Waggoota kudhan darban keessatti lakkoofsi humna namaa fayyaa mootummaa haala jajjabeessaa ta’een dabaleera. Bara 2009tti hojjettoonni seektara fayyaa Aanaaa 2453 turan bara 2018tti gara 6275 tti guddachuun waggoota kudhan keessatti daballii %64.9 agarsiiseera. Guddinni kun dameewwan ogummaa garaagaraa keessatti mul’atus, saffisa babal’ina dhaabbilee fayyaa, guddina baay’ina uummataa fi daballii tajaajila barbaadamu waliin yeroo madaalamu fedhii jiru guutummaatti deebisuu hin dandeenye. Bara 2018tti humni namaa mootummaa fi dhuunfaa walitti ida’amee 8799 gaheera; keessaa mootummaa keessatti %79.1 fi damee dhuunfaa keessatti %20.9 hojjechaa turan. Kunis hirmaannaan damee dhuunfaa oomishaa fi hojii humna namaa fayyaa keessatti guddachaa dhufuu agarsiisa. Haa ta’u malee, uwwisni caasaa mootummaa %57.83 qofa ta’uun iddoowwan hojii hedduun guutamuu dhabuu fi hanqinni humna namaa sadarkaa hundatti akka itti fufu agarsiisa.

Gosa ogummaa adda addaatiin yeroo ilaalamu guddinni guddaan naarsotaa irratti mul’ata. Lakkoofsi naarsotaa bara 2012 irraa gara bara 2018tti %38.1 dabaleera. Midwaayifonni fi Health Officers illee guddina muraasa galmeessaniiru. Garuu rakkoon guddaan ogeessota yaalaa sadarkaa olaanaa irratti mul’ata. Lakkoofsi GP bara 2012 keessa 33 ture bara 2018tti gara 76 tti ta’us baay’ina uummataa fi babal’ina dhaabbilee fayyaa waliin yeroo madaalamu hanqina cimaa agarsiisa. Lakkoofsi GP fi ogeessota ispeeshaalistii walitti ida’amanii daballii xiqqaa qofa (%1.6) agarsiisuun fedhii sirna fayyaa ammayyaa guutuu akka hin dandeenye mul’isa. Hanqinni ogeessota yaalaa sadarkaa olaanaa kun tajaajila hospitaalota sadarkaa lammaffaa fi sadaffaa, akkasumas tajaajiloota addaa irratti dhiibbaa guddaa geessisaa tureera.

Leenjii fi ijaarsa dandeettii humna namaa irratti hojii bal’aan hojjetameera. Waggoota saddeettan darban keessatti ogeessota fayyaa 3421 oliif carraan barnootaa sadarkaa Hojjetaa Ekisteenshinii Fayyaa irraa hanga PhDtti kennamuu danda’eera. Kunis dandeettii ogeessotaa fooyyessuu, ogeessota sadarkaa olaanaa oomishuu, akkasumas gahumsa hoggansaa fi bulchiinsa sirna fayyaa cimsuu keessatti shoora guddaa taphateera. Haa ta’u malee, oomishni ogeessotaa fi fedhiin sirna fayyaa yeroo hunda wal hin simne. Dameewwan akka Anaesthesia, Emergency Medicine, Critical Care, Oncology, Psychiatry, Family Medicine fi Biomedical Engineering keessatti hanqinni ogeessotaa cimaa ta’ee itti fufeera. Kunis tajaajiloota addaa fi walxaxaa babal’isuu keessatti gufuu ta’ee jira.

Rakkoon biraa sirna humna namaa keessatti mul’atu raabsa ogeessotaa walqixa ta’uu dhabuudha. Ogeessotni hedduun magaalota guguddoo fi dhaabbilee fayyaa sadarkaa olaanaa keessatti walitti qabamu; yeroo ta’u , aanaalee baadiyyaa fagoo fi Aanalee horsisee bula keessatti hanqinni humna namaa cimaa ta’ee itti fufeera. Garaagarummaan kun walqixxummaa qaqqabummaa tajaajila fayyaa irratti dhiibbaa guddaa geessisaa jira. Hanqinni mana jireenyaa, faayidaalee hojii gahaa dhabuu, carraa guddina hojii xiqqaa, haala hojii mijataa dhabuu fi rakkoon nageenyaa sababoota ijoo raabsi ogeessotaa walqixa akka hin taane taasisan keessaa muraasa.

Reeshiyoon ogeessa fayyaa fi uummataa waggoota darban keessatti fooyya’iinsa agarsiiseera. Ta’us sadarkaa barbaadamu irraa baay’ee fagoo jira. Bara 2018tti reeshiyoon GP fi uummataa 1:29,400, naarsii fi uummataa 1:2,200, akkasumas midwaayifaa fi uummataa 1:8,900 ture. Akkasumas rukkinni humna namaa fayyaa (Health Workforce Density) ummata 10,000 keessaa ogeessota filatamoo 6.13 qofa ta’uun ulaagaalee Dhaabbata Fayyaa Addunyaa (WHO) kan ogeessota 45 ummata 10,000 irratti qabaachuu qabu jedhu irraa baay’ee gadi aanaa ta’ee jira. Kunis sirni fayyaa Godinichaa hanqina humna namaa bu’uuraa akka qabu ifatti agarsiisa.

Gabatee 3.9.2.2. Reeshiyoo Ogeessaa fi Ummataa

Agarsiiftuu	Oromiyaa	Ulaagaa
GP: Ummata	1:29,400	1:10,000
Nurse: Ummata	1:2,200	1:1,000
Midwife : Ummata	1:8,900	1:6,800
Health Workforce Density (per 10,000 population)	6.13	WHO = 45

Gama tursiisa humna namaatiin waggoota jalqabaa keessatti fooyya’iinsi mul’ateera. Daballiin mindaa, carraan barnootaa, deeggarsi waldaa mana jireenyaa fi fooyya’iinsi bulchiinsa gaarii gadi-lakkisa ogeessotaa hir’isuuf gumaacha taasiseera. Garuu bara 2016 booddee gadi-lakkisni ogeessotaa deebi’ee dabaluun hanqinni humna namaa akka hammaatu taasiseera. Sababoonni ijoo kanaaf ta’an mindaa gahaa dhabuu, carraa hojii fooyya’aa bakka biraa argachuu, kaka’umsa hojii gadi aanaa fi jijjiirraa hojii yeroo baay’ee taasisuudha.

Xiinxalli haalaa akka agarsiisutti Godini Harargee Bahaa waggoota darban keessatti baay’ina humna namaa guddisuu fi ijaarsa dandeettii irratti hojii guddaa hojjettee jira. Haa ta’u malee, rakkoon sirnichaa yeroo ammaa baay’ina qofaan kan daangeffame osoo hin taane gahumsa, qulqullina, raabsa walqixaa fi bu’a-qabeessummaa humna namaa irratti kan xiyyeeffatu ta’uu isaa mul’isa. Uwwisni caasaa mootummaa gadi aanaa ta’uun, hanqinni GP fi ogeessota ispeeshaalistii, rukkinni humna namaa ulaagaalee idil-addunyaa irraa gadi aanaa ta’uun, sirni bulchiinsa humna namaa ammayyaa guutummaatti diriirfamuu dhabuu, iHRIS guutummaatti hojii irra ooluu dhabuu, sirni madaallii raawwii hojii (Performance Management) laafaa ta’uu fi karoorri bakka bu’iinsaa (Succession Planning) dhabamuun rakkoolee ijoo ta’anii itti fufaniiru.

Kanaafuu, Karoora Of-danda’uu waggoota shanan dhufan keessatti xiyyeeffannoon guddaan karoora humna namaa ragaa irratti hundaa’e diriirsuu, sirna iHRIS guutummaatti hojii irra oolchuu, oomisha GP fi ogeessota ispeeshaalistii guddisuu, rukkinni humna namaa gara ulaagaalee biyyaalessaa fi idil-addunyaatti akka dhiyaatu taasisuu, sirna tursiisa ogeessota baadiyyaa cimsuu, bulchiinsa humna namaa bu’aa irratti hundaa’e hojii irra oolchuu, leenjii itti fufiinsa ogummaa (CPD) babal’isuu, sirna bakka bu’iinsa hoggansaa diriirsuu, Koolleejjota Saayinsii Fayyaa mootummaa gara dhaabbilee barnoota olaanaa fayyaa sadarkaa guutuutti guddisuu fi tumsa mootummaa, yunivarsiitii fi damee dhuunfaa cimsuun oomisha humna namaa qulqullina qabu mirkaneessuu irratti ta’uu qaba.

Walumaagalatti, waggoota darban keessatti humna namaa fayyaa baay’inaan guddisuu fi dandeettii isaa cimsuu irratti hojii guddaa hojjettee jirti. Ta’us, hanqinni uwwisa caasaa, raabsa walqixa hin taane, tursiisa ogeessotaa, gahumsa sirna bulchiinsa humna namaa fi hanqinni ogeessota sadarkaa olaanaa ammallee rakkoolee ijoo ta’anii jiru. Kanaaf waggoota shanan dhufan keessatti xiyyeeffannoon baay’ina humna namaa guddisuu qofaan osoo hin taane qulqullina, gahumsa, walqixxummaa raabsa, tursiisa fi sirna bulchiinsa humna namaa ammayyeessuu irratti ta’uun sirna fayyaa of-danda’aa fi itti fufiinsa qabu ijaaruuf murteessaa ta’a.

3.9.3. Bu’uuraalee Misoomaa

Bu’uuraalee misoomaa sirna fayyaa cimaa fi itti fufiinsa qabu isa murteessaa dha. Dhaabbileen fayyaa sadarkaa hundatti bu’uuraalee gahaa, meeshaalee ammayyaa fi teekinoolojii deeggaramu qabaachuun qaqqabummaa, qulqullinaa fi bu’a-qabeessummaa tajaajila fayyaa murteessu. Kana hubachuun akkaa Aanaati waggoota kudhan darban keessatti mootummaa Federaalaa fi Naannoo, michoota misoomaa fi invastaroota dhuunfaa waliin ta’uun babal’ina dhaabbilee fayyaa, haaromsa bu’uuraalee misoomaa, dhiyeessa meeshaalee yaalaa fi babal’ina teekinoolojii fayyaa irratti hojii bal’aa hojjechaa tureera.

Hojiiwwan kanaan lakkoofsi dhaabbilee fayyaa mootummaa sadarkaa hundatti guddateera. Bara 2009 irraa eegalee hospitaalonni mootummaa 5 irraa Bara 2018 gara 9 tti guddatanii daballii % 83 galmeessaniiru. Keessumaa hospitaalonni sadarkaa jalqabaa 1 irraa gara 6 tti guddatanii tajaajila yaalaa sadarkaa lammaffaa uummataaf dhiyeessuu keessatti gahee guddaa taphataniiru. Buufataaleen Fayyaa 115 irraa gara 116 tti guddatanii, hojii haaromsaa tajaajila sadarkaa bu’uuraa (PHCU) hordofuun Kellaa fayyaa hedduun gara Kellaa fayyaa bu’uuraatti (Comprehensive Health Posts (CHP)tti jijjiiramaa dhufaniiru.

Gabatee 3.9.3.1. Jijjiirama Dhaabbilee Fayyaa Mootummaa (2009–2018)

Agarsiiftuu	2009	2018	Jijjiirama
Hospitaalota Waliigalaa	3	3	-
Hospitaalota Jalqabaa	1	6	+600%
Buufataalee Fayyaa	115	116	10+
Primary Health Posts	542	475	Jijjiiramaa jira
Comprehensive Health Posts	0	14	Haarawaan hundeeffaman

Babal’inni dhaabbilee fayyaa kun qaqqabummaa tajaajila fayyaa fooyyessuuf bu’uura gaarii uumeera. Haa ta’u malee, guddinni baay’ina uummataa, saffisa magaaloominaa fi babal’ina tajaajila fayyaa walxaxaa waliin yeroo madaalamu, amma iyyuu hanqinni dhaabbilee fayyaa sadarkaa adda addaa keessatti mul’ata. Aanalee baadiyyaa fi Horsisee Bula keessatti fageenyi uummanni dhaabbilee fayyaa qaqqabuuf deemu ammallee olaanaa ta’ee jira.

3.9.4. Hoggansa Sirna Odeeffannoo Fayyaa (Health Information System Governance)

Sirni odeeffannoo fayyaa bu’uura murtee ragaa irratti hundaa’e kennuu, karoora qopheessuu, raawwii hojii hordofuu fi itti gaafatamummaa mirkaneessuuf murteessaa dha. Waggoota kurnan darban keessatti Waajjira Fayyaa Aanaa Kombolchaa keessatti sirni odeeffannoo fayyaa sadarkaa hawaasaa irraa kaasee hanga dhaabbilee fayyaa fi caasaalee bulchiinsaatti qindoominaan diriirfamaa dhufeera. Hojiirra oolmaan qajeeltoo “Karoora tokko, baajata tokko fi gabaasa tokko” sirna karooraa, baajataa fi hordoffii hojii walitti hidhuun bulchiinsa fayyaa ragaa irratti hundaa’e cimsuu keessatti gahee olaanaa qabaateera.

Diriirsi HMIS, DHIS2, CHIS, eCHIS fi EMR sirna odeeffannoo fayyaa ammayyeessuuf bu’uura cimaa uumeera. Meeshaaleen gabaasaa istaandaardii, leenjii ogeessotaa fi diriirsi sirna gabaasa tokkoon qulqullina odeeffannoo fi saffisa gabaasaa fooyyessaniiru. Sirni eCHIS keessumaa sadarkaa hawaasaatti bal’inaan hojii irra ooluun Aanalee Qonana Bula 12 , Aanalee Horsisee Bula 1, buufataalee fayyaa 72 fi keellaawwan fayyaa 347 keessatti babal’achuun maatii miliyoona 1.6 itti lakkama’aan galmeessuu fi tajaajila hawaasaa waliin walitti hidhuu danda’eera.

Qulqullina ragaa fayyaa mirkaneessuuf tooftaaleen akka LQAS, RDQA fi mirkaneessa ragaa sadarkaa hawaasaa hojii irra oolaniiru. Kanaanis qulqullinni gabaasaa (LQAS) 94.4%, guutummaan gabaasaa 96% fi yeroo isaa eeggatee gabaasuun 74% irra gaheera. Akkasumas, DHIS2 fi dashboordota dijitaalaa akka Power BI fayyadamuun agarsiistotni fayyaa hordofamuu fi murteewwan ragaa irratti hundaa’an kennamuun cimeera. Haa ta’u malee, itti fayyadama ragaa sadarkaa hundatti walqixa taasisuu, dandeettii xiinxala ragaa cimsuu fi nageenya odeeffannoo fooyyessuun ammallee hojii dursa kennamu barbaada.

Walumaagalatti, sirni odeeffannoo fayyaa Waajjira Fayyaa Aanaa Kombolchaa waggoota darban keessatti guddina guddaa agarsiisee jira. Haa ta’u malee, gara fuulduraatti sirnoota dijitaalaa walitti hidhuu, qulqullina ragaa itti fufiinsaan mirkaneessuu, itti fayyadama ragaa murtee hoggansaa keessatti cimsuu fi bulchiinsa odeeffannoo ammayyeessuun Karoora Of-danda’uu waggoota shanan dhufanii keessatti hojii tarsiimoo ijoo ta’uu qaba.

3.9.7. Faayinaansiingii Fayyaa (Health Financing)

Faayinaansiingi fayyaa bu’uura itti fufiinsa sirna fayyaa, qulqullina tajaajilaa fi of-danda’ummaa dhaabbilee fayyaa mirkaneessuuf murteessaa dha. Waggoota darban keessatti akkaa Waajjira Fayyaa Aanaa Kombolchaatti sirna faayinaansiingii fayyaa fooyyessuuf riifoormiiwwan Health Care Financing Reform (HCFR), Inshuraansii Fayyaa Hawaasaa (IFH/CBHI), galii keessaa dhaabbilee fayyaa guddisuu fi hirmaannaa seektara dhuunfaa cimsuu irratti hojii bal’aan hojjetameera. Hojiileen kunneen bulchiinsa qabeenyaa fooyyessuu, itti fayyadama galii keessaa guddisuu fi itti fufiinsa tajaajila fayyaa cimsuu keessatti bu’aa gaarii argamsiisaniiru.

Keessumaa, babal’ina Inshuraansii Fayyaa Hawaasaa keessatti guddinni olaanaan galmaa’eera. IFH yeroo ammaa aanaalee hunda keessatti hojii irra oolee jira. Lakkoofsi miseensota sagantichaa abba Waraa 669,193 guddateera; galiin miseensummaa fi kaffaltii tajaajilaa irraa walitti qabamuus waggaa waggaan dabalaa dhufeera. Kunis maatiiwwan baasiin fayyaa isaan irra gahu hir’isuun, tajaajila fayyaa yeroo barbaachisutti akka argatan fi dhaabbileen fayyaa galii dabalataa akka qabaatan gumaacha taasiseera.

Gabatee 3.9.7.1. Agarsiiftuuwwan Ijoo Faayinaansiingii Fayyaa

Agarsiiftuu	Haala duraa	Haala amma jiru	Jijjiirama
Hojiirra oolmaa IFH	Xiqqaa	Aanaalee fi Bul/Magalaa 23	Uwwisa guutuu
Miseensota IFH		669,193 ol	Babal’ina guddaa
Galii IFH	Mili 91 gadi	Milion 778 ol	Daballii olaanaa
Fayyadamtoota IFH tajaajila argatan	Xiqqaa	Hanga 97%	Fooyya’iinsa guddaa
Poolii IFH	Hin jirre	Aanaa keessatti hundaa’e	Bulchiinsa fooyya’aa

Haa ta’u malee, sirni faayinaansiingii fayyaa ammas qormaata ijoo qaba. Baasiin fayyaa nama tokkoof ramadamu sadarkaa barbaadamu irra hin geenye; akkasumas baasiin fayyaa namni dhuunfaa of irraa baasu (Out-of-Pocket Expenditure) ol’aanaa ta’ee jira. Kunis maatiiwwan tokko tokko rakkoo maallaqaa fi hiyyummaa fayyaa irraa dhufuuf saaxiluu danda’a. Akkasumas, dhaabbileen fayyaa galii keessaa maddisiisuu, bulchiinsa baajataa fi itti fayyadama qabeenyaa irratti garaagarummaa qabu.

Gabatee 3.9.7.2. Rakkoo fi Kallattii Fooyya’insaa Faayinaansiingii Fayyaa

Rakkoo Ijoo	Ibsa	Kallattii Furmaataa
Baajata fayyaa gahaa dhabuu	Baasiin fayyaa nama tokkoof gadi aanaa ta’uu	Daballii faayinaansiingii mootummaa
Hirkattummaa deeggarsa alaa	Itti fufiinsa sagantaalee irratti dhiibbaa qaba	Domestic financing cimsuu
OOP ol’aanaa	Maatiiwwan irratti ba’aa maallaqaa fida	Inshuraansii fayyaa babal’isuu
Galii dhaabbilee fayyaa gadi aanaa	Of-danda’ummaa dhaabbilee hir’isa	HCFR cimsuu
PPP laafaa	Invastimantii dhuunfaa hin fayyadamne	Tumsa mootummaa fi dhuunfaa babal’isuu

Walumaagalatti, waggoota shanan dhufan keessatti xiyyeeffannoon faayinaansiingii fayyaa madda galii keessaa babal’isuu, IFH fi HCFR cimsuu, baajata mootummaa fayyaaf ramadamu guddisuu, sirna bulchiinsa baajataa ammayyeessuu fi hirmaannaa seektara dhuunfaa guddisuu irratti ta’uu qaba. Kunis sirna fayyaa mootummaa irratti hirkannaa hir’isuun sirna fayyaa of-danda’aa fi itti fufiinsa qabu ijaaruuf murteessaa dha.

3.10. Sirna Dhiyeessii Qorichaa, Meeshaalee Yaalaa fi Omishaa

Sirni dhiyeessii qorichaa, meeshaalee yaalaa fi omishaa bu’uura qulqullina tajaajila fayyaa fi nageenya dhukkubsataa mirkaneessuuf murteessaa dha. Waggoota darban keessatti Waajjira Fayyaa Aanaa Kombolchaa keessatti sirna dhiyeessii qorichaa fooyyessuuf hojiiwwan akka bulchiinsa qorichaa ammayyeessuu, Auditable Pharmaceutical Transaction and Services (APTS), mana qorichaa hawaasaa fi sirna bulchiinsa meeshaalee yaalaa cimsuu irratti xiyyeeffannoo kennuun hojjetameera.

Dhiyeessiin qorichoota murteessoo dhaabbilee fayyaa keessatti bara 2009tti %60 ture bara 2018tti gara %94tti guddachuun fooyya’iinsa guddaa agarsiiseera. Akkasumas, qisaasamni qorichaa sirna bulchiinsa qorichaa fooyya’een %10 ol irraa gara %0.82tti gadi bu’eera. Kunis hojii sirna kuusaa, raabsaa fi hordoffii qorichaa keessatti fooyya’iinsa mul’ate agarsiisa.

Gabatee 3.10.1. Jijjiirama Dhiyeessii Qorichaa

Agarsiiftuu	Ka’umsa	Haala amma	Jijjiirama
Argama qorichoota murteessoo	60%	94%	Fooyya’iinsa guddaa
Qisaasama qorichaa	>10%	0.82%	Hir’ina olaanaa
Dhaabbilee APTS fayyadaman	< 5	55	Babal’ina sirnaa
e-APTS	Hin jirre	7 dhaabbata	Dijitaala ta’e

Tajaajila faarmaasii keessatti APTS fi e-APTS hojii irra ooluun iftoomina, hordoffii fi itti gaafatamummaa bulchiinsa qorichaa cimsuuf gumaacha taasiseera. Akkasumas, Antimicrobial Stewardship hojii irra ooluun itti fayyadama qorichoota farra baakteeriyaa sirreessuuf gumaacha taasiseera.

Mana qorichaa hawaasaa babal’isuun qaqqabummaa qorichaa hawaasaaf dabaleera. Bara 2010tti mana qorichaa hawaasaa hin jirre irraa gara bara 2018tti 69tti guddateera. Kunis hawaasa baadiyyaa fi fagoo keessatti tajaajila qorichaa dhiyeessuu keessatti gahee olaanaa qaba.

3.10.6. Bulchiinsa Meeshaalee Yaalaa fi Teeknooloojii

Waggoota darban keessatti meeshaaleen yaalaa sadarkaa adda addaatti babal’achuun dandeettii tajaajila yaalaa fooyyeesseera Digital X-ray, Ultrasound, babal’achuun tajaajiloota sadarkaa olaanaa kennuu dandeessiseera.

Gabatee 3.10.2. Babal’ina Meeshaalee Yaalaa

Meeshaa	Ka’umsa	Haala amma
Digital X-ray	0	2
Ultrasound Health Center	6	84
CBC Machine	0	22
Chemistry Machine	0	18

Haa ta’u malee, rakkoon guddaan sirna meeshaalee yaalaa keessatti mul’atu hanqina suphaa, calibration, biomedical engineering fi asset management dha. Meeshaaleen hedduun yeroo dheeraaf tajaajila ala turuun qulqullina tajaajilaa irratti dhiibbaa geessisaa jira.

Gabatee 3.10.3. Haala Bulchiinsa Meeshaalee Yaalaa

Agarsiiftuu	2010	2018	Jijjiirama
Dhaabbii meeshaalee yaalaa	35	137	Daballii guddaa
Suphaa meeshaalee yaalaa	67	534	Fooyya’iinsa guddaa
Meeshaalee hojii irra jiran	54%	88.9%	+34.9%

Cuunfaa fi Kallattii Tarsiimoo Waggoota Shanan Dhufan

Xiinxalli haalaa akka agarsiisutti, Waajjira Fayyaa Aanaa Kombolchaa keessatti sirni dhiyeessii qorichaa, meeshaalee yaalaa fi bulchiinsi qabeenyaa waggoota darban keessatti fooyya’iinsa guddaa galmeessiseera. Haa ta’u malee, itti fufiinsa sirnichaa mirkaneessuuf hojii dabalataa barbaada.

Karoora Of-danda’uummaa keessatti xiyyeeffannoon guddaan sirna bittaa fi dhiyeessii dijitaaleessuu, APTS fi e-APTS babal’isuu, oomisha qorichaa fi meeshaalee yaalaa biyya keessaa jajjabeessuu, biomedical engineering fi asset management cimsuu, akkasumas sirna suphaa dursee ittisu (preventive maintenance) diriirsuu irratti ta’uu qaba. Kunis sirna fayyaa ofiin of deeggaru, itti fufiinsa qabu fi qulqullina tajaajilaa mirkaneessu ijaaruuf bu’uura ta’a.

Bu’aa Argame

Qulqullina odeeffannoo (completeness, accuracy) dabale
Yeroon turtii tajaajila yaalaa ni gabaabbate (Waiting time reduced)
Hordoffiin fayyadamtootaa fi ittifufiinsa yaalaa fooyya’uu
Murtiin ogeeyyii fayyaa ragaa irratti hundaa’e jiraachuu

a. Babal’inna tajaajila ashaaraa (biometry services)

Baroota dhufaan keessaatti Keellaawwaan fayyaa keessatti tajaajila fayyaa ashaaraa (biometric services) kennuu kan jalqabmuu . Sochii tajaajila ashaaraa Kanaan baasii waraaf ba’u hambisuu bira darbee tajaajilamaan ragaan kee bade jechuun rakkatu kan hambisuu ta’a

b. Fayyadama sekuuritii kaameeraa mooraa Dh/Fayyaa keessati hojiira oolchuu

Hospitaalota fi Buufata fayyaa keessaatti sochiiwwaan adda addaa dhabbata fayyaa keessatti taasifamu hordofuuf seekuriitii kaameeraa galchuun itti fayyadamuun eegalamee jira.

2.6. Xiinxala Haala Keessaa fi Alaa (SWOT Analysis)

Xiinxala Haala Keessaa

Ciminaalee (Strengths)

Hanqinaalee (Weaknesses)

Kenna Tajaajilaa:

· Waggoota darban keessatti uwwisni fi qaqqabamummaan tajaajila fayyaa bu'uuraa bal'inaan fooyya'eera.

· Sirni Primary Health Care, Health Extension Program fi walitti hidhamiinsi dhaabbilee fayyaa cimeera.

· Tajaajiloonni RMNCAH-N, talaallii, HIV, TB, Malaria, WASH, Emergency Care, Smart Start, ECD fi inisheetivoonni qulqullina tajaajilaa (Tsidu, Compassionate, Respectful and Caring Services) hojii irra ooluun bu'aa gaarii argamsiisaniiru.

· Tajaajiloonni kanaan dura hospitaalota keessatti qofa kennaman akka ultrasound, minor surgery fi tajaajiloonni adda addaa gara buufata fayyaatti babal'ataniiru.

· Walqixxummaan tajaajilaa Aanaaalee fi aanaalee gidduutti garaagarummaa qaba.

· Tajaajiloonni sadarkaa olaanaa akka MRI, CT hospitaalota Aanaa keenyaa keessaati argamuu dhabuu.

· Sirni referral fi feedback guutummaatti hin cimin;

· Qulqullinni tajaajilaa dhaabbilee gidduutti garaagarummaa qaba;

· Tajaajilli fayyaa sammuu, haaromsa qaamaa (rehabilitation) fi tajaajilli dulloomtootaa bal'inaan hin babal'anne.

Humna Namaa :

· Qacarrii fi ramaddiin ogeessota fayyaa waggoota darban keessatti cimee uwwisa humna namaa fooyyeesseera.

· Sirni HRMIS, Professional Licensing fi Continuous Professional Development (CPD) hojii irra ooluun bulchiinsa humna namaa fi gahumsa ogeessotaa cimeesseera.

· Sagantaaleen misooma hooggansaa (Leadership Development) dandeettii hooggansaa fi raawwachiisummaa sadarkaa adda addaatti cimsaa jiru.

· Leenjii dandeettii cimsuu fi walta’iinsi dhaabbilee barnootaa waliin taasifamu ogeessota gahumsa qaban oomishuuf gumaacha olaanaa taasisaa jira.

· Sirni bulchiinsa humna namaa dijitaalaa fi qacarrii iftoomina qabu murtii ragaa irratti hundaa’e deeggaruu jalqabeera..

· Humna Namaa:

· Oomishtummaan humna namaa (Workforce Productivity) dhaabbilee fayyaa gidduutti garaagarummaa qaba; sirni hojii bu’aa irratti xiyyeeffate guutummaatti hin dagaagne.

· Karoorri bakka-bu’iinsa hooggansaa (Succession Planning) fi misoomni hooggansaa sadarkaa hundaatti sirnaan diriirfamee hojii irra hin oolle.

· Wal madaalliin ogummaa ogeessotaa (Specialist Skill Mix) fedhii tajaajilaa fi ba’aa dhukkubaatiin wal hin simne; hanqinni ogeessota ogummaa addaa fi deeggarsaa itti fufeera.

· Sirni bulchiinsa raawwii hojii bu’aa irratti hundaa’e (Performance-Based Management) fi sirni kaka’umsa hojjettootaa gahumsa barbaadamuun hojii irra hin oolle.

· Hojii gadi lakkisuu, jijjiirraan baay’achuu, facaatiin humna namaa walqixa ta’uu dhabuu fi hanqinni manneen jireenyaa naannoo fagoo keessatti hojjettoota tursiisuu irratti dhiibbaa geessisaa jira.

· Hanqinni karoora humna namaa ragaa irratti hundaa’e qopheessuu fi hojiirra oolchuu qaqqabamummaa fi qulqullina tajaajilaa irratti dhiibbaa geessisaa jira.

Sirna Odeeffannoo Fayyaa:

· DHIS2, eCHIS, EMR, eAPTS fi HRMIS hojii irra ooluun sirni odeeffannoo fayyaa fooyya'eera.

· Murtiin ragaa irratti hundaa'e, DQA/RDQA fi dashboard fayyadamuun cimeera.

· Dijitaalessuun qulqullina ragaa, gabaasaa fi hordoffii hojii fooyyeesseera.

· Dandeettiin ogeessota HIS leenjii fi deeggarsa ogummaatiin cimeera.

· Hanqinni bu'uuraalee ICT, ogeessota HIS/IT fi baajataa hojii dijitaalaa irratti dhiibbaa geessisaa jira.

· Interoperability, Full EMR fi data governance guutummaatti hin milkoofne.

· Hanqinni data analytics, evidence use, cyber security fi data privacy itti fufeera.

· Sirni suphaa, haaromsaa fi itti fayyadama teeknooloojii haaraa (AI fi digital innovations) gahumsa barbaadamuun hin cimin.

Qorichaa fi Meeshaalee Yaalaa:

· Manni Qorichaa Fayyaa Hawaasaa fi sirni dhiyeessa qorichaa babal'ateera.

· Sirni dijitaalaa (DAWA) fi bulchiinsi kuusaa qorichaa fooyya'eera.

· Dhiyaannaan qorichoota bu'uuraa fi suphaan meeshaalee yaalaa fooyya'iinsa agarsiiseera.

· Dandeettiin bulchiinsa qorichaa fi qindoominni mootummaa, EPSS fi michoota misoomaa cimeera.

· Hanqinni fi addaan cituun (stock-out) qorichoota bu'uuraa fi meeshaalee yaalaa

· Sirni forecasting, quantification fi inventory management gahumsa dhabuu

· Rakkoon loojistikii, kuusaa fi suphaa meeshaalee

· Hanqinni baajataa fi sirni rational medicine use guutummaatti hin fooyya'in.

Faayinaansiingii Fayyaa:

· Inshuraansii Fayyaa Hawaasaa (CBHI/IFH) fi domestic resource mobilization cimeera.

· Sirin grant management, audit fi bulchiinsa faayinaansii fooyya'eera.

· • Qindoominni mootummaa, michoota misoomaa fi deeggartoota waliin taasifamu cimeera.

·
• Sirni bulchiinsa qabeenyaa fi itti fayyadama baajataa fooyya'aa jira.

· Baajanni mootummaa fedhii seektarichaa guutuu hin dandeenye.

· SHI hojii irra hin oolle; reimbursement CBHI/IFH yeroo isaa eeggatee hin raawwatamu.

· Baasiin hawaasaa ofii (Out-of-Pocket Expenditure) ammallee olaanaadha.

· Deeggarsa alaa irratti hirkannaan fi gahumsi itti fayyadama qabeenyaa hanqina qaba.

Bulchiinsaa fi Hoogansa:

· Caasaan seektara fayyaa hanga sadarkaa gandaatti jirachuu.

· Boordiin dhaabbilee fayyaa, Leadership & Management (LMG) fi riifoormiiwwan bulchiinsa gaarii hojii irra oolaa jiru.

· Murtiin ragaa irratti hundaa'e, sirni hordoffii fi gamaaggamaa, akkasumas qindoominni michoota misoomaa fooyya'aa jira.

· Qindoominni sektaroota gidduu fi hirmaannaan hawaasaa fayyaa keessatti cimee jira.

· Sirni itti gaafatamummaa (accountability), hojii bu'aa irratti hundaa'e (performance management) fi iftoomina bulchiinsaa laafaa ta’uu

· Dandeettiin hooggansaa, karoora tarsiimoo hojiirra oolchuu fi jijjiirama hoogganuu sadarkaa adda addaatti garaagarummaa qabaachuu

· Jijjiiramni hooggansaa yeroo baay'ee uumamuun itti fufiinsa hojii fi raawwii tarsiimoo irratti dhiibbaa geessisaa jira.

· Qindoominni sektaroota gidduu, bulchiinsi balaa (risk management) fi dandamannaa balaa (institutional resilience) gahumsa barbaadamuun hin cimine

· Hordoffiin, gamaaggamni fi fayyadama bu'aa madaallii hojii murtee fi fooyya'iinsa tajaajilaaf walqixaan hojii irra oolchuu dhabuu.

Xiinxala Haala Alaa

Carraa (Opportunities)

Sodaa (Threats)

· Teeknooloojii dijitaalaa, Artificial Intelligence (AI), Telemedicine fi Digital Health babal'achaa dhufuun kenna tajaajila fayyaa fooyyessuuf carraa guddaa uumeera.

· Xiyyeeffannoon mootummaa Universal Health Coverage (UHC), Primary Health Care fi Digital Ethiopia irratti kenne seektara fayyaaf deeggarsa cimaa uuma.

· Babal'inni dhaabbilee fayyaa dhuunfaa, Public–Private Partnership (PPP) fi invastimantii damee fayyaa dabalaa jira.

· Babal'inni yunivarsiitiiwwanii, wiirtuu CPD fi e-learning misooma humna namaa ni cimsu.

· Oomishtoonni qorichaa biyya keessaa, digital supply chain fi domestic resource mobilization babal'achaa jiru.

· Hirmaannaan hawaasaa, deeggarsi michoota misoomaa fi qindoominni sektaroota gidduu cimee jira.

· Jijjiiramni qilleensaa, weeraroonni dhukkuboota haaraa fi deebi'anii mudatan, akkasumas balaa uumamaa

· Walitti bu'iinsi nageenyaa, godaansa uummataa fi mancaatiin bu'uuraalee fayyaa

· Hojjettoonni ogummaa qaban gara damee dhuunfaa fi biyyoota alaa godaanuu

· Qaalayiinsi jireenyaa, jijjiiramni dinagdee addunyaa fi hir'ina baajataa itti fufiinsa faayinaansii fayyaa irratti dhiibbaa geessisu.

· Hanqinni qorichootaa, rakkoon dhiyeessaa addunyaa, qorichaan walbaruun (AMR) fi qorichoonni qulqullina hin qabne dabalaa jiru.

· Rakkooleen cyber security, data privacy fi hirkattummaan deeggarsa alaa dijitaalessuu sirna fayyaa irratti sodaa uumu.

2.7. Rakkoolee fi Hudhaalee Ijoo

Waggoota shanan darban keessatti seektarri fayyaa gama qaqqabamummaa fi babal’ina tajaajila fayyaatiin guddina jajjabeessaa galmeessus, galmoota tarsiimoo hundaa guutummaatti milkeessuu keessatti rakkoolee fi hudhaaleen hedduun itti fufanii turaniiru. Rakkooleen kunneen walitti hidhamiinsa sirna fayyaa hunda irratti dhiibbaa geessisuun bu’a qabeessummaa, qulqullinaa fi walqixxummaa tajaajila fayyaa daangessaniiru.

Rakkoon jalqabaa walqixxummaa tajaajilaa ture. Garaagarummaan qaqqabamummaa fi qulqullina tajaajila fayyaa aanaalee baadiyyaa fi magaalotaa gidduutti mul’ateera. Aanalee fageenyaa qaban keessatti dhaabbileen fayyaa hedduun humna namaa gahaa, qorichaa fi meeshaalee yaalaa, elektiriikii fi bishaan qulqulluu dhabuu irraa kan ka’e tajaajila guutuu kennuu hin dandeenye. Kunis bu’aa fayyaa ummataa irratti garaagarummaa bal’aa uumeera.

Humni namaa fayyaa rakkoo guddaa ta’ee itti fufeera. Lakkoofsi ogeessotaa dabalus, raabsi humna namaa walqixa hin taane, jijjiiramni hojii (staff turnover), hojii dhiisuu, hanqinni ogeessota ogummaa addaa, akkasumas dandeettiin hoggansaa fi bulchiinsaa dhaabbilee fayyaa tokko tokko keessatti gadi aanaa ta’uun qulqullina tajaajilaa irratti dhiibbaa geessiseera. Keessumaa ogeessota yaala addaa, ogeessota laaboraatorii, ogeessota suphaa meeshaalee yaalaa fi ogeessota HIT irratti hanqinni mul’ataan itti fufeera.

Qaqqabamummaa fi qulqullinni tajaajila fayyaa bu’uuraa fooyya’us, agarsiistonni ijoo tokko tokko galma barbaadame hin geenye. Du’aatiin haadholii fi daa’immanii, hanqinni nyaataa daa’immanii, ulfaatinni dhibee daddarboo fi dhibee hin daddarbine, akkasumas rakkoon fayyaa sammuu fi miidhaan balaa geessisu rakkoo fayyaa ummataa ijoo ta’anii itti fufaniiru. Akkasumas, fedhiin tajaajila fayyaa yeroo hunda dabalaa dhufus, dandeettiin sirna fayyaa fedhii kanaaf deebii kennuu walqixa hin guddanne.

Sirni dhiyeessii qorichaa fi meeshaalee yaalaa rakkoolee hedduu qabaatee ture. Hanqinni qorichoota bu’uuraa fi meeshaalee yaalaa, harkifannaa dhiyeessii, rakkoo kuusaa fi raabsaa, akkasumas suphaa fi tajaajila eegumsa meeshaalee yaalaa irratti hanqinoonni mul’ataniiru. Dhaabbileen fayyaa hedduun meeshaalee ammayyaa qabaatanis tajaajilaaf oolchuu fi suphuun rakkisaa ta’ee ture.

Qulqullinni tajaajilaa fi nageenyi dhukkubsattootaa sadarkaa barbaadamu irra hin geenye. Sirni qulqullina tajaajilaa, Infection Prevention and Control (IPC), Water, Sanitation and Hygiene (WASH), bulchiinsa xurii yaalaa fi sirni to’annoo qulqullinaa dhaabbilee fayyaa hunda keessatti walqixa hojiirra hin oolle. Kanaanis wal qabatee infekshinoonni dhaabbilee fayyaa keessatti daddarban ittisuu fi qulqullina tajaajilaa mirkaneessuun hojii guddaa ta’ee itti fufeera.

Sirni odeeffannoo fayyaa fi fayyadama ragaa irratti hundaa’uun murtoo kennuus hanqinoota qabaatee ture. Qulqullinni ragaa, guutummaan gabaasaa, yeroo gabaasni dhiyaatu, walitti hidhaminsa sirna dijitaalaa fi dandeettiin ragaa irratti hundaa’uun karoorsuu fi murteessuun dhaabbilee hedduu keessatti gadi aanaa ture. Kunis hordoffii raawwii fi qoodinsa qabeenya irratti dhiibbaa geessiseera.

Gama mootummaa fi bulchiinsaatiin, faayinaansiingiin fayyaa gahaa hin turre. Baajanni mootummaa, deeggarsi michoota misoomaa fi galiin keessaa walitti makamuun illee fedhii dabalaa dhufe guutuu hin dandeenye. Dabalataanis, qindoominni sektaroota garaagaraa, hirmaannaa damee dhuunfaa, hawaasaa fi qaamolee biroo cimsuu keessatti hanqinoonni mul’ataniiru.

Haalli alaa sirna fayyaa irratti dhiibbaa guddaa geessiseera. Rakkoon nageenyaa, weerarri dhukkubootaa, hongeen, jijjiiramni qilleensaa fi balaa uumamaa dhaabbilee fayyaa hedduu irratti miidhaa geessisuun tajaajila fayyaa addaan kutuu fi fedhii tajaajila fayyaa dabaluun sirna fayyaa irratti dhiibbaa cimaa uumaniiru. Akkasumas, ce’umsi epidemioloojii saffisaan adeemaa jiru ba’aa dhukkuboota hin daddarbine, dulloomina ummataa fi fedhii tajaajila yaalaa sadarkaa olaanaa dabaluun karoora tarsiimoo haaraa keessatti xiyyeeffannoo addaa barbaachisaa taasisaniiru.

Walumaagalatti, rakkooleen kunneen walitti hidhamiinsa cimaa kan qaban yoo ta’u, galmoota fayyaa uummataa milkeessuuf qaqqabamummaa, qulqullina, walqixxummaa, of-danda’ummaa fi dandamachuu sirna fayyaa cimsuun murteessaa ta’uu isaanii agarsiisu. Kanaafuu, Karoorri Tarsiimoo bara 2019–2023 E.C. rakkoolee bu’uuraa kana hiikuuf sirna fayyaa cimsuu, qabeenya namaa guddisuu, qulqullina tajaajilaa fooyyessuu, sirna dhiyeessii qorichaa fi faayinaansiingii cimsuu, fayyaa dijitaalaa babal’isuu fi dandamannaa sirna fayyaa balaa garaagaraaf guddisuu irratti xiyyeeffata.

Boqonnaa Sadii: Kallattii Tarsiimoo

3.1.Sakatta'iinsa Haala Mana Hojii

3.1.1. Aangoo fi Gahee Hojii

Labsii Lakk.242/2014 qaamolee raawwachiiftuu mootummaa naannoo oromiyaa irra deebiidhaan gurmeessuu, aangoo fi hojii isaanii murteessuuf bahe irratti hundaa’udhaan aangoo fi hojiin ijoo Biiroo Fayyaa Oromiyaatif kenname akkaata armaan gaditti tarreeffame jira.

1. Barnoota bu’uura fayyaa hawaasaaf ni kenna; sagantaa ekisteenshinii fayyaa hojiirra ni oolcha;

2. Hospitaalota, buufataalee eegumsa fayyaa, keellaawwan fayyaafi dhaabbilee qorannoo fayyaa ni gurmeessa; ni babal’isa; ni bulcha; ijaarsa pirojektoota dhaabbilee fayyaa ni hordofa; ni to’ata; bakka hanqinni jirutti tarkaanfii sirreeffamaa ni fudhata;

3. Dhaabbileen fayyaa Mootummaa humna namaafi meeshaalee fayyaa barbaachisaa ta’aniin akka guutaman ni taasisa;

4. Qajeelfama kenniinsaafi bulchiinsa tajaajila fayyaa qoratee ni qopheessa; yammuu hayyamamu hojiirra ni oolcha; akka hojiirra oolu ni taasisa;

5. Boordii hospitaalaafi buufataalee fayyaa keessatti akkaataa seeraatiin akka hundeeffaman ni taasisa; ni hordofa; ni deeggara; akka hojiirraa gaggeeffaman ni taasisa;

6. Sagantaalee, pirojektotaafi dhimmoota fayyaa ilaallatan irratti abbootii qabeenyaafi dhaabbilee miti mootummaa waliin ni hojjata;

7. Abbootii qabeenyaa biyya keessaa fi biyya alaa hoospitaala, buufata eegumsa fayyaa, kilinika fayyaa, laaboraatoriifi faarmaasii hundeessaniif hayyama ni kenna; kanneen qaama biraatiin kennameef dabalatee sadarkaafi qulqullina bahe eeganii hojjachuu isaanii ni to’ata;

8. Leenjii koollejjota fayyaa Mootummaa keessatti kennamu ulaagaalee Biiroo Barnoota Leenjii Teekiniikaafi Ogummaa Mootummaatiin qophaa’e irratti hundaa’uun akka kennamu ni taasisa; ni hordofa; ni to’ata; deeggarsa barbaachisaa ta’e ni kenna;

9. Ogeessonni hojii tajaajila fayyaa ummataa irratti bobba’an sadarkaa murteeffame guutuu isaanii ni mirkaneessa; qulqullinniifi naamusni hojii eegamuu isaa ni to’ata

10. Ogeessota fayyaa koollejjii saayinsii fayyaa mootummaa, dhuunfaa fi dhaabbilee miti- mootummaa irraa eebbifamaniif hayyama hojii ogummaa ni kenna; leenjii hojiirraa ni qopheessa; ni kenna;

11. Qorichi aadaafi tooftaaleen yaalaa aadaa fayyisuun isaanii mirkanaa’e yaala hammayyaa waliin wal simanii hojiirra akka oolan ni taasisa;

12. Qoricha bu’uraa qulqullinniifi sadarkaan isaa eegame raabsiin isaa hordofamee ummata akka dhaqqabu ni taasisa;

13. Hojii haayijiniifi saaniteeshinii ummata keessatti ni gaggeessa;

14. Tajaajilootni dhukkuba daddarbaa ittisuufi dhabamsiisuuf gargaaran akka kennamaniifi tarkaanfiiwwan biroo barbaachisaa ta’an akka fudhataman ni taasisa

15. To’annoo kuwaaraantiinii fayyaa ummataa eeguuf taasifamu irratti ni hirmaata;

16. Dhibeewwan hanqina qulqullina bishaanii irraa maddan fayyaa hawaasaa irratti miidhaa akka hin dhaqqabsiisne haala itti fayyadama bishaanii irratti barnoota ni kenna; qulqullina isaa ni to’ata; akka to’atamu ni taasisa;

17. Iddoo nyaataa, dhugaatiifi kanneen biroo itti oomishamuufi qophaa’u, akkasumas kuufamu fayyaa namaa fi Naannoo irratti miidhaa kan hin dhaqqabsiisne ta’uu isaa ni mirkaneessa; ni to’ata; qaama dhimmi ilaalu waliin tarkaanfii barbaachisaa ni fudhata;

18. Balfa dhangala’oofi gogaa, hafteewwan oomisha warshaaleefi magaalaa keessaa bahan fayyaa hawaasa naannoo irratti rakkoo akka hin uumne too’annoo ni raawwata; tarkaanfii sirreeffamaa ni fudhata;

19. Laaboraatorii maddi dhukkubaa itti qoratamu, too’annoo qulqullina nyaataafi dhugaatii qorichaa keessatti gaggeeffamu ni hundeessa; ni bulcha;

20. Baankii dhiigaa ni hundeessa; ni bulcha;

21. Dhaabbilee tajaajila fayyaan walqabatan ilaalchisee waraqaa gahumsaa ni kenna; ni to’ata;

22. Akkaataa imaammataafi tarsiimoo barnoota leenjii teeknikaafi ogummaatiin kollejjoota saayinsii fayyaa mootummaa ni hundeessa; ni bulcha;

23. Qoricha sammuu adoochaniifi araada adda addaa fayyaa hawaasaa miidhan ni to’ata; hawaasni akka itti hin fayyadamne hubannoo ni uuma;

24. Sagantaan karoora maatii akka hojiirra ooluu fi babal’atu ni hojjata;

25. Tajaajilli talaallii haadholee yeroo ulfaafi umrii dahumsaa keessa jiraniifi dhukkuba daa’immanii ittisuuf kennamu akka babal’atu ni taasisa;

26. Sababa ka’umsa dhukkubaafi tooftaa ittisaa ni qorata; ni baasa; ni barsiisa; dhukkuba weeraraan ka’e hordofuun too’annaa jala akka oolu ni taasisa;

27. Hospitaaloonnii fi buufataaleen eegumsa fayyaa galii argatan boordii fi koree hooggansaatiin murteessisuun akka itti fayyadaman deeggarsa barbaachisaa ni kenna; ni hordofa; ni to’ata;

28. Dubartootni fayyaa isaaniifi hawaasaa eeguun misooma diinagdee keessatti gahee isaanii akka bahan haala ni mijeessa;

29. HIV/AIDS'n akka hin babal’anne tooftaan ittisaafi too’annoo cimee hojiirra akka oolu ni taasisa;

30. Namootni vaayirasii HIV/AIDS waliin jiraatan, dhukkubsattootni HIV/AIDS, daa’imman sababa dhukkuba kanaan maatii isaanii dhabaniifi miseensonni maatii kanneen miidhaan irra gahe haala kunuunsa itti argachuu danda’an ni mijeessa;

31. Sadarkaa naannoo fi biyyaalessaatti walitti dhufeenya hojiifi tattaaffiiwwan dhukkuba HIV/AIDS ittisuu fi too’achuuf taasifaman ni deeggara; ni cimsa;

32. HIV/AIDS'n qorannoo laboraatoriitiin haala beekuun nama dandeessisuufi hojimaatni sarviilaansii cimaan hawaasa keessatti tamsa’ina vaayirasichaa hordofuu dandeessisu akka jiraatu haala ni mijeessa; ni qindeessa; ni to’ata;

33. Dhaabbilee mootummaa, miti-mootummaa, waldaaleefi namoota dhuunfaa sochii HIV/ AIDS ittisuufi too’achuuf taasifamu keessatti hirmaatan waliin qindoominaan ni hojjata; deeggarsa ni taasisa; ni to’ata;

34. Deeggarsi maallaqaafi kan biroo akka argamu ni taasisa; dhaabbilee mootummaa, miti- mootummaa, waldaalee, naamota dhuunfaafi koreen HIV/AIDS gandaa akkaataa karoora yookiin pirojektii baafataniin seeraan akka argatan ni taasisa; ni hordofa; ni to’ata.

3.1.2. Mul'ata, Ergama fi Duudhaalee

Mul’ata (Vision): Uummata hundaaf jireenya fayya qabeessa, umurii dheeraa fi badhaadhina qabu mirkaneessuu

Ergama (Mission)

Sirna fayyaa Oromiyaa keessatti hoggansa gaarii, humna namaa gahaa, bu'uuraalee misoomaa ammayyaa, faayinaansiingii itti fufiinsa qabu, sirna odeeffannoo ammayyaa, dhiyeessii qorichaa fi meeshaalee yaalaa amanamaa, akkasumas qabeenya mootummaa, hawaasaa fi damee dhuunfaa haala bu'a qabeessa ta'een fayyadamuun tajaajila fayyaa qulqullina qabu, walqixxummaa fi bu'a qabeessummaa qabu uummata hundaaf dhiyeessuudhaan of-danda'ummaa sirna fayyaa mirkaneessuu.

Galma (Goal)

Kaayyoon waliigalaa sirna fayyaa gara of-danda'ummaa faayinaansii, bulchiinsa gaarii, qabeenya namaa gahaa, bu'uuraalee misoomaa ammayyaa fi kenniinsa tajaajila fayyaa qulqullina qabutti ceesisuudhaan fayyaa uummataa fooyyessuu fi galma Universal Health Coverage (UHC) saffisiisuudha.

Duudhaalee

Raawwii Karoora Of-danda'uu kana keessatti hojimaanni hundi duudhaa armaan gadiirratti hundaa'a.

· Walqixxummaa – Tajaajilli fayyaa namoota hundaaf saala, umurii, bakka jireenyaa, sadarkaa dinagdee ykn haala hawaasummaa osoo hin ilaalin haqa qabeessaa fi walqixa ta’een ni kennama.

· Qulqullinaa – Tajaajilli fayyaa ragaa saayinsii fi istaandaardii irratti hundaa’ee nageenya maamilaa, bu’a-qabeessummaa fi itti quufinsa hawaasaa ni mirkaneessa.

· Itti-gaafatamummaa – Qabeenyi mootummaa fi uummataa amanamummaa, iftoomina fi itti gaafatamummaa guutuun ni bulfama; raawwiin hojii bu’aa irratti xiyyeeffatee ni gaggeeffama.

· Of-danda'ummaa – Sirni fayyaa qabeenya, dandeettii fi kalaqa biyya keessaa fayyadamuun, beekumsa ganamaa (Indigenous Knowledge) fi mala fayyinaa hawaasaa ragaa saayinsii waliin wal simsiisuun, maddoota faayinaansii babal’isuu fi hirkattummaa deeggarsa alaa hir’isuun ofiin of deeggaruu fi itti fufiinsa isaa ni cimsata.

· Kalaqaa – Kalaqaa, qorannoo, teeknooloojii dijitaalaa fi mala hojii haaraa fayyadamuun rakkoolee sirna fayyaa hiikuu fi qulqullina tajaajilaa yeroo hunda fooyyeessuun ni jajjabeeffama.

· Ogummaa – Hojjettoonni fayyaa fi hoggantoonni naamusa ogummaa, amanamummaa, dandeettii hojii, barnoota itti fufiinsaa fi kabaja maamilaa irratti hundaa’uun tajaajila gahumsaa fi qulqullina qabu ni kennu.

· Hirmaannaa – Hawaasni, mootummaa, dameen dhuunfaa, michoonni misoomaa fi qooda fudhattoonni biroon karoora, raawwii, hordoffii fi madaallii keessatti hirmaannaa hiika qabu ni qabaatu.

· Itti-fufiinsa – Karoorri fi tajaajilli fayyaa qabeenya jiru bu’a qabeessaan fayyadamuun, naannoo eeguun fi sirna fayyaa of-danda’aa dhaloota har’aa fi boruuf tursiisu ijaaruuf ni qajeelfama.

3.1.3. Qajeeltoowwan (Guiding Principles)

Raawwiin karoora kanaa qajeeltoowwan armaan gadii irratti hundaa'a.

3.1.4. Dhimmoota hunda galeessa (Cross-cutting Issues)

Dhimmoonni hundi galeesi akka walqixxummaa koorniyaa, dargaggootaa fi daa’imman, hirmaachisummaa miidhamtootaa, hawaasa dagataman fi iddoowwaan rakkoo keessa jiran, jijjiirama qilleensaa fi fayyaa magariisummaa, fayyaa dijiitaaleessuu fi kalaqa, bulchiinsa gaarii fi ittisa malaammaltummaa, hirmaannaa hawaasaa, fayyaa tokkoo (One Health) fi nageenyummaa fayyaa (Health Security), karoora kana keessatti kutaa tarsiimoo fi hojiiwwan hunda keessatti walitti makamuun hojiirra ni oolu. Dhimmoonni kunneen walqixxummaa, itti fufiinsa, qulqullina tajaajilaa, nageenya fayyaa fi mootummaa gaarii mirkaneessuuf bu’uura ta’anii ni tajaajilu.

3.1.5. Koorniyyaa Idileessuu

Karoorri kun dhimmoota koorniyaa sadarkaa karooraa, raawwii, hordoffii fi madaallii keessatti guutummaatti hojii irra ni oola. Kaayyoo fi hojiiwwan tarsiimoo hundi dhiibbaa isaanii dubartoota, dhiiraa, daa’immanii fi gareewwan saaxilamoo irratti qaban xiinxaluun ni karoorfamu; raawwii isaaniis agarsiistota koorniyaa irratti hundaa’uun ni hordofama. Agarsiistonni barbaachisoon saala, umurii fi bakka jireenyaatiin addaan baafamanii ni gabaafamu; akkasumas baajanni sagantaalee walqixxummaa koorniyaa fi tajaajiloota gareewwan adda addaa deebii kennan deeggaran keessatti ni karoorfama.

Hirmaannaan dubartootaa hoggansa, murteessummaa fi bulchiinsa sirna fayyaa keessatti cimsamuun, carraan walqixa ta’e hojii fi tajaajila keessatti akka argamu ni taasifama. Tajaajiloonni fayyaa fedhii fi haala addaa dubartootaa, daa’immanii, dargaggootaa, manguddootaa fi namoota miidhamtootaa giddugaleessa godhatan ni babal’atu. Sagantaaleen ittisaa fi deebii miidhaa koorniyaa irratti hundaa’e (GBV), eegumsa mirga walhormaataa, fi deeggarsa gareewwan saaxilamoo ni cimu.

Walumaagalatti, hordoffii fi madaalliin karooraa agarsiistota koorniyaa irratti hundaa’uun akka gaggeeffamu ni taasifama.

3.1.6. Kaayyoo Tarsiimoo (Strategic Objectives)

Kun kallattii hojii murteessuu, qabeenya ramaduu, hojiiwwan dursa qaban adda baasuufi bu'aa (Outcomes) fi agarsiistota raawwii (KPIs) ittiin madaalaman ifatti kaa'u.

Karoora Of-danda'uu Misooma Fayyaa keessatti Kaayyoo Tarsiimoo jechuun hojiiwwan sirna fayyaa gara of-danda'ummaa, itti fufiinsa, bu'a qabeessummaa fi qulqullina tajaajilaatti ceesisan irratti kan xiyyeeffatan ta'u.

Bu'uuruma xiinxala haalaa (Situation Analysis) fi Karoora Of-danda'uu irratti hundaa'uun, kaayyoo tarsiimoo armaan gadii torba (7) kaa'uun ni danda'ama.

Toora Xiyyeeffannoo (Strategic Pillar)	Kaayyoo Tarsiimo’aa (Strategic Objective)	Bu’aa Tarsiimo’aa Eegamu (Expected Strategic Outcome)
1. Gaggeessummaa, Hoggansa fi Bulchiinsa Sirna Fayyaa Cimsuu	Sirna hoggansaa, bulchiinsaa fi itti gaafatamummaa bu'aa irratti hundaa'e cimsuun sirna fayyaa of-danda'aa ijaaruu.	Sirni hoggansaa fi bulchiinsaa iftoomina, itti gaafatamummaa, murteewwan ragaa irratti hundaa'an fi riifoormii dhaabbataa cimaa qabaata.
2. Tajaajila Fayyaa Bu'uuraa fi UHC Cimsuu	Tajaajila fayyaa qulqullina qabu, walqixa, hunda bira ga'uu fi UHC saffisiisuun fayyummaa hawaasaa fooyyessuu.	Uwwisni tajaajila fayyaa, qulqullinni tajaajilaa fi haqa fayyaa ni fooyya'u; agarsiistonni fayyaa ijoo ni fooyya'u.
3. Qabeenya Namaa Fayyaa Cimsuu	Oomisha, bobbaasuu, raabsa, guddina dandeettii fi tursiisa humna namaa fayyaa cimsuu.	Humni namaa gahaa, ogummaa qabu, walqixa raabsame fi hojii keessatti tursiifame ni jiraata.
4. Bu'uuraalee Misoomaa, Qorichaa, Meeshaalee fi Teeknoolojii Fayyaa Cimsuu	Bu'uuraalee misoomaa, dhiyeessa qorichaa, meeshaalee yaalaa fi teeknoolojii fayyaa ammayyeessuu.	Dhaabbileen fayyaa bu'uuraalee guutuu, qoricha fi meeshaalee gahaa, akkasumas teeknoolojii ammayyaa qabu ni ta'u.
5. Faayinaansiingii Fayyaa fi Of-danda'ummaa Sirna Fayyaa Cimsuu	Madda mootummaa fi keessaa bal'isuun, HCFR, IFH (CBHI) fi PPP cimsuun sirna faayinaansiingii itti fufiinsa qabu ijaaruu.	Sirni faayinaansiingii fayyaa of-danda'aa, itti fufiinsa qabu fi hawaasa irraa eegumsa maallaqaa kennu ni ijaarama.
6. Sirna Odeeffannoo Fayyaa, Digital Health fi Qorannoo Cimsuu	Sirna odeeffannoo fayyaa, Digital Health, qorannoo fi murteewwan ragaa irratti hundaa'an cimsuu.	Ragaan qulqullina qabu yeroo isaa eeggate ni argama; murteewwan ragaa irratti hundaa'an ni cimu; dijitaaleessuun ni babal'ata.
7. Qophii, Ittisa fi Deebii Balaa Fayyaa Hawaasaa Cimsuu	Dandeettii ittisa, qophii fi deebii ariifachiisaa balaa fayyaa cimsuu.	Sirni qophii fi deebii balaa fayyaa cimaa ta'uun balaa fi weerara saffisaan to'achuu danda'a.
8. Walqixxummaa, Hirmaachisummaa fi Qulqullina Tajaajilaa Cimsuu	Walqixxummaa, hirmaachisummaa hawaasaa, qulqullina tajaajilaa fi itti quufinsa maamilaa mirkaneessuu.	Namoonni hundi walqixa tajaajila fayyaa qulqullina qabu argatu; hirmaannaan hawaasaa fi itti quufinsi maamilaa ni dabala.

3.1.7. Karoora Misooma Off Danda’uu Seektaraa fayyaa Bara 2019

3.1.7.1.Ka'umsa Karoorichaa

Karoora Of-danda'uu Misooma Fayyaa qopheessuuf yaadawwan bu’uuraa akka ka’umsaatti fudhataman keessaa kallattii mootummaa Naannoo Oromiyaa badhaadhina maatii fi misooma dinagdee itti fufiinsa qabu mirkaneessuuf kaa’e, qajeelfama Komishinii Karooraa fi Misooma Oromiyaa, akkasumas xiinxala haala qabatamaa fi raawwii seektara fayyaa waggoota darban irraa argame ni dabalata. Karoorichi Karoora Misoomaa fi Invastimantii Seektara Fayyaa, imaammata mootummaa, inisheetivoota fayyaa fi waadaa idil-addunyaa kanneen akka SDGs fi UHC waliin kan walsimudha.

Akkasumas, muuxannoo hojii, milkaa’inaa fi hanqinoota waggoota darban irraa barnoota fudhachuun, faayinaansiingii fayyaa itti fufiinsa qabu cimsuu, hirkattummaa deeggarsa alaa hir’isuu, qabeenya keessaa maddisiisuu fi hirmaannaa hawaasaa guddisuu irratti xiyyeeffata. Yaad-deebii Caffee Oromiyaa, qaamolee mootummaa, qooda fudhattootaa fi uummataa, akkasumas argannoo hordoffii, gamaaggamaa fi odiitii irraa argame akka bu’uuraatti fayyadama.

Walumaagalatti, karoorichi murtee ragaa irratti hundaa’e deeggaruuf odeeffannoo sirna odeeffannoo fayyaa, qorannoo fi xiinxala raawwii fayyadamuun sirna fayyaa of-danda’aa, walqixa fi itti fufiinsa qabu ijaaruuf qophaa’eera.

3.1.7.2.Toora Xiyyeeffannoo Karoorichaa

Karoora Of-danda'uu Misooma Fayyaa keessatti waggoota shanan dhufan keessatti sirni fayyaa gara of-danda'ummaa, bu'a qabeessummaa fi itti fufiinsaatti ce'uuf toorawwan xiyyeeffannoo tarsiimoo armaan gadii irratti hojii ni hojjetama.

1. Faayinaansiingii Fayyaa Of-danda'aa fi Itti Fufiinsa Qabu

Karoorri kun sirna faayinaansiingii fayyaa hirkattummaa deeggarsa alaa irraa gara faayinaansiingii biyya keessaa fi itti fufiinsa qabuutti ceesisu irratti xiyyeeffata. Kana keessatti ramaddii fi fayyadama bajata mootummaa fooyyessuun, Inshuraansii Fayyaa Hawaasaa fi Inshuraansii Fayyaa Hojjettootaa cimsuun, sirna bittaa tajaajila fayyaa tarsiimoo diriirsuun, akkasumas maddoota galii keessaa fi invastimantii fayyaa babal'isuun dursa ni argata.

2. Qabeenya Namaa Fayyaa Of-danda'aa Horachuu

Karoorri kun humna namaa gahaa, ogummaa fi dandeettii qabu naannoon ofii isaa keessatti oomishuu, leenjisuu, bobbaasuu fi tursiisuun of-danda'ummaa qabeenya namaa cimsu irratti xiyyeeffata. Kanaafis dandeettii dhaabbilee leenjii fayyaa fi hundeeffama Yuunivarsitii Saayinsii Fayyaa Oromiyaa cimsuun hojii ijoo ta'a.

3. Uwwisa Tajaajilaa irraa Gara Uwwisa Bu'a Qabeessaa fi Qulqullina Tajaajilaatti Ce'uu

Karoorri kun uwwisa tajaajilaa qofa guddisuu irraa gara tajaajila qulqullina qabu, walqixa, nageenya dhukkubsataa mirkaneessu fi bu'aa fayyaa fooyyeessu irratti xiyyeeffata. Kana keessatti tajaajila uummata giddugaleessa godhate, sirna qulqullina tajaajilaa fi fayyaa dijitaalaa babal'isuun murteessaadha.

4. Dhaabbilee Fayyaa fi Bu'uuraalee Misoomaa Cimsuu

Karoorri kun dhaabbilee fayyaa sadarkaa isaanii eeggatanii tajaajila kennan ijaaruu fi bu'uuraalee misoomaa isaanii ammayyeessuu irratti xiyyeeffata. Kunis haala rood-maappii bu’uuraalee misoomaa keessa ta’een ijaarsa, haaromsa, suphaa fi meeshaalee yaalaa akkasumas teeknoolojii barbaachisoo guutuun dandeettii dhaabbilee fayyaa cimsuu irratti ni xiyyeeffata.

5. Bulchiinsa Gaarii, Hoggansa fi Riifoormii Sirna Fayyaa Cimsuu

Karoorri kun bulchiinsa gaarii, hoggansa bu'a qabeessa fi sirna itti gaafatamummaa cimsuun riifoormii sirna fayyaa saffisiisuu irratti xiyyeeffata. Sirni hoggansa dhaabbilee fayyaa, bulchiinsa qabeenyaa, raawwii hojii fi murtoo ragaa irratti hundaa'e akka cimu ni taasifama.

6. Qindoomina Qooda Fudhattootaa fi Hirmaannaa Hawaasaa Cimsuu

Karoorri kun mootummaa, hawaasa, damee dhuunfaa, dhaabbilee barnootaa fi michoota misoomaa gidduutti qindoomina fi hirmaannaa cimsuun qabeenya, beekumsa fi deeggarsa walitti fiduu irratti xiyyeeffata. Hojiiwwan michoota misoomaa karoora mootummaa waliin wal simsiisuun abbummaa mootummaa fi itti gaafatamummaa ni cimsama.

7. Sirna Dhiyeessii, Loojistikii fi Oomishaalee Fayyaa Fooyyessuu

Karoorri kun sirna dhiyeessii qorichaa, meeshaalee yaalaa fi oomishaalee fayyaa itti fufiinsa qabu diriirsuu irratti xiyyeeffata. Kana keessatti sirna dhiyeessii adda addaa fayyadamuu, oomisha biyya keessaa jajjabeessuu fi bulchiinsa loojistikii ammayyeessuun dursa ni argata.

8. Tajaajila Fayyaa Sadarkaa Bu'uuraa Walitti Qindaa'ee Cimsuu

Karoorri kun sagantaalee faffaca'oo irraa gara sirna tajaajila walitti qindaa'ee fi itti fufiinsa qabuutti ce'uu irratti xiyyeeffata. OHNEFI, Riifoormii Sagantaa Fayyaa Hawaasaa Oromiyaa, sirna ol-ergii fi tajaajila fayyaa sadarkaa bu'uuraa cimsuun bu'aa fayyaa uummataa fooyyessuu ni akeeka.

9. Sirna To'annoo Fayyaa fi Nageenya Fayyaa Hawaasaa Cimsuu

Karoorri kun sirna to'annoo qorichaa, meeshaalee yaalaa fi oomishaalee fayyaa, akkasumas sirna nageenya fayyaa hawaasaa cimsuun qulqullina fi nageenya tajaajila fayyaa mirkaneessuu irratti xiyyeeffata. Dandeettiin qaamolee to'annoo fi sirna hordoffii ni cimsama.

10. Sirna Qophii, Deebii fi Dandamannaa Balaa Fayyaa Hawaasaa Cimsuu

Karoorri kun sirna qophii, ittisaa, deebii fi dandamannaa balaa fayyaa hawaasaa ammayyeessuu irratti xiyyeeffata. Sirni akeekkachiisa duraa, hordoffii weeraraa, Emergency Preparedness and Response fi fayyadama teeknoolojii keessatti dandeettiin sirna fayyaa ni cimsama.

11. Tajaajila Fayyaa Sadarkaa Olaanaa fi Addaa Babal'isuu

Karoorri kun tajaajila fayyaa sadarkaa olaanaa fi addaa uummataaf dhaqqabamaa taasisuu irratti xiyyeeffata. Kanaafis shariikummaa mootummaa fi damee dhuunfaa, invastimantii fayyaa, teeknoolojii ammayyaa fi wiirtuuwwan yaalaa addaa babal'isuun tajaajila sadarkaa olaanaa fooyyessuu ni akeeka.

3.1.7.3. Kayyoo Tarsimoo, Bu’aawwan Tarsiimo'aa, Hojiiwwan Tarsiimoo/gurguddoo/Inisheetivootaa fi Agarsiistuwwan Raawwii Ijoo (KPI)

3.1.7.3.1. KT1: Tajaajila Fayyaa Walitti Hidhataa, Qulqullina Qabu fi Walqixa Ta’e, Sadarkaa umurii Jireenyaa Hunda Keessatti Karaa Tajaajila Fayyaa bu’uuraa (PHC) tiin Dhaqqabamaa Taasisuu.

Kaayyoon tarsiimoo kun sirna tajaajila fayyaa bu’uuraa akka bu’uura sirna fayyaa ta’etti cimsuun, fedhii fayyaa hawaasaa, ba’aa dhukkubootaa fi haala naannoo irratti hundaa’uun tajaajila fayyaa qulqullina qabu, walqixxummaa qabu fi itti fufiinsa qabu uummata hunda biraan ga’uuf kan xiyyeeffatu dha.

Waggoota shanan dhufan keessatti tajaajila fayyaa mana keessaa fi hawaasaa babal’isuu, hojjettoota fayyaa gahumsa qaban ramaduu, dhaabbilee PHC dandeettii isaanii cimsuu, qulqullina tajaajilaa fooyyessuu, sirna referral cimsuu, fayyadama ragaa fi teeknoolojii dijitaalaa guddisuun deebii sirna fayyaa fedhii hawaasaa irratti hundaa’e fooyyeessuun ni hojjetama.

Bu'aa Tarsiimoo 1: Sirna Tajaajila Fayyaa Bu'uuraa (PHC) Cimsuu

Sirna Tajaajila Fayyaa Bu'uuraa (PHC) cimsuun bu'uura sirna tajaajila fayyaa waan ta’eef tajaajila fayyaa qulqullina qabu, walqixa, qaqqabamaa fi itti fufiinsa qabu sadarkaa maatii, hawaasaa, keellaa fayyaa, buufata fayyaa fi hospitaala jalqabaa keessatti kennamu mirkaneessu irratti xiyyeeffata. Kunis tajaajila ittisaa, dagaaginaa, yaalaa, deebisanii ijaaruu fi kunuunsa dhukkubsattoota yeroo dheeraa walitti hidhamiinsa qabu cimsuun fedhii fayyaa hawaasaa fi ba’aa dhukkubootaa irratti deebii kennuuf kan kaayyeffate dha.

Waggoota shanan dhufan keessatti sirni fayyaa hawaasaa ni haaromfama; tajaajilli mana manaa fi hawaasaa ni babal’ata, ni cima; Hojjettoonni Ekisteenshinii Fayyaa gahaan ni oomishamu, ni leenji’u, ni gahumsa ni horatu, ni onnechiifamu, hojii irra akka turaniif ni hojjeama; dhaabbileen fayyaa bu’uuraa humna namaa, bu'uuraalee misoomaa, qorichaa, meeshaalee yaalaa fi teeknoolojii dijitaalaatiin ni cimu. Akkasumas walitti hidhamiinsi tajaajilaa (referral system), hirmaannaan hawaasaa fi qindoominni roga hundaan jiru ni fooyya’u.

Kana milkeessuuf hojiiwwan tarsiimoo armaan gadii ni raawwatamu:

Sagantaa Fayyaa Hawaasaa fi Tajaajila Maatii cimsuun tajaajila mana keessaa fi hawaasaa babal’isuu; sirna filannoo, ramaddii, leenjii, mirkaneessa dandeettii, mentorship fi deeggarsa hojii Hojjettoota Ekisteenshinii Fayyaa cimsuu.
Tajaajila Fayyaa Hawaasaa Magaalaa fi Mana Barnootaa babal’isuun fayyaa daa’immanii, dargaggootaa fi hawaasaa fooyyessuu.
Hirmaannaa fi abbummaa hawaasaa cimsuun tola-ooltota fayyaa, mootummaa, dhaabbilee amantaa fi hawaasa hirmaachisuun itti gaafatamummaa hawaasaa guddisuu.
Rifoormii Sagantaa Fayyaa Hawaasaa Oromiyaa hojii irra oolchuun keellaa fayyaa humna namaa, bu’uuraalee misoomaa, qorichaa, meeshaalee yaalaa fi teeknoolojiin cimsuu.
Sagantaa OHNEF babal’isuun tajaajila fayyaa, nyaataa, WASH fi eegumsa hawaasaa sadarkaa maatii fi hawaasaatti walitti hidhuu; sirna dijitaalaa, hordoffii fi madaallii cimsuu.
Dhiyeessii qorichaa, meeshaalee yaalaa, meeshaalee qorannoo bu’uuraa fi galteewwan hojii sirna bulchiinsa dhiyeessii ammayyaa ta’een yeroo barbaachisutti mirkaneessuu.
Qophaa’ummaa dhaabbilee fayyaa bu’uuraa (PHC) fi qulqullina tajaajilaa fooyyessuun bu’uuraalee misoomaa, sirna qulqullinaa, boordii hoggansaa fi sirna yaada maamilaa cimsuu.
Tajaajila kilinikaa, Hordooffii fi deggersaa, mentorship, clinical audit fi Gamaagama hojii cimsuun qulqullinaa fi nageenya tajaajilaa mirkaneessuu.
Sirna odeeffannoo fayyaa hawaasaa dijitaalaa (eCHIS, DHIS2 fi teeknoolojii biroo) babal’isuun murtee ragaa irratti hundaa’e cimsuu.
Sirna referral fi counter-referral sadarkaa mana keessaa hanga hospitaalaatti cimsuun walitti hidhamiinsa tajaajilaa fi hordoffii dhukkubsattootaa fooyyessuu.
Kaka’umsa, badhaasa, carraa guddina hojii fi tursiisa Hojjettoota Ekisteenshinii Fayyaa cimsuun hojii isaanii itti fufiinsa qabu taasisuu.
Qindoomina damee hedduu fi michoota misoomaa cimsuun sababoota hawaasummaa fayyaa irratti hojii waloo babal’isuu.

Agarsiistota Bu’aa Ijoo

Baay’ina tola-ooltota fayyaa hawaasaa leenjifamanii hojii irra jiran 234 irraa gara 658tti guddisuu.
Baay’ina Maatii Fayyaa Itti Fufiinsa Qabu 80,076 irraa gara 123,675 1tti guddisuu.
Itti quufinsa maamilaa 90% ol guddisuu.

Bu’aa Tarsiimoo 3: Fayyaa Haadholii, Daa’immanii fi Dargaggootaa Fooyya’e

Bu’aan tarsiimoo kun tajaajila fayyaa haadholii, daa’immanii fi dargaggootaa sadarkaa maatii, hawaasaa fi dhaabbilee fayyaa keessatti cimsuun fayyaa dhalootaa fooyyeessuuf kan xiyyeeffatu dha. Hojiiwwan tarsiimoo keessatti tajaajila walhormaataa, ittisa du’a haadholii fi daa’immanii, talaallii, nyaataa, fayyaa dargaggootaa fi guddina daa’immanii walitti hidhuun bu’aa fayyaa uummataa itti fufiinsa qabu mirkaneessuuf ni hojjetama. Kanaaf, waggoota shanan dhufan keessatti tajaajila fayyaa walhormaataa, haadholii, daa’immanii fi dargaggootaa qulqullina, qaqqabummaa fi itti fufiinsa qabuun kennamu cimsuun du’aatii fi rakkoo fayyaa ittifamuu danda’an hir’isuuf xiyyeeffannoo olaanaa ni argata.

Inisheetivotaa fi Hojiilee Tarsiimoo (Strategic Interventions)

Tajaajila Fayyaa Walhormaataa fi Karoora Maatii Cimsuu keessatti, tajaajila karoora maatii filannoo bal’aa, qulqullina qabu fi fedhii fayyaa hawaasaa irratti hundaa’e babal’isuun xiyyeeffannoo ni argata. Akkasumas, tajaajila karoora maatii da’umsaa boodaa (Postpartum Family Planning), hirmaannaa dhiiraa, tajaajila fayyaa walhormaataa dargaggootaa mijataa fi ittisa ulfaa umurii malee cimsuun ni hojjetama. Dabalataanis, tajaajila kunuunsa maseennummaa (Infertility Care) fi gorsa walhormaataa sadarkaa adda addaatti babal’isuun qaqqabummaa fi qulqullina tajaajilaa fooyyeessuuf ni hojjetama.

Fayyaa Haadholii fi Tajaajila Da’umsaa Fooyyessuu keessatti, tajaajila ulfaa duraa (ANC), da’umsaa nageenya qabu fi da’umsa boodaa (PNC) dhaabbilee fayyaa fi hawaasa keessatti cimsuun xiyyeeffannoo olaanaa qabaata. Dandeettiin dhaabbilee fayyaa tajaajila balaa da’umsaa (BEmONC fi CEmONC), mana eeggumsaa haadholii fi sirna ergaa (referral system) ni fooyya’a. Akkasumas, sirni qorannoo fi deebii du’a haadholii fi daa’immanii (MPDSR), akkasumas ittisaa fi yaalii rakkoolee da’umsaa akka fistulaa fi rakkoo gadameessaa cimsuun bu’aa fayyaa haadholii fooyyessuuf ni hojjetama.

Fayyaa Daa’imman Reef-Dhalatanii fi Daa’immanii Cimsuu keessatti, tajaajila NICU, KMC, newborn corner fi kunuunsa daa’imman reef-dhalatanii babal’isuun du’aatii daa’imman reef-dhalatanii hir’isuuf ni hojjetama. Tajaajila IMNCI, iCMNCI fi BFHI dhaabbilee fayyaa fi hawaasa keessatti cimsuun, akkasumas tajaajila fayyaa daa’imman waggaa 5 gadiifi daa’imman umurii 5–14 irratti xiyyeeffate fooyyessuun ni hojjetama. Dabalataanis, tajaajila guddinaa fi dagaagina daa’immanii (ECD) sirna fayyaa fi hawaasa waliin qindeessuun guddina daa’immanii deeggaruuf ni hojjetama.

Talaallii fi Ittisa Dhukkuboota Daa’immanii Cimsuu keessatti, karoora hojii talaallii, microplanning, RED/REC fi tajaajila talaallii idilee cimsuun uwwisa talaallii guddisuuf ni hojjetama. Daa’imman talaallii hin guunne (zero-dose fi under-vaccinated) adda baasuun tajaajila isaanii akka argatan gochuun, akkasumas talaallii haaraa seensisuun fi sirna hordoffii dhukkuboota talaalliin ittifaman fooyyessuun ittisa dhukkubootaa cimsuuf ni xiyyeeffatama.

Fayyaa Dargaggootaa fi Sagantaa Fayyaa Mana Barnootaa Cimsuu keessatti, tajaajila fayyaa dargaggootaa mijataa dhaabbilee fayyaa fi hawaasa keessatti babal’isuun fedhii fayyaa dargaggootaa deebisuuf ni hojjetama. Sagantaa fayyaa mana barnootaa cimsuun tajaajila ittisaa, sakatta’aa fi gorsa fayyaa babal’isuun, rakkoolee fayyaa dargaggootaa akka ulfaa umurii malee, rakkoo fayyaa sammuu, fayyaa walhormaataa fi amala balaa qabu irratti xiyyeeffachuun ni hojjetama.

Tajaajila Sirna Nyaataa Haadholii fi Daa'immanii fi Guddina Daa'imman Waggota Jalqabaa (Nutrition and ECD) Fooyyessuu-

Karoorri of-danda'uu misooma fayyaa keessatti sirna nyaataa haadholii fi daa'immanii fooyyessuun imaammata biyyaalessaa fi naannoo irratti hundaa'uun kan karoorfame dha. Imaammatootni kunneen akka imaammata soorataa fi nyaataa biyyaalessaa (National Food and Nutrition Policy) fi labsii Seqotaa (Seqota Declaration) bu'uura godhachuun hojiiwwan tarsiimaa hedduun of keessatti qabateera. Labsii Seqotaan waadaa guddaa mootummaa Itoophiyaa bara 2015 kaa'ame yoo ta'u, kunis daa'imman umurii waggaa lamaa gadii keessatti qucarummaa (stunting) dhuma bara 2030'tti dhaabuu fi xumuruuf waadaa gale dha. Labsii kun karaa sagantaa sektoroota sagal (Ministeerri Fayyaa, Qonnaa, Barnootaa, Bishaanii fi Ibsaa, Dubartootaa fi Dargaggootaa, akkasumas) hirmaachiisuun kan raawwatamu yoo ta'u, karoora waggaa 15'tti ramadame qaba. Bara 2026-2030 immoo sadarkaa babal'inaa (Scale-Up Phase) jedhamuun beekama, kunis karoora kana sadarkaa biyya guutuutti babal'isuuf qophaa'e dha.

Tarsiimoon soorataa fi nyaataa biyyaalessaa (Ethiopia Food and Nutrition Strategy - FNS) bara 2021-2030'f qophaa'e kun tajaajila sirna nyaataa addaa (nutrition-specific) fi tajaajila soorata waliin walqabatan (nutrition-sensitive) of keessatti qabateera. Tarsiimoon kunis rakkoo hanqina nyaataa hawaasa keessatti mul'atu furuuf qophaa'e dha.

Kaayyoowwan

Tajaajila sirna nyaataa fi ECD marsaa jireenyaa waliigalaa cimsuu fi babal'isuu
Hanqina nyaataa haadholii, daa'imman reef-dhalatanii fi daa'imman waggaa shanii gadii hir'isuu
Guddina qaamaa, sammuu, miiraa fi hawaasummaa daa'imman umurii 0-8 waggaa mirkaneessuu
Daa'imman hundi tajaajila ECD fi nyaata gahaa akka argatan mirkaneessuu
Daa'imman saaxilamoo fi iddoo rakkoo keessa jiran tajaajila ECD fi nyaata gahaa akka argatan gochuu
Maatii fi hawaasa ECD fi sirna nyaataa irratti hirmaachiisuu fi hubannoo isaanii guddisuu

Hojiilee Gurguddoo

Tajaajila Sirna Nyaataa fi ECD Marsaa Jireenyaa Waliigalaa Cimsuu fi Babal'isuu

· Tajaajila dabalata maayikiroo nutireentii (Vitamin A, iron, zinc, calcium) babal'isuu

· Qoricha farra raammoo garaa keessaa (deworming) daa'imman hundaaf kennuu

· Tajaajila gorsa nyaataa fi kunuunsa haadholii ulfaa fi harma hoosisan cimsuu

· Sakatta'a, gorsa fi kunuunsa sirna nyaataa sadarkaa hawaasaatti babal'isuu

· Hordoffii guddinaa fi dagaaginaa (GMP) daa'imman waggaa lamaa gadii hundaaf kennuu

· Tajaajila ECD tajaajila RMNCH-N (fayyaa walhormaataa, haadholii, daa'imman, dargaggootaa fi nyaata) waliin qindeessuun kennuu

· Tajaajila ECD sadarkaa dhaabbilee fayyaa (buufata fayyaa, keellaa fayyaa) fi hawaasaatti babal'isuu

· Tajaajila kunuunsa daa'immanii fi guddina isaanii (childcare and development) cimsuu

· Tajaajila daa'imman umurii 0-8 waggaa fedhii isaanii waliin wal simatu qindeessuu

· Tajaajilli kun marsaa jireenyaa hunda keessatti haadholii ulfaa irraa eegaluu hanga daa'imman umurii waggaa shanii ga'utti tajaajila kennuuf xiyyeeffata

· Qindoomina sektarootaa cimsuun hojiiwwan kunneen milkaa'ina isaanii mirkaneessuuf gumaacha guddaa qaba

Haala Sirna Nyaataa fi ECD Daa'imman Ji'a 0-59 Fooyyessuu

· Tajaajila harma hoosisuu qofaan fi nyaata dabalataa sirrii daa'imman reef-dhalatan fi daa'imman xixiqqaa cimsuu

· Raabsa Vitamin A, qoricha farra raammoo garaa keessaa, fi hordoffii guddinaa fi dagaaginaa babal'isuu

· Daa'imman umuriin isaanii 0-59 ji'a gidduu jiran kanneen fedhii nyaataa addaa qaban adda baasuun tajaajila isaanii fooyyessuu

· Daa'imman hanqina nyaataa cimaa (SAM) fi giddugaleessaa (MAM) qaban dursanii adda baasuun yaala murteessaa isaanii kennuu

· Maatii daa'imman hanqina nyaataa qaban gorsa nyaataa fi deeggarsa hawaasummaa kennuu

· Tajaajila kunuunsa daa'immanii fi guddina sammuu daa'imman umurii 0-3 waggaa (dursa kennuun) cimsuu

· Tajaajilli kun labsii Seqotaa fi Tarsiimoo Soorataa fi Nyaataa waliin wal simsuun, hojiiwwan tajaajila addaa (nutrition-specific) fi soorata waliin walqabatan (nutrition-sensitive) walitti qindeessuun kennuuf xiyyeeffata

Haala Sirna Nyaataa fi ECD Daa'imman Umuriin Waggaa 6-9 Fooyyessuu

Daa'imman nyaata gosa adda addaa, annisaa fi maayikiroo nutireentii gahaa qabu akka sooratan jajjabeessuu
Daa'imman kunneen akkaataa umurii isaanii fi fedhii qaamaa isaanii waliin wal simatu nyaata akka argatan gochuu
Maatiin isaanii hubannoo gahaa qabaachuu isaanii mirkaneessuuf sagantaalee beeksisaa fi hubannoo uumuu hojiirra oolchuu
Nyaata dabalataa yeroo isaatti, gosa adda addaatiin fi haala qulqullina qabuun kennuu akka qaban hubannoo kennisiisuu
Dandeettii hojjettoota ekisteenshinii fayyaa fi ogeessota biro cimsuuf leenjisuun, meeshaalee fi qabeenya barbaachisaa dhiyeessuun murteessaadha
Tajaajila daa'imman umurii 3-8 waggaa (barnoota jalqabaa) waliin qindeessuun kennuu

Amala Nyaata Fayyaaleessaa Jajjabeessuu fi Barmaatilee Miidhaa Qaqabsiisan Ittisuu

Hubannoo fi adivookeesii aadaa nyaataa miidhaa qabu, alkoolii, wantoota sammuu hadoochan fi dhugaatii sukkaaraa hedduu of keessaa qaban irraa of qusachuu irratti cimsuu
Jireenya fayya qabeessa, qajeelfamoota nyaataa, fi sagantaalee fayyaa fi nyaata mana barnootaa babal'isuu
Hawaasa keessatti namoota dursanii fi hoggantoota hawaasaa hirmaachiisuun, akkasumas miidiyaa fi marsariitii hawaasummaa fayyadamuun hubannoo guddisuun barbaachisaadha
Nyaata fayya qabeessa fi jireenya fayya qabeessa jajjabeessuun dhukkuboota daddarboo hin taane fi hanqina nyaataa ittisuuf gumaacha guddaa qaba
Hojiin kun Tarsiimoo Soorataa fi Nyaataa fi labsii Seqotaa keessatti kaayyoo guddaa ta'e jajjabeessuu amala nyaata fayya qabeessaa fi jireenya fayya qabeessaa ti

Ittisa fi Wal'aansa Hanqina Nyaataa Cimaa (SAM) fi ECD Fooyyessuu

Sakatta'a sirna nyaataa idilee fi mala hawaasa bu'uureffate babal'isuu
Uwwisa fi qulqullina tajaajila wal'aansa SAM fi MAM fooyyessuu
Yeroo balaa qaqqabu deebii sirna nyaataa ariifachiisaa cimsuun tajaajila IYCF-E fi sirna nyaataa yeroo balaa akka itti fufu fi saffisaan deebi'u mirkaneessuu
Raabsa nyaataa dabalataa, qorichoota maayikiroo nutireentii fi tajaajila fayyaa bu'uuraa yeroo balaa itti fufiinsa qabuun kennuu
Daa'imman iddoo balaa fi dhiphina keessa jiran adda baasuun tajaajila ECD fi nyaata isaanii kennuu
Karoorri kunis labsii Seqotaa fi Tarsiimoo Soorataa fi Nyaataa waliin wal simsuun, yeroo balaa keessatti daa'imman fi haadholii caalaatti saaxilamoo ta'an eegsuuf qophaa'e dha

Hojiirra Oolmaa Tajaajila Sirna Nyaataa Dhukkuboota Daddarboo Hin Taane Nyaataan Walqabatee (DRNCD) fi ECD Cimsuu

Qajeelfama tajaajila sirna nyaataa kilinikaa hojiirra oolchuun sakatta'insa, gorsaa fi tajaajila DRNCD dhaabbilee fayyaa keessatti cimsuu
Iddoowwan tajaajilaa fi dandeettii hojjettootaa sirna nyaataa kilinikaa irratti babal'isuu
DRNCD keessattuu dhibee sukkaaraa, dhiibbaa dhiigaa, fi dhukkuboota onnee kanneen sababa nyaata fayya hin taane, soorata sukkaaraa fi zayitii baay'ee of keessaa qabu, fi jijjiirama amala jireenyaatiin uumaman of keessatti qabata
Daa'imman umurii 0-8 waggaa DRNCD irraa ittisuuf sagantaalee beeksisaa fi hubannoo uumuu
Aadaa nyaata fayya qabeessa fi jireenya fayya qabeessa daa'imman jalqabaa irraa jajjabeessuu
Tajaajilli kun qindeessaa (integrated) ta'een, tajaajila fayyaa waliigalaa (NCDs) fi sirna nyaataa waliin walitti qindeessuun kennamuu qaba.

ECD Dhaabbilee Fayyaa fi Hawaasa Keessatti Babal'isuu

Dhaabbilee fayyaa (buufata fayyaa, keellaa fayyaa) ECD tajaajila kennuu akka danda'an gochuu
Hojjettoota ekisteenshinii fayyaa (HEW) fi ogeessota fayyaa ECD irratti leenjisuu
Keellaawwan fayyaa keessatti ECD corner hundeessuu fi tajaajila babal'isuu
Hawaasa keessatti ECD center (iddoo kunuunsa daa'immanii) fi manneen barnootaa jalqabaa waliin qindeessuun babal'isuu

Soorata fi Sirna Nyaataa fi ECD Irratti Qindoomina Sekterootaa Cimsuu

Tarsiimoo Soorataa fi Nyaataa (FNS) fi Labsii Seqotaa (SD) babal'isuu hojiirra oolchuuf dandeettii godinootaa fi aanaalee dagaagsuun qindoomina sektarootaa fi bulchiinsaa cimsuu
Qonnaa, barnootaa, bishaanii fi haayijinii, giddugaleessa fi hawaasummaa, akkasumas dinagdee fi misooma waliin qindoomina cimaa uumuun hanqina nyaataa fi ECD furuuf gumaacha guddaa qaba
Qindoomina sektarootaa karoora, raawwii fi hordoffii keessatti cimsuu
ECD fi sirna nyaataa karoora misooma naannoo, Aanaaa fi aanaatti hammachiisuu

Kalaqawwan ECD fi Sirna Nyaataa Haaraa Babal'isuu

Triangle of Knowledge Partnership (Walitti Hidhamiinsa Beekumsaa) ECD fi sirna nyaataa irratti babal'isuu
Nutrition-Centric Humanitarian-Development-Peace Triple Nexus ECD fi sirna nyaataa irratti hojiirra oolchuu
Malnutrition-Free Healthy Villages (Gandoota Hanqina Nyaataa Irraa Bilisa) ECD fi sirna nyaataa waliin wal qindeessuu
Model Woreda (Aanaa Moodelaa) ECD fi sirna nyaataa tajaajila guutuu kennuuf qindeessuu
Community Lab babal'isuun hirmaannaa hawaasaa fi abbummaa cimsuu
Teeknoolojii dijitaalaa ECD fi sirna nyaataa tajaajila fooyyessuuf fayyadamuu

o Beekumsa, qorannoo fi muuxannoo walitti qabuu

o Gargaarsa namoomaa, misooma fi nagaa waliin walitti hidhuu

o Gandoota hanqina nyaataa irraa bilisa ta'an uumuu

o Aanaalee fakkeenya ta'aniin tajaajila fooyyessuu

o Hirmaannaa hawaasaa fi abbummaa cimsuu

o Qindoomina sektarootaa jajjabeessuu

o Furmaata naannoo irratti hundaa'e argachuu

Agarsiistota

Du’aatii Haadholii daa’imman lubbuun dhalatan 100,000 keessaa 141 irra ture gara 140tti gadi xiqqeessuu
Reettii Du'aatii Daa'imman Waggaa shanii Gadii daa'imman lubbuun dhalatan 1000 keessaa 72 irra ture gara 44tti xiqqeessuu
Reettii du'aatii Daa'immaan kichuu(Infant) daa'imman lubbuun dhalatan 1000 keessaa 62 irraa gara 32tti xiqqeessuu
Reettii du'aatii daa'immaan reef-dhalattuu(Neonatal) daa'imman lubbuun dhalatan 1000 keessaa 39 irra ture gara 21tti xiqqeessuu
Piriivaalensii Quucarummaa daa'immaan waggaa 5 gadii 41% irra ture gara 39tti xiqqeessu
Karoora maatii yeroo dheeraa (LAFP) 342,147 ( 44 %) irraa 393,807 (50 %) guddisuu
Ulfa umurii malee (Teenage pregnancy) %15 irraa gara % 8’tti xiqqeessuu
Piroporshinii dubartoota ulfaa tajaajila kunuunsa da’umsa duraa kontaaktii 1ffaa torbee 12 gaditti argatanii 82066 (57%) irraa gara 58%’tti guddisuu
Uwwisa tajaajila kunuunsa da’umsa duraa kontaaktii 8ffaa (ANC-8 contact) 107,808 (75%) irraa gara 114,816 (80%) tti guddisuu
Tajaajila da’umsa ogeessa fayyaan kennamu 149,262 (104%) irraa gara 146,700 (100%) tti fufsisuu
Tajaajila kunuunsa da’umsa booda guyyaa lama keessatti kennamu 113% irraa gara 146,700 (100%) tti fufsisuu
Uwwisa tajaajila talaallii gosa shanii marsaa 3ffaa (Penta3) 142,060 (107%) irraa tursisuu.
Uwwisa tajaajila talaallii gifiraa marsaa 1ffaa (MCV1) 138,487 (104%) tursiisuu
Uwwisa tajaajila talaallii guutuu 138,487 (104%) tursiisuu
Daa'immaan wagga shanii gadii sakata'insi guddinaa fi dagaaginaa sammuu fi qaamaa taasifameef 100% irra tursiisuu
Piroopporshinii daa`imman waggaa lamaa gadii hordoffiin ulfatinaa qaamaa (GMP) godhameef 229,083 (97%) irraa gara 241,400 (100%) tti guddisuu
Calalli hanqina nyaataa daa'imman umurii waggaa 5 gadi jiranii 721,500(103%) irraa gara 634,150 (100% ) irraa tursisuu.

Pursue progressive achievement of universal health coverage through the implementation of the Health Insurance to address inequity and financial hardship in accessing quality health care

Bu’aa Tarsiimoo 4: Ba’aa Dhukkuboota Daddarboo fi Daddarboo Hin Taane Hir’ate

Bu’aan tarsiimoo kun ittisa, dursanii adda baasuu, yaalaa, hordoffii fi to’annoo dhukkuboota daddarboo fi daddarboo hin taane cimsuun dhukkubsachuu fi du’a sababa dhukkuboota gurguddoo irraa dhufu hir’isu irratti xiyyeeffata. Sirni fayyaa ragaa irratti hundaa’e, qindoomina sektarootaa fi hirmaannaa hawaasaa fayyadamuun TB, HIV/AIDS, busaa, dhukkuboota vekteraan daddarban, dhukkuboota tropikaalaa xiyyeeffannoo barbaadan, NCDs, kaansarii, rakkoolee fayyaa sammuu fi rakkoolee fayyaa naannoo irratti deebii waaraa akka kennu ni taasifama.

Inisheetivotaa fi Hojiilee Tarsiimoo (Strategic Interventions)

Ittisaa fi to’annoo dhukkuboota daddarboo cimsuuf tajaajila ittisaa, sakatta’insaa, qorannoo, yaalaa fi hordoffii TB, Juuzamii, HIV/AIDS, STI fi dhukkuboota daddarboo biroo babal’isuun ni hojjetama. Tajaajila TB hawaasa giddugaleessa godhate, ittisa daddarbaa TB, hordoffii namoota walqunnamtii qaban, yaala TB dhokataa fi tajaajila TB qorichaan walbaree cimsuun ni raawwatama. Akkasumas, tajaajila HIV keessatti qorannoo, walitti hidhaminsa yaalaa, ART, to’annoo viral load, ittisa daddarbiinsa HIV haadha irraa gara daa’imaa fi tajaajila HIV, TB, STI fi vaayirasii tiruu walitti qindaa’e cimsuun ni danda’ama.

To’annoo busaa fi dhukkuboota vekteraan daddarban fooyyessuuf tajaajila ittisaa akka saaphana farra bookee, biiffaa keemikaalaa mana keessaa, qorannoo fi yaalaa busaa, akkasumas hordoffii entomooloojii fi sirna Integrated Vector Management babal’isuun ni hojjetama. Sirna kaartaa facaatii dhukkubootaa, akeekkachiisa duraa fi deebii ariifachiisaa dhukkuboota akka Dengue, Chikungunya, Yellow Fever, Rift Valley Fever fi Zika cimsuun dandeettii deebii sirnichaa ni guddisama.

Dhabamsiisa dhukkuboota tropikaalaa xiyyeeffannoo barbaadan (NTDs) saffisiisuuf raabsa qorichaa waliigalaa (MDA), tajaajila qorannoo, yaalaa fi hordoffii tiraakoomaa, onkoserkayaasii, filaariyaasii, shiistoosoomiyaasii, raammoo maxxantuu mar’immaanii, Leeshimaaniyaasii fi dhukkuba Giinii irratti xiyyeeffachuun ni hojjetama. Sirna ittisaa, hordoffii fi yaalaa dhukkuboota kanaa, akkasumas ittisa miidhaa qaamaa fi mala One Health irratti hundaa’e ni cimsama.

Ittisaa fi to’annoo dhukkuboota daddarboo hin taane (NCDs), kaansarii fi rakkoolee fayyaa sammuu cimsuuf tajaajila ittisaa, sakatta’insaa, qorannoo, yaalaa fi hordoffii sadarkaa jalqabaa keessatti walitti qindeessuun ni babal’ata. Tajaajila dhiibbaa dhiigaa, sukkaaraa dhiigaa, kunuunsa ijaa, sakatta’insa fi yaala kaansarii, akkasumas tajaajila fayyaa sammuu fi rakkoo fayyadama wantoota sammuu irratti miidhaa geessisan PHC keessatti hammachiisuun ni cimsama. Sirna galmee kaansarii fi hordoffii dhukkuboota NCDs irratti hundaa’e ni diriirfama.

Sirna nyaataa, WASH fi fayyaa naannoo fooyyessuuf tajaajila nyaataa marsaa jireenyaa guutuu, ittisa fi wal’aansa hanqina nyaataa, harma hoosisuu sirrii, nyaata dabalataa fi jijjiirama amala nyaataa ni cimsama. Tajaajila WASH dhaabbilee fayyaa fi hawaasa keessatti babal’isuun, WASH-FIT, qulqullina bishaanii, haayijinii dhuunfaa, bulchiinsa balfaa fi nageenya nyaataa fooyyessuun ni hojjetama. Akkasumas, jijjiirama qilleensaa, ittisa dhiibbaa naannoo, bulchiinsa keemikaalotaa fi qophii deebii ariifachiisaa fayyaa naannoo keessatti dandeettiin sirnichaa ni cimsama.

Agarsiistuuwwan

1. Reetii dhukkuba ‘TB’ sakatta’anii adda baasuu (case detection rate) bara 2018 tti 107% irraa jiru bara 2019 tti haala kanan itti fufsisuu.

2. Reetii dhukkubsattoota ‘TB’ yaalii xumuranii (treatment success rate) bara 2019 tti 96% irraa tursiisuu

3. Baay’ina namoota waggaa tokko keessatti bifa haaraatiin dhukkuba busaan qabaman (annual parasite incidence) 1000 keessaa bara 2018 tti 43 irraa bara 2019tti 18tti hir’isuu

4. Reetii du’aatii sababa dhukkuba busaatiin dhufu ummata dhibee busaatiif saaxilaman 100,000 keessa bara 2018 tti 0.3 irraa bara 2019tti 0.15 hir’isuu

5. Pirooppoorshinii namoota Tiraakoomaa Triikiyasisii qabamanii qolli ijaa keessatti dacha’ee tajaajila baqaqsanii yaaluu argatanii 2018tti 90% ture bara 2019tti gara 95% guddisuu

6. Uwwisa raabsa qoricha farra raammolee maxxantuu mar’immanii anaalee facaatiin keessa jiru hunda keessatti kennamu %100 irra tursiisuu

7. Piroporshinii ga'eessota dhiibbaa dhiigaa qabaatanii too'atame bara 2018 tti 48% irraa ture bara 2019tti gara 65%tti guddisuu

8. Piroporshinii namoota dhukkuba sukkaaratin qabaatanii sukkaarri dhiigaa isaanii keessa too'atame bara 2018 tti 30% irraa ture bara 2019tti gara 47%tti guddisuu

9. Reetii baqaqsanii yaaluu moora ijaa (cataract surgical rate) namoota miiliyoona tokko keessaa bara 2018 tti 1190 irraa ture bara 2019tti gara 1282tti guddisuu

10. Pirooppoorshinii dubartoota Umurii isaanii 30-49 kaansarii balbala gadameessaaf calalamanii bara 2018 tti 17% irraa ture bara 2019tti gara 40%tti ol-guddisuu.

11. Proopporshinii namoota dhibeewwan sammuu dursi kennamuufii qabu (priority Mental health disorders) irratti wal'aansa argatan bara 2018 tti 7.64% irraa ture bara 2019tti gara 9.44%tti fooyyessuu

12. Prooporshinnii abbaa warraa mana fincaanii bu’uuraa qaban bara 2018 tti 75% irraa ture bara 2019tti gara 81%tti fooyyessuu

13. Pirooporshinii abbaa warraa mana fincaanitti fayyadaman bara 2018 tti 95% irraa ture bara 2019tti gara 98%tti fooyyessuu

14. Dhaabbilee Fayyaa keessatti WASH FIT hojii irra oolchuu bara 2018 tti 111 irraa ture bara 2019 tti gara 117 tti fooyyessuu

15. Seektaraalee mootummaa keessatti idileessuu hojii I/T/HIV/AIDS ilaalchisee baajata %2 qabuu bara 2018 qarshii 221,808,623 ture bara 2023tti qarshii 283,090,251tti ol guddisuu.

16. Dhibbeentaa namoota ‘HIV’n dhiiga isaanii keessa jiraachuu beekan bara 2018tti % 77 ture bara 2023tti % 95 irraan gahuu.

17. Dhibbeentaa namoota qoricha farra ‘HIV’ fudhatan kan qorannoon hanga vaayrasii taasifameef keessaa kan baay’inni vaayirasii qaama isaanii keessa jiruu too'atame (viral load suppression) bara 2018tti % 99 ture bara 2019tti % 100 qaqqabsiisuu.

18. Dhibbeentaa namoota vaayrasii Tiruu B qabaachuu adda bahan keessaa kan yaala argatan (from Eligibles for treatment) bara 2018 % 60 irra jiru bara 2019tti % 64iin gahuu.

Bu’aa Tarsiimoo 5: Sirna Tajaajila Fayyaa Qulqullinaa, Nageenyaa, Walqixxummaa fi Itti Fufiinsa Qabu Cimsuu

Tajaajila Fayyaa Bu'uuraa (PHC) qulqullinaa, nageenya qabu, namarratti xiyyeeffate, walqixa, qaqqabamaa fi itti fufiinsa qabu mirkaneessuun bu'aa fayyaa uummataa fooyyessuu irratti xiyyeeffata. Kunis tajaajila ittisaa, dagaaginaa, yaalaa, deebisanii ijaaruu fi kunuunsa dhukkubsattoota yeroo dheeraa sadarkaa sirna fayyaa hunda keessatti walitti hidhamiinsa qabuun akka kennamu ni taasisa. Tajaajilli qulqullina qabu dhaabbilee fayyaa qofa osoo hin taane sirna fayyaa guutuu keessatti jijjiirama fiduun kan milkaa'u waan ta'eef, waggoota shanan dhufan keessatti sirni qulqullinaa fi nageenya dhukkubsataa ciminaan ni hojiirra oola.

Qulqullinni tajaajilaa ulaagaalee idil-addunyaa kanneen akka nageenya dhukkubsataa, bu'a qabeessummaa, gahumsa, saffisummaa, tajaajila namarratti xiyyeeffate fi walqixxummaa irratti hundaa'ee ni cimsama. Dhaabbileen PHC humna namaa gahaa, bu'uuraalee misoomaa, qorichaa, meeshaalee yaalaa, meeshaalee qorannoo fi teeknoolojii dijitaalaa guutuu ta'een ni deeggaramu. Sirni kenniinsa tajaajilaa ragaa fi qajeelfamoota istaandaardii irratti hundaa'uun ni fooyya'a; akkasumas hojiiwwan klinikaa fi bulchiinsaa keessatti garaagarummaan raawwii hir'achuun tajaajilli wal-fakkaataa fi amanamaa akka kennamu ni taasifama.

Sirni nageenya dhukkubsataa fi fooyya'iinsa qulqullinaa itti fufiinsa qabu ni cimsama. Dogoggorri yaalaa, balaa tajaajilaa fi rakkooleen qulqullinaa akka rakkoo dhuunfaa osoo hin taane akka hanqina sirnaatti ilaalamuun sababoota isaanii adda baasuun furmaanni sirnaa ni hojiirra oola. Kanaaf sirni bulchiinsa balaa, clinical governance, clinical audit, mortality and morbidity review, adverse event fi near miss reporting, akkasumas sirni barnoota dogoggoraa irraa argamu ni diriirfama. Hojjettoonni fayyaa walqunnamtii ifaa, hojii garee fi aadaa nageenya dhukkubsataa cimsuun rakkoolee nageenyaa sodaa malee gabaasuu fi furmaata irratti hirmaachuuf ni jajjabeeffamu.

Dhaabbileen PHC sirna mirkaneessa qulqullinaa (licensing, accreditation fi regulatory standards) guutuun ni cimu. Sirni Continuous Quality Improvement (CQI), performance management, supportive supervision fi madaalliin qulqullinaa yeroo yeroon gaggeeffamuun bu'aan hojii irratti hundaa'ee fooyya'iinsi itti fufiinsa qabu ni mirkanaa'a. Akkasumas muuxannoo maamilaa, kabajni mirga dhukkubsataa, itti quufinsi maamilaa fi itti gaafatamummaan dhaabbilee fayyaa ni fooyya'u.

Qulqullinni tajaajilaa yeroo hunda hanqina qabeenyaatiin akka hin gufanneef sirni bulchiinsa qorichaa, meeshaalee yaalaa, biomedical engineering, suphaa fi sirna dhiyeessii (supply chain) ni fooyya'a. Qorichoonni fi meeshaaleen barbaachisoon yeroo barbaachisutti akka argaman, hanqinni isaanii akka hir'atu fi tajaajilli addaan hin cinne ni taasifama. Akkasumas, teeknoolojiin dijitaalaa, Electronic Medical Record (EMR), DHIS2, telemedicine fi sirnoonni odeeffannoo fayyaa biroon babal'achuun murtee ragaa irratti hundaa'e, hordoffii qulqullinaa fi itti gaafatamummaa ni cimsu.

Hojiiwwan Tarsiimoo

· Dhaabbilee PHC humna namaa, bu'uuraalee misoomaa, qorichaa, meeshaalee yaalaa fi teeknoolojii barbaachisoo ta'een cimsuu.

· Sirna qulqullina tajaajilaa fi nageenya dhukkubsataa irratti hundaa'e diriirsuu fi hojii irra oolchuu.

· Clinical governance, clinical audit, mortality and morbidity review fi Continuous Quality Improvement (CQI) cimsuu.

· Sirna bulchiinsa balaa, adverse event reporting, near miss reporting fi sirna barnoota dogoggoraa irraa argamu diriirsuu.

· Qajeelfamoota klinikaa, Standard Operating Procedures (SOPs), clinical pathways fi safety checklists hojii irra oolchuun tajaajila istaandaardii mirkaneessuu.

· Sirna licensing, accreditation fi regulatory standards cimsuun dhaabbilee PHC ulaagaalee qulqullinaa akka guutan taasisuu.

· Muuxannoo maamilaa, kabaja mirga dhukkubsataa, teamwork, walqunnamtii ifaa fi safety culture cimsuu.

· Sirna bulchiinsa qorichaa, biomedical engineering, suphaa fi supply chain fooyyessuun hanqina qorichaa fi meeshaalee yaalaa hir'isuu.

· Sirna Digital Health, EMR, DHIS2 fi teeknoolojii dijitaalaa biroo fayyadamuun bulchiinsa ragaa, hordoffii qulqullinaa fi murtee ragaa irratti hundaa'e cimsuu.

· Sirna hordoffii, madaallii fi itti gaafatamummaa qulqullinaa agarsiistota bu'aa irratti hundaa'een cimsuu.

Agarsiistota Raawwii Ijoo (KPIs)

· Dhaabbilee fayyaa istaandaardii qulqullinaa guutan (%)

· Dhaabbilee fayyaa accreditation argatan (%)

· Dhaabbilee fayyaa sirna CQI hojii irra oolchaa jiran (%)

· Dhaabbilee clinical audit fi patient safety review idilee gaggeessan (%)

· Adverse events gabaafamanii irratti tarkaanfiin fooyya'insaa fudhatame (%)

3.1.7.3.2.KT2: Uwwisa Fayyaa Waliigalaa (Universal Health Coverage) Sadarkaa Sadarkaan Galmaan Gahu Cimsuu

Sirna faayinaansii fayyaa itti fufiinsa qabu, haqaa fi of-danda’aa ta’e cimsuun, hawaasa hundaaf tajaajila fayyaa qulqullina qabu, kaffaltii madaalawaa fi eegumsa balaa maallaqaa (financial protection) qabu akka argamu gochuu; akkasumas bulchiinsa dhaabbilee mootummaa fayyaa, inshuraansii fayyaa fi hirmaannaa damee dhuunfaa cimsuun galma Uwwisa Fayyaa Waliigalaa (UHC) sadarkaa sadarkaan akka milkaa’u taasisuu.

Bu’aa Tarsiimoo 1: Sirni Faayinaansii Fayyaa Itti Fufiinsa Qabu, Gahaa fi Bu’a Qabeessa Ta’e Cime

Sirna faayinaansii fayyaa mootummaa fi keessaa cimsuun, qabeenya dabalataa maddisiisuu, itti fayyadama qabeenyaa fooyyessuu fi sirna bulchiinsa maallaqaa ammayyeessuun tajaajila fayyaa itti fufiinsa qabu mirkaneessuuf hojjetama. Sirni baajataa bu’aa irratti hundaa’e, HCFR, IFH/CBHI fi mala faayinaansii haaraa hojii irra ooluun dandeettiin dhaabbilee fayyaa galii maddisiisuu fi itti fayyadama qabeenyaa fooyyessu ni cime.

Inisheetivotaa fi Hojiilee Gurguddoo

Sochii qabeenya biyya keessaa fooyyessuun qooda baajata mootummaa fayyaaf ramadamu dabaluuf mootummaa fi qaamolee dhimmi ilaallatu waliin qindoominaan hojjechuu; galma 15% Abuja Declarationtti dhiyaachuuf deeggarsa siyaasaa fi mootummaa cimsuu.

Sirna faayinaansii fayyaa haaromsuun HCFR guutummaatti hojii irra oolchuu; galii dhaabbilee fayyaa maddisiisuu, walitti qabuu fi itti fayyadamuun tajaajila fayyaa itti fufiinsa qabu akka deeggaru taasisuu.

Sirna baajataa bu’aa irratti hundaa’e (Result-Based Budgeting) fi Faayinaansii Bu’aa irratti Hundaa’e (Performance-Based Financing) babal’isuun qabeenya jiru bu’a qabeessa taasisuu, itti gaafatamummaa fi bu’aa tajaajilaa fooyyessuu.

Sirna bulchiinsa faayinaansii fi qabeenyaa ammayyeessuu; asset management, inventory management, procurement efficiency, sirna hordoffii galii fi Health Financing Information System cimsuun murtee ragaa irratti hundaa’e deeggaruu.

Madda faayinaansii haaraa fi kalaqaa adda baasuun hojii irra oolchuu; kanneen akka galii bu’aa invastimantii irraa argamu, Treasury Bills, Sin Taxes, Busa Gonofa Health Subcomponent, Tourism Health Levy, CSR, remittance-linked health financing fi mala liqii mootummaa fayyadamuun faayinaansii dabalataa uumuu.

Bu’aa Tarsiimoo 2: Dhaqqabamummaa fi Walqixxummaan Tajaajila Fayyaa Fooyya’e

Dhaqqabamummaa fi walqixxummaan tajaajila fayyaa qulqullina qabu akka fooyya’uuf sirni Uwwisa Fayyaa Waliigalaa (UHC) akka cimuuf ni hojjetam. Tajaajilli fayyaa bu’uuraa fi addaa hawaasa hundaaf haqa qabeessa ta’een ni dhihaata; sirni eegumsa maallaqaa fayyaa ni babal’ata; murteewwan faayinaansii fi paakeejii tajaajilaa ragaa irratti hundaa’an ni diriiru.

Inisheetivotaa fi Hojiilee Gurguddoo

Paakejii Tajaajila Fayyaa (Health Benefit Package) Cimsuu:-Paakeejii tajaajila fayyaa halaa fi raga irratti hundaa’uun yeroo yeroon haaromsuu; Koree Gorsaa Faayidaa Tajaajila Fayyaa (Health Care Benefits Advisory Committee) hundeessuu fi hojii isaa cimsuu; murteewwan paakeejii tajaajilaa UHC fi IFH/CBHI waliin wal-simsiisuu.

Sirna Madaallii Teeknooloojii Fayyaa (Health Technology Assessment–HTA) Diriirsuua;-Koree Gorsaa HTA fi Garee Teeknikaa HTA hundeessuun hojii irra oolchuu; qorichoota, meeshaalee yaalaa fi teeknooloojii haaraa ragaa irratti hundaa’uun madaaluu; murtee bittaa, galmee fi paakeejii tajaajilaa keessatti HTA fayyadamuu.

Sirna Inshuraansii Fayyaa Biyyaalessaa Cimsuu: Labsii Inshuraansii Fayyaa guutummaatti hojii irra oolchuu; IFH/CBHI babal’isuu; sirna galmee miseensotaa, kaffaltii fi bitinsa tajaajilaa fooyyessuu; to’annoo maallaqaa hawaasaa cimsuu.

Walqixxummaa Dhaqqabamummaa Tajaajilaa Mirkaneessuu:-Tajaajila fayyaa bu’uuraa fi kan biro akkataa paakejii tajaajila keessa ta’een iddoo hundatti walqixa akka argamu taasisuu; harka qalleeyyii irratti xiyyeeffannoo addaa kennuu; sirna qoodinsa qabeenyaa fi tajaajilaa ragaa irratti hundaa’e diriirsuu.

Bu’aa Tarsiimoo 3: Hubannoo fi missensa Inshuraansii Fayyaa Fooyya’e

Hubannoo uummataa, amanamummaa fi hirmaannaa hawaasaa inshuraansii fayyaa irratti jiru cimsuun, IFH/CBHI akka sirna eegumsa maallaqaa waaraa ta’ee guddatu taasifama.

Inisheetivotaa fi Hojiilee Gurguddoo

Karoora qunnamtii fi hubannoo uummataa inshuraansii fayyaa irratti xiyyeeffate qopheessuun hojii irra oolchuu.

Hoggantoota hawaasaa, caasaalee mootummaa sadarkaa gadi aanaa, hojjettoota fayyaa fi dhaabbilee hawaasaa fayyadamuun hubannoo fi amanamummaa uummataa cimsuu.

Ragaa miseensummaa, kaffaltii, fayyadama tajaajilaa fi muuxannoo maamiltootaa irratti hundaa’uun sirna fooyya’iinsa IFH/CBHI diriirsuu.

Sirna komii fi deebii maamiltootaa cimsuun qulqullina tajaajilaa fi gammachuu fayyadamtootaa fooyyessuu.

Bu’aa Tarsiimoo 4: Bulchiinsi Dhaabbilee Fayyaa Mootummaa fi Hirmaannaan Damee Dhuunfaa Cime

Bulchiinsa dhaabbilee mootummaa fayyaa, itti gaafatamummaa, iftoomina fi dandeettii hoggansaa cimsuun; akkasumas hirmaannaa damee dhuunfaa fi tumsa mootummaa–dhuunfaa (PPP) babal’isuun sirna fayyaa jabaa fi itti fufiinsa qabu ijaarama.

Inisheetivotaa fi Hojiilee Gurguddoo

Bulchiinsa dhaabbilee mootummaa fayyaa cimsuun boordii, hoggansa fi sirna itti gaafatamummaa isaanii fooyyessuu.

Sirna PPP Fayyaa diriirsuun invastimantii dhuunfaa tajaajila fayyaa, bu’uuraalee misoomaa, teeknooloojii, laaboraatorii, imaging, dialysis, qorichaa fi tajaajiloota deeggarsaa keessatti hirmaachisu.

Sirna bulchiinsa PPP fi invastimantii fayyaa cimsuun garee PPP fayyaa hundeessuu, qajeelfama, ulaagaalee filannoo pirojektii fi sirna hordoffii diriirsuu.

Galmee carraa invastimantii fayyaa (Health Investment Portfolio) qopheessuun invastaroota hawwachuu fi haala invastimantii mijataa uumuu.

Sirna deeggarsa alaa fi grant management cimsuun deeggarsa mootummaa, michoota misoomaa fi dhaabbilee idil-addunyaa dursaalee fayyaa waliin walsimsiisuu.

Agarsiistuuwwan Raawwii Ijoo (KPIs)

Qooda baajata mootummaa fayyaaf ramadamu % 11 irraa gara % 15 tti guddisuu.
Baasii fayyaa namni tokko irratti (Per Capita Health Expenditure) USD 36.3 irraa gara USD 47 olitti guddisuu.
Baay’ina miseensota IFH/CBHI 669,193 irraa gara 705,430tti guddisuu.
Maallaqa IFH/CBHI walitti qabame ETB 778,035,175 irraa gara ETB 823,135,092 tti guddisuu.
Qooda baasii uummanni ofiin baasu (Out-of-Pocket Expenditure) 49.6% irraa gara 30%tti hir’isuu.
Baay’ina dhaabbilee fayyaa dhuunfaa waliin qindoomina qaban 0 irraa gara 3tti guddisuu.
Galii faayinaansii haaraa walitti qabame ETB mil. 832 ol sassaabuu.
Sadarkaa gammachuu fayyadamtoota tajaajila fayyaa (Client Satisfaction Index) % 83 irraa gara % 86 tti fooyyessuu.
Baay’ina dhaabbilee fayyaa sirna bulchiinsa faayinaansii ammayyaa fayyadaman dabaluu % 88 irraa gara % 93 tti guddisuu.

3.1.7.3.3. KT 3: Tajaajila Fayyaa Sadarkaa Olaanaa fi Addaa Babal’isuu

Tajaajila fayyaa sadarkaa olaanaa fi addaa uummata hundaaf dhaqqabamaa, qulqullina qabu fi bu’a qabeessa ta’e babal’isuu; wiirtuuwwan yaalaa addaa, teeknooloojii ammayyaa, humna namaa ogeessa, shariikummaa mootummaa fi damee dhuunfaa (PPP) fi sirna hooggansa qulqullinaa cimsuun tajaajila yaalaa sadarkaa olaanaa fooyyessuu.

Bu’aa Tarsiimoo 1: Tajaajila Yaala Ariifachiisaa, Yaala Balaa Tasaa fi ICU Fooyya’e

Sirni yaala ariifachiisaa sadarkaa hawaasaa irraa eegalee hanga hospitaala sadarkaa olaanaatti walitti hidhamiinsa qabu ni diriira. Tajaajilli Emergency, ICU, EECC, Pediatric Emergency fi sirni olergiinsaa fi ambulaansii ni cimu; du’aa tiin yaala ariifachiisaa keessatti mudatu ni hir’ata.

Inisheetivotaa fi Hojiilee Gurguddoo

· Sirna olergiinsaa, geejjibaa dhukkubsataa fi bulchiinsa ambulaansii ammayyeessuu; qajeelfamoota walitti hidhamiinsaa fi referral system hojii irra oolchuu.

· Tajaajila yaala ariifachiisaa hawaasaa, Pediatric Emergency, ICU fi Essential Emergency and Critical Care (EECC) hospitaalota keessatti babal’isuu.

· Dhiyeessii meeshaalee yaalaa ariifachiisaa, qorichoota fi humna namaa ogummaa qabu guutuun qulqullina tajaajila Emergency cimsuu.

Bu’aa Tarsiimoo 2: Tajaajila Ispeeshaaliitii fi Sab-Ispeeshaaliitii Babal’ate

Tajaajilli yaala sadarkaa olaanaa akka Cardiac Care, Oncology, Dialysis, Neuroscience, CT scan, MRI, Telemedicine fi tajaajiloota sab-ispeeshaaliitii biroo hospitaalota mootummaa keessatti babal’achuun uummataaf dhaqqabamaa ta’a.

Inisheetivotaa fi Hojiilee Gurguddoo

· Tajaajila Ispeeshaaliitii fi Sab-Ispeeshaaliitii hospitaalota filataman keessatti babal’isuu.

· Wiirtuuwwan yaala onnee, kaansarii, dialysis fi tajaajiloota addaa biroo diriirsuu fi cimsuu.

· Teeknooloojii yaalaa ammayyaa kanneen akka CT scan, MRI, Digital X-ray fi Telemedicine babal’isuu.

· Mudoo yeroo dhalootaa (Birth Defects), rakkoolee guddina sammuu fi dhukkuboota addaa irratti sirna dursanii adda baasuu fi yaalaa cimsuu.

· PPP fi invastimantii dhuunfaa fayyadamuun wiirtuuwwan yaalaa addaa babal’isuu.

Bu’aa Tarsiimoo 3: Qulqullinaa fi Bu’a Qabeessummaan Tajaajila Hospitaalotaa Fooyya’e

Sirni hooggansa qulqullinaa, bulchiinsa hospitaalotaa, itti fayyadama siree, Integrated One-Stop Service fi accreditation cimuun tajaajilli hospitaalotaa bu’a qabeessa, nageenya qabu fi maamiltoota quubsu ta’a.

Inisheetivotaa fi Hojiilee Gurguddoo

· Sirna bulchiinsa siree (Bed Management System), OPD, IPD fi hojii hospitaalotaa dijitaaleessuun bu’a qabeessummaa dabaluu.

· Integrated One-Stop Service hospitaalota filataman keessatti hojii irra oolchuu.

· Sirna hooggansa qulqullinaa hospitaalotaa (Clinical Governance, Quality Improvement fi Patient Safety) cimsuu.

· Riifoormii qulqullinaa hospitaalotaa (EHAQ/EHIAQ) fi sagantaa beekamtii (Accreditation Program) sadarkaa naannoo cimsuu.

· Sirna bayyanachiisaa (Rehabilitation Services) fi kunuunsa qindaa’aa hospitaalota keessatti babal’isuu.

Bu’aa Tarsiimoo 4: Hoggansa, Qindoominaa fi Sirni Bulchiinsa Tajaajila Yaalaa Addaa Cime

Sirni qindoominaa, imaammataa, qajeelfamoota, istaandaardota fi bulchiinsa tajaajila yaalaa sadarkaa olaanaa ni cime. Sirni hordoffii, madaallii fi murtee ragaa irratti hundaa’e ni fooyya’a; walta’iinsi mootummaa, damee dhuunfaa fi dhaabbilee barnootaa ni cime.

Inisheetivotaa fi Hojiilee Gurguddoo

· Imaammata, qajeelfamoota, istaandaardota fi fireemwoorkii tajaajila yaalaa sadarkaa olaanaa qopheessuu fi hojii irra oolchuu.

· Sirna hordoffii, madaallii fi ragaa dijitaalaa tajaajila hospitaalotaa cimsuu.

· Dandeettii hoggantoota hospitaalotaa fi ogeessota bulchiinsaa cimsuu.

· Walta’iinsa mootummaa, damee dhuunfaa, yunivarsiitiiwwanii fi michoota misoomaa waliin qindoomina cimsuu.

Agarsiistuuwwan Raawwii Ijoo (KPIs)

· Baay’ina hospitaalota ICU qaban 6 irraa gara 9 tti guddisuu.

· Reetii du’aatii kutaa yaala ariifachiisaa (Emergency Death Rate) 0.35 irraa gara 0.10tti hir’isuu.

· OPD per capita 2 irraa gara 2.7tti guddisuu.

· Bed Occupancy Rate (BOR) 67% irraa gara 95%tti guddisuu.

· Reetii du’aatii waliigalaa hospitaalotaa 1.1% irraa gara 0.2%tti hir’isuu.

· Baay’ina wiirtuuwwan tajaajila Ispeeshaaliitii fi Sab-Ispeeshaaliitii (Dialysis, Cardiac Care, Oncology, CT scan, MRI, Telemedicine fi kkf) 0 irraa gara 1tti guddisuu.

· Integrated One-Stop Service hospitaalota 2 keessatti hojii irra oolchuu.

3.1.7.3.4.KT 4: Sirna Dhiyeessii, Loojistikii fi Oomishaalee Fayyaa Fooyyessuu

Sirna dhiyeessii qorichaa, meeshaalee yaalaa fi baankii dhiigaa ammayyeessuun, argamiinsa oomishaalee fayyaa yeroo, qulqullinaa fi gatii madaalawaan mirkaneessuu; sirna loojistikii, biomedical engineering fi bulchiinsa qabeenyaa cimsuun tajaajila fayyaa qulqullina qabu, itti fufiinsa qabu fi of-danda’aa ta’e ijaaruu.

Bu'aa Tarsiimoo 1: Sirni dhiyeessii qorichaa fi meeshaalee yaalaa bu’a qabeessaa fi itti fufiinsa qabu diriireera.

Inisheetivoota Tarsiimoo

Sirna dhiyeessii fi loojistikii qorichaa ammayyeessuu.
Sirna rational medicine use, antimicrobial stewardship (AMS) fi clinical pharmacy cimsuu.
Sirna bittaa tarsiimawaa, kuusaa fi raabsaa qorichaa fooyyessuu.

KPIs

Qorichoota murteessoo dhaabbilee fayyaa keessatti argamuu qaban 95% irraa gara 97%tti guddisuu.
Tajaajilamtoota qoricha ajajame guutuu argatan 86% irraa gara 90%tti guddisuu.
Pharmaceutical wastage 0.82% irraa gara 0.55%tti hir’isuu.
Mana Qorichaa Hawaasaa 69 irraa gara 79tti babal’isuu.
Dhaabbilee e-APTS hojiirra oolchan 7 irraa gara 17tti guddisuu.
Dhaabbilee AMS hojiirra oolchan 123 irraa gara 200tti guddisuu.

Bu'aa Tarsiimoo 2: Sirni biomedical engineering fi bulchiinsa meeshaalee yaalaa cimeera.

Inisheetivoota Tarsiimoo

Biomedical engineering fi maintenance system cimsuu.
Asset management fi lifecycle management meeshaalee yaalaa diriirsuu.
Workshop suphaa meeshaalee yaalaa babal’isuu.

KPIs

Argamiinsa meeshaalee yaalaa moodelaa 43% irraa gara 50%tti guddisuu.
Meeshaalee yaalaa hojii irra jiran 78 % irraa gara 90%tti guddisuu.
Wiirtuu workshop suphaa meeshaalee yaalaa 1 hundeessuu.

Bu'aa Tarsiimoo 3: Tajaajilli baankii dhiigaa fi dhiyeessiin dhiigaa nageenya qabu babal'ateera.

Inisheetivoota Tarsiimoo

Lakkoofsaa fi dandeettii baankii dhiigaa cimsuun, tajaajila baankii dhiigaa fi blood transfusion sadarkaa hundaatti babal’isuu, arjooma dhiigaa fedhii irratti hundaa’e guddisuu fi component production akkasumas blood quality assurance fooyyessuun dhiigni gahaa, qulqullina qabu fi nageenya mirkaneesse yeroo barbaachisutti akka argamu ni taasifama. Kana waliin walqabatee sirni bittaa tarsiimawaa, kuusaa fi raabsaa qorichaa fi meeshaalee yaalaa ni fooyya’a; Integrated Health Information System ni diriirfama; imaammataa fi roadmap sirna dhiyeessii ni qophaa’u; wiirtuuwwan suphaa meeshaalee yaalaa ni babal’atu; tajaajilli e-APTS fi mana qorichaa hawaasaa ni cimu; sirni odiitii, hordoffii fi itti gaafatamummaa ni fooyya’a; akkasumas hawaasa arjooma dhiigaaf hirmaachisuun sirna dhiyeessii qorichaa, meeshaalee yaalaa fi dhiigaa qulqullina qabu, of-danda’aa fi hawaasaaf amanamaa ta’e ni diriirfama.

KPIs

Yuunitii dhiigaa walitti qabame bara 2018 dhiigaa unit 4765 kan sasabamee yomuu bara 2019 dhiigaa unit 4,200tti sasabudhaf karorfamee jira.
Gartuu Dhiigaa oomishamuu (Component production) 17% irraa gara 40%tti guddisuu.
Itti quufinsa argaminsa dhiigaa (Hospital satisfaction on blood supply 88% irraa gara 98%tti guddisuu.

Bu'aa Tarsiimoo 4: Oomishaalee fayyaa keessatti of-danda’ummaa fi invastimantiin naannoo cimeera.

Inisheetivoota Tarsiimoo

Oomisha qorichaa fi meeshaalee yaalaa sadarkaa naannoo babal’isuu.
PPP fi invastimantii dhuunfaa jajjabeessuu.
Qoricha aadaa saayinsiidhaan mirkanaa’e guddisuu.

KPIs

Oomishaalee qoricha aadaa saayinsiidhaan mirkanaa’an 0 irraa gara 1tti guddisuu.

Bu'aa Tarsiimoo 5: Sirni odeeffannoo dijitaalaa fi bulchiinsi supply chain ammayyaa’eera.

Inisheetivoota Tarsiimoo

Digital Supply Chain Information System diriirsuu.
e-APTS, DAGU, DAAWAA fi MEMIS walitti hidhuu.
Sirna ragaa, forecasting fi decision support cimsuu.

KPIs

Dhaabbilee DAGU 2 hojiirra oolchan 36 irraa gara 46tti guddisuu.
Dhaabbilee sirna DAAWAA hojiirra oolchan 0 irraa gara 23tti guddisuu.
Dhaabbilee MEMIS 2.0 hojiirra oolchan 0 irraa gara 7tti guddisuu.

Bu'aa Tarsiimoo 6: Bulchiinssa sirna dhiyeessii qorichaa, qulqullinaa fi itti gaafatamummaa cime.

Inisheetivoota Tarsiimoo

Governance, accountability fi regulatory system supply chain cimsuu.
Monitoring, audit fi supportive supervision fooyyeessuu.
Dandeettii ogeessotaa fi hoggantoota supply chain guddisuu.

KPIs

Qorichoota murteessoo dhaabbilee fayyaa keessatti argamuu qaban 98%tti guddisuu.
Reetii Qisaasama qorichaa (Pharmaceutical wastage 0.55 tti hir’isuu.

3.1.7.3.5.KT5: Bu’uuraalee Fayyaa cimsuu

Bu’uuraalee misoomaa fayyaa babal’isuu, haaromsuu fi sadarkaa isaanii ol kaasuun qaqqabummaa, walqixxummaa fi qulqullina tajaajila fayyaa mirkaneessuuf murteessaadha. Kanaafis hospitaalota, buufataalee fayyaa fi keellaa fayyaa waliigalaa fedhii uummataa fi ulaagaalee sirna fayyaa irratti hundaa’uun ijaaruu, babal’isuu, haaromsuu fi bu’uuraalee murteessoo akka bishaan qulqulluu, ibsaa amanamaa fi bu’uuraalee deeggarsa tajaajilaa guutuudhaan tajaajilli fayyaa itti fufiinsa qabu cimee yeroo karoora kana keessatti ni hojjetama.

Bu’aa Tarsiimoo 1. Qaqqabummaa, Walqixxummaa fi Itti Fufiinsi Bu’uuraalee Fayyaa Fooyya’e.
Dhaabbileen fayyaa sadarkaa hundaatti fedhii uummataa fi istaandaardii tajaajilaa irratti hundaa’uun babal’atanii fi haaromfamu; hospitaalonni, buufataaleen fayyaa fi keellaan fayyaa waliigalaa dabalanii; bishaan qulqulluu, ibsaa amanamaa fi bu’uuraalee deeggarsaa murteessoo guutachuun hawaasni tajaajila fayyaa qulqullina qabu, walqixa, nageenya qabu fi itti fufiinsa qabu akka argatu ni taasifama.

Inisheetivoota Tarsiimoo

Dhaabbilee fayyaa ijaaruu, babal’isuu fi haaromsuu, keellaa fayyaa bu’uuraa gara keellaa fayyaa waliigalaatti jijjiiruu, buufataalee fayyaa fi hospitaalota haaraa ijaaruu, akkasumas dhaabbilee fayyaa jiran suphuu fi ol-guddisuun road maappii bu’uuralee misoomaa giddu galeessa godhachuun ni raawwatama.

Sirna haaromsaa fi suphaa bu’uuraalee misoomaa diriirsuun karoora tarsiimoo bu’uuraalee hojii irra oolchuu, baajata suphaa fi haaromsaa ramaduu, akkasumas sirna bulchiinsaa fi hordoffii bu’uuraalee cimsuun ni hojjetama.

Bu’uuraalee misoomaa murteessoo dhaabbileen fayyaa bishaan qulqulluu, ibsaa, backup power fi bu’uuraalee deeggarsa barbaachisoo dhaabbilee fayyaa hunda keessatti guutuun hojii tajaajilaa wal irraa hin cinne ni hojjetama.

Wal-gitinsaa bu’uuraalee fayyaa mirkaneessuuf mootummaan, dhaabbileen deggertootaa fi hirmaannaa damee dhuunfaa fayyadamuun naannolee tajaajilli itti hanqatu keessatti bu’uuraalee fayyaa babal’isuu fi garaagarummaa magaalaa fi baadiyyaa gidduu jiru hir’isuu irratti ni hojjetama.

Agarsiistuuwwan Raawwii Ijoo (KPIs)

Hospitaalota sadarkaa jalqabaa 6 irraa gara 7 tti, Hospitaalota sadarkaa lammaffaa 3 irraa gara 3 itti fufsisuu, ,Keellaa Fayyaa Waliigalaa (Comprehensive Health Posts) 14 irraa gara 23 tti guddisuu, Buufataalee Fayyaa 116 itti fufsisuu 116.
Dhaabbilee fayyaa bishaan qulqulluu qaban 82.3% irraa gara 86% tti guddisuu.
Dhaabbilee fayyaa ibsaa amanamaa qaban 67 % irraa gara 73% tti guddisuu.
Uwwisa Dhaabbilee Fayyaa Bu’uuraa (PH Coverage) 68% irraa gara 80% tti guddisuu.

3.1.7.3.6.KT6: Qabeenya Namaa Fooyyessuu

Humna namaa misooma fayyaa gahaa, ogummaa fi dandeettii qabu, walqixa raabsame, kaka'umsa qabu fi itti fufiinsaan tursiifamu misoomsuu, akkasumas sirna bulchiinsa humna namaa ammayyeessuun kenniinsa tajaajila fayyaa qulqullina qabu, bu'a qabeessa fi of-danda'aa ta'e mirkaneessuu.

Bu'aa Tarsiimoo 1: Humni Namaa Fayyaa Gahaa, naamusa qabuu fi wal-gitinsaan dhaabbilee hundatti akka jiraatu foyyeessuu

Karoorri humna namaa fayyaa fedhii sirna fayyaa irratti hundaa'e cimee hojii irra oole; oomishni, qacarrii fi ramaddiin ogeessota fayyaa ni fooyya'a; humni namaa walqixa raabsamee fi tursiifame ta'uun hanqinni ogeessotaa ni hir'ata; koolleejjota saayinsii fayyaa, yuunivarsiitiiwwanii fi dhaabbilee leenjii waliin qindoominaan hojjechuun oomisha ogeessotaa fi dandeettiin isaanii ni akka cimsuuf ni hojjetama.

Inisheetivoota Tarsiimoo fi Hojilee Gurguddoo

Qorannoo fedhii humna namaa fayyaa irratti hundaa'uun ‘HRH Strategic Plan’ qopheessuu fi hojii irra oolchuu; qacarrii fi ramaddii ogeessota fayyaa dursa kennamuufii qabu cimsuu; sirna deployment fi redistribution hojii irra oolchuun walqixxummaa raabsa humna namaa mirkaneessuu; reeshiyoo ogeessa fayyaa fi uummataa gara galma biyyaalessaa fi WHOtti dhiyeessuu.

Koolleejjota Saayinsii Fayyaa mootummaa cimsuu, gara yunivarsiitti ol-guddisuu fi babal'isuu; yuunivarsiitiiwwanii fi dhaabbilee leenjii waliin qindoominaan ogeessota fedhii sirna fayyaa irratti hundaa'an oomishuu; carraa fooyya'insa barnootaa (BSc, MSc, Specialty, Sub-specialty fi PhD) babal'isuu; walqixxummaa koorniyaa fi hirmaachisummaa dubartootaa, dargaggootaa fi qaama miidhamtootaa misooma humna namaa keessatti mirkaneessuu. Sirna hojjetaan ittiin guddatuu (Career pathway fi promotion system) fooyyessuu, Paakeejii onnachiftuu fi sirna beekamtii diriirsuun hojii irra oolchuu, Saaxilumummaa iddoo hojii fala mijeesssuu (Occupational Health and Safety), Fayyummaa qaamaa fi sammuu hojjattoota fayyaa eeguu, Deeggarsa xiin-sammuu fi hawaasummaa (psychosocial support) hojjattootaaf dhiheessuu, naannoo hojii mijeessuu fi dhiphina hojii hir’isuu, hojjetoota bakka hojii fagoo keessatti hojjetan deeggaruu, Wal-qixxummaa koorniyaa, hammattummaa qaama-miidhamtootaa, fayyummaa fi nageenya hojjattootaa.

Bu'aa Tarsiimoo 2: Sirni Bulchiinsa Humna Namaa Fayyaa, Dandeettii fi Raawwii Hojii Ammayyaa'e

Sirni bulchiinsa humna namaa fayyaa (HRIS), madaallii raawwii hojii, hojii nageenyaa fi fayyaa hojjettootaa ni ammayyaa'a; ogeessonni fayyaa leenjii hojii keessaatti, CPD, mentorship, coaching fi carraa fooyya'insa barnootaatiin gahumsa isaanii yeroo yeroon ni cimsu; sirni kaka'umsa, tursiisa fi hoggansa humna namaa fayyaa ni fooyya'ee tajaajilli fayyaa qulqullina qabu, bu'a qabeessa fi itti fufiinsa qabu ni mirkanaa'a.

Inisheetivoota Tarsiimoo fi Hojiilee Gurguddoo

Leenjii hojii irratti (In-service Training), CPD, mentorship fi coaching itti fufiinsaan kennuu; dandeettii hoggansaa ogeessota fayyaa fi hoggantoota gara fuulduraatti dhufan (Leadership Pipeline) guddisuu; sirna madaallii gahumsaa fi hojii irratti hundaa'e diriirsuu.

Sirna hoogansa Hoooddeeffannoo humna namaa (HRIS, workforce analytics fi digital HR management) guutummaatti hojii irra oolchuu; sirna madaallii raawwii hojii, sirna onnachiftuu fi hojii nageenyaa (Occupational Health and Safety) cimsuu; tursiisa ogeessotaa fi hojii keessatti kaka'umsa isaanii guddisuuf mala adda addaa hojii irra oolchuu; sirna murtee ragaa irratti hundaa'e fayyadamuun bulchiinsa humna namaa fooyyeessuu.

Agarsiistuuwwan Raawwii Ijoo (Impact indicators)

19. Uwwisa humna namaa fayyaa waliigalaa 63% irraa gara 68%’tti fooyyessuu

20. Baay'ina humna namaa fayyaa waliigalaa 6275 irraa gara 6543’tti fooyyessuu

21. Reeshiyoo GP uummataaf 1:29,400 irraa gara 1:16,000’’tti fooyyessuu

22. Reeshiyoo Nurse uummataaf 1:2,200 irraa gara 1:1,700’tti fooyyessuu

23. Reeshiyoo Midwife uummataaf 1:8,900 irraa gara 1:6,500’tti fooyyessuu

24. Dhibbantaa Dhaabbilee HRIS guutummaatti fayyadaman 70% irraa gara 100%’tti fooyyessuu

25. Dhibbantaa Ogeessota CPD guutan 60% irraa gara 95%’tti fooyyessuu

26. Baay'ina ogeessota fooyya'insa barnootaa argatan 1121 irraa gara 1543’tti fooyyessuu

27. Reeshiyoo gadi-lakkisa ogeessotaa 8% irraa gara 5.5%’tti fooyyessuu

3.1.7.3.7.KT7: Hoggansa, Bulchiinsaa fi Gaggeessummaa Fooyyessuu

Sirna gaggeessummaa, hoggansa fi bulchiinsa fayyaa bu'a qabeessa, iftoomina, itti gaafatamummaa fi murteewwan ragaa irratti hundaa'an mirkaneessuun of-danda'ummaa fi itti fufiinsa sirna fayyaa cimsuuf kan karoorfame dha.

Bu'aa Tarsiimoo 1: Hoggansi fi Bulchiinsi Sirna Fayyaa Dandeettii, Iftoominaa fi Itti Gaafatamummaa Qabuun Cime

Sirni hoggansa fi bulchiinsa fayyaa sadarkaa hundaatti dandeettii, iftoomina, itti gaafatamummaa fi bulchiinsa gaarii irratti hundaa'uun akka cimuuf ni hojjetama. Hoggansi dhaabbilee fayyaa, boordiin fi sirni raawwii hojii bu'aa irratti xiyyeeffata ni fooyya'u; walqixxummaan koorniyaa fi hirmaachisummaan dubartootaa hoggansa keessatti ni guddatu.

Inisheetivoota Tarsiimoo fi Gurguddoo

Hooggansi dhaabbilee fayyaa (CEO fi Boordii)’n akkaataa itti foo’atamu, ramadamu fi humni raawwachiisummaa ittiin cimsamu diriirsuu

Sirna gaggeessummaa, hoggansa fi bulchiinsa fayyaa haaromsuu fi ammayyeessuu; sirna filannoo, muudamaa fi misooma hoggantootaa dandeettii irratti hundaa'e diriirsuu; leenjii Leadership, Management and Governance (LMG), Women LMG, mentorship fi coaching babal'isuu; dandeettii hoggantootaa fi hoggantoota gara fuulduraatti dhufan cimsuu; Sirna filannoo, muudamaa fi misooma hoggantootaa dandeettii irratti hundaa'e diriirsuu , Boordii dhaabbilee fayyaa hundeessuu, cimsuu fi gahumsa isaanii guddisuu.walqixxummaa koorniyaa fi hirmaachisummaa dubartootaa hoggansa keessatti guddisuu.

Sirna hundeeffamaa, muudamaa fi hojii boordii dhaabbilee fayyaa fooyyeessuu; dandeettii boordiiwwanii guddisuu; sirna ‘performance contract’, ‘performance management’ fi dhaash boordii hoggansaa hojii irra oolchuu; sirna itti gaafatamummaa, iftoomina fi bulchiinsa gaarii sadarkaa hundaatti cimsuu. Qajeelfamoota, istaandaardota fi hojii bulchiinsaa yeroo yeroon haaromsuu, Sirna gaaffii fi komii maamilaa, Citizen Charter fi social accountability cimsuu.

Bu'aa Tarsiimoo 2: Sirni Riifoormii, Qulqullinaa fi Murtee Ragaa Irratti Hundaa'e Cimmsuu

Sirni karooraa, hordoffii, madaallii raawwii fi murteewwan ragaa irratti hundaa'an ni cime; riifoormiiwwan sirna fayyaa fi hojii fooyya'iinsa qulqullinaa guutummaatti hojii irra ooluun istaandaardii dhaabbilee fayyaa, itti quufinsa maamiltootaa fi bu'a qabeessummaa tajaajilaa ni fooyya'a.

Inisheetivoota Tarsiimoo fi Gurguddoo

Sirna performance review fi murteewwan ragaa irratti hundaa'an sadarkaa hundaatti cimsuu; sirna hordoffii fi madaallii raawwii hojii fooyyeessuu; governance dashboard fi sirna gabaasaa yeroo ammayyaa diriirsuu; murtee fi karoora ragaa irratti hundaa'e hojii irra oolchuu.

Riifoormiiwwan Evidence-Based Care (EBC), System Bottleneck-Focused Reform (SBFR), Oromia Health Facility Standard Initiative fi hojii fooyya'iinsa qulqullinaa babal'isuu; Citizen Charter, sirna gaaffii fi komii maamilaa fi social accountability cimsuu; qajeelfamoota, istaandaardota fi hojii bulchiinsaa yeroo yeroon haaromsuu; dhaabbilee fayyaa istaandaardii naannoo fi biyyaalessaa guutan babal'isuu.

Agarsiistuuwwan Raawwii Ijoo (KPIs)

Dhibbantaa hoggantoota LMG xumuran 65% irraa gara 90% tti guddisuu.
Dhibbantaa dubartoota sadarkaa hoggansaa 18% irraa gara 35% tti guddisuu.
Dhibbantaa dhaabbilee boordii hojii irra jiran 75% irraa gara 100% tti guddisuu.

3.1.7.3.8.KT8: Fayyaa Dijitaalaa fi Misooma Teekinolojii Qunnamtii Odeeffannoo

Misoomni fayyaa dijitaalaa sirna fayyaa ammayyeessuu, murteewwan ragaa irratti hundaa’an cimsuu fi tajaajila fayyaa saffisaa, qulqullina qabu fi walitti hidhata qabu kennuuf bu’uura murteessaadha. Kanaafis tarsiimoon kun WHO Global Strategy on Digital Health, SDGs, Africa Digital Transformation Strategy, Digital Ethiopia 2030 fi Ethiopia Digital Health Blueprint waliin walsimuun sirna odeeffannoo fayyaa ammayyeessuu, walitti hidhamiinsa sirnootaa (interoperability), bulchiinsa ragaa, kalaqaa dijitaalaa fi teeknoolojii haaraa babal’isuun jijjiirama dijitaalaa sirna fayyaa ni saffisiisa.

Bu'aa Tarsiimoo 1: Sirni Fayyaa Dijitaalaa fi Bu’uuraalee Teeknoolojii Odeeffannoo Cime

Bu’uuraaleen dijitaalaa, walitti hidhamiinsi sirnootaa fi sirnoonni odeeffannoo fayyaa sadarkaa hundaatti babal’achuun dhaabbileen fayyaa sirna dijitaalaa walitti hidhame fayyadamuun tajaajila fayyaa qulqullina qabu, saffisaa fi bu’a qabeessa ta’e kennuu danda’u.

Inisheetivoota Tarsiimoo fi Hojiilee Gurguddoo

1. Bu’uuraalee Misoomaa Dijitaalaa fi Walitti Hidhamiinsa Sirnootaa Cimsuu

Giddugala ragaa (Data Center) xumursuun hojii eegalchiisuu; sirnoota dijitaalaa gara pilaatfoormii tokkotti walitti fiduu; HealthNet babal’isuu fi saffisa isaa fooyyeessuu; dhaabbilee fayyaa SD-WAN'n walitti hidhuu; sirna interoperability diriirsuun waljijjiirraa ragaa cimsuu.

2. Tajaajila Fayyaa Dijitaalaa Babal’isuu

Keellaawwan fayyaa paperless ta’anii tajaajila guutuu kennan babal’isuu; eCHIS gara keellaa fayyaa haaraatti babal’isuu; EMR dhaabbilee fayyaa keessatti diriirsuu; eAPTS fi DAGU dhaabbilee fayyaa keessatti bal’inaan hojii irra oolchuu; telehealth fi tajaajila dijitaalaa biroo babal’isuu.

Bu'aa Tarsiimoo 2: Bulchiinsi Ragaa, Kalaqaa fi Hooggansi Beekumsaa Ammayyaa’e

Sirni bulchiinsa ragaa, eegumsa odeeffannoo, kalaqaa dijitaalaa fi dandeettiin ogeessota ICT ni cimu; murteewwan ragaa irratti hundaa’an ni fooyya’u; teknoolojiiwwan haaraa akka Artificial Intelligence fi knowledge management sirna fayyaa keessatti hojii irra oolu.

Inisheetivoota Tarsiimoo fi Hojiilee Gurguddoo

1. Bulchiinsa Ragaa fi Naamusa Dijitaalaa Cimsuu

Imaammata eegumsa ragaa (Data Protection Policy) qopheessuu fi hojii irra oolchuu; sirna data governance, data quality fi cybersecurity cimsuu; sirna bulchiinsa ragaa fi murtee ragaa irratti hundaa’e diriirsuu.

2. Kalaqaa Dijitaalaa fi Misooma Dandeettii Cimsuu

Moosaajii FayyaaHub babal’isuu; sirna odeeffannoo bobbaasa konkolaattotaa hojii irra oolchuu; Wiirtuu Leenjii ICT (Training Lab) hundeessuu fi cimsuu; Artificial Intelligence (AI) pilot project jalqabsiisuu; dandeettii ogeessota ICT fi Digital Health leenjii itti fufiinsaan guddisuu.

Agarsiistuuwwan Raawwii Ijoo (KPIs)

Baay’ina Keellaawwan Fayyaa Sirna Qabannaa Ragaa Fayyaa Hawaasaa Elektirooniksii (eCHIS) hojiirra oolchan 62% irraa gara 75% tti guddisuu.

Inisheetivotaa fi Hojiilee Gurguddoo

3.1.7.3.9.KT9: Sirna Hoggansa Balaa Fayyaa Hawaasaa fi Dandamannaa Sirna Fayyaa Cimsuu

Sirna hoggansa balaa fayyaa hawaasaa dandamataa, qindaa’aa fi hawaasa giddugaleessa godhate diriirsuun, balaa fayyaa dursanii ittisuu, saffisaan adda baasuu, deebii yeroo kennuu, miidhaa hir’isuu fi yeroo balaa boodaa sirna fayyaa haala fooyya’aa ta’een deebisanii ijaaruun nageenya fayyaa hawaasaa, UHC fi sirna fayyaa of-danda’aa fi itti fufiinsa qabu mirkaneessuu irratti xiyyeeffata. Kalattiin tarsiimoo kun yaad-rimee Fayyaa Tokkoo, seera fi dambii nageenya fayyaa idil-addunyaa, akkasumas sirna haala fooyya'een deebisanii ijaaruu irratti hundaa’uun hojii irra oola. Kunis balaa fayyaa dursanii ittisuu, saffisaan adda baasuu fi to’achuu, yeroo balaa tajaajila fayyaa itti fufsiisuu, akkasumas yeroo balaa booda sirna fayyaa caalaatti dandamataa, of-danda’aa fi itti fufiinsa qabu ta’een deebisanii ijaaruu irratti xiyyeeffata.

Bu'aa Tarsiimoo 1: Sirni Ittisa, Qophii, Sakatta’iinsaa fi Deebii Balaa Fayyaa Hawaasaa Dandamataa fi Qindaa’aa Ta’e Cime

Sirni bulchiinsa balaa fayyaa hawaasaa sadarkaa hundaatti cimee, sakatta’iinsi yeroo isaa eeggate, akeekkachiisni dursaa, qophiin weeraraa, deebiin ariifachiisaa fi qindoominni One Health fooyya’ee nageenya fayyaa hawaasaa ni mirkanaa’a.

Inisheetivii Tarsiimoo fi Hojilee gurguddoo

1: Hoggansa, Qindoominaa fi fayyaa tokkoo (One Health) Cimsuu

Sirna bulchiinsa balaa fayyaa hawaasaa sadarkaa hundaatti haaromsuu, gahee fi itti gaafatamummaa ifa gochuu, koreewwan qindoominaa cimsuu, One Health hojii irra oolchuu, qindoomina mootummaa, dhaabbilee misoomaa, dhaabbilee dhuunfaa fi hawaasa waliin cimsuu, akkasumas qindoomina daangaa ce’uu fi tajaajila fayyaa imaltootaa guddisuu.

2: Sakatta’iinsaa, Akeekkachiisa Dursaa fi Sirna Odeeffannoo Cimsuu

Sirna Integrated Disease Surveillance and Response (IDSR), DHIS2 fi event-based surveillance cimsuu, sirna dijitaalaa sakatta’iinsaa diriirsuu, Emergency Operations Center fi Incident Management System hojii guutuu irra oolchuu, simulation exercise gaggeessuu, surveillance quality assessment raawwachuu fi RCCE cimsuu.

3: Qophii fi Deebii Balaa Fayyaa Hawaasaa Fooyyessuu

Risk assessment, vulnerability mapping fi contingency planning qopheessuu, Emergency Medical Teams fi Rapid Response Teams cimsuu, hojii talaallii weeraraa, quarantine, isolation fi case management babal’isuu, tajaajila fayyaa yeroo balaa itti fufiinsaan kennuuf Business Continuity Plan hojii irra oolchuu.

Agarsiiftoota

· Mata dureewwan fayyaa barbaachisoo irratti qorannoo 0 irraa gara 1tti guddisuu.

· Gabaasa IDSR guutuu fi yeroo isaa eeggate 94% irraa gara 100%tti guddisuu.

· Health Security Index 61% irraa gara 75%tti fooyyeessuu.

· Weeraroota du’aatii eegamu caalan osoo hin geessisin to’ataman 100% ta’ee itti fufsiisuu.

Bu'aa Tarsiimoo 2: Sirna Laaboraatorii fi Biosecurity Cimsuu

Sirni laaboraatorii fayyaa, nageenya laaboraatorii fi bulchiinsi qabeenya balaa qabu cimee, dandeettiin qorannoo, adda baasuu fi hordoffii dhukkubootaa saffisaa, sirrii fi amanamaa ta’e ni mirkanaa’a.

Inisheetivii fi Hojiilee Gurguddoo

1.Dandeettii Laaboraatorii Cimsuu: Sirna walitti hidhamiinsa laaboraatorii fi geejjiba saamudaa cimsuu, Sirna Odeeffannoo Laaboraatorii babal’isuu, reagentii, kiimikaalaa fi meeshaalee barbaachisoo guutuu, dandeettii qorannoo fi mirkaneessa saffisaa fooyyeessuu, akkasumas istaandaardii qulqullinaa fi beekamtii laaboraatorii cimsuu.

2. Biosecurity fi Biosafety Cimsuu: Qajeelfamoota nageenya laaboraatorii hojii irra oolchuu, bulchiinsa balfa balaa qabu fooyyessuu, sirna to'annoo fi hordoffii dhaabbilee laaboraatorii cimsuu, akkasumas dandeettii ogeessotaa fi sirna certification babal’isuu.

Agarsiiftoota

· Laaboraatoriiwwan tajaajila qorannoo murteessaa biyyoolessaa %50 ol kennan %33.5 irraa gara %65tti guddisuu.

· Laaboraatoriiwwan beekamtii ISO 15189 argatan 1 irraa gara 6tti guddisuu

Bu'aa Tarsiimoo 3: Sirna Fayyaa Dandamataa fi Deebisanii Ijaarsa Cimsuu

Yeroo balaa booda dhaabbileen fayyaa saffisaan deebisamanii hojii jalqabu, tajaajilli fayyaa bu’uuraa osoo hin addaan citin itti fufu, sirni dhiyeessii fi humni namaa deebifamee cimuun hawaasni dandamataa ta’e ni ijaarama.

Inisheetivii fi Hojiilee Gurguddoo

1. Deebisanii Ijaarsa Dhaabbilee Fayyaa Cimsuu: Dhaabbilee fayyaa miidhaman deebisanii ijaaruu fi haaromsuu, sirna dhiyeessii qorichaa fi loojistikii deebisanii diriirsuu, laaboraatorii fi tajaajila diyaagnostikii hojii jalqabsiisuu, akkasumas karoora itti fufiinsa tajaajilaa cimsuu.

2. Dandamannaa Hawaasaa fi Itti Fufiinsa Tajaajilaa Cimsuu: Tajaajila fayyaa socho’aa fi hojii qaawwa tajaajilaa guutan hojiirra oolchuu, deeggarsa ogeessota fayyaa fi hawaasaaf kennuu, hirmaannaa hawaasaa cimsuu, akkasumas furmaata fayyaa dijitaalaa fayyadamuun yeroo balaa tajaajila itti fufsiisuu.

3.1.7.3.10. KT 10: Sirna Odeeffannoo, Ragaa fi Qorannoo Fayyaa Cimsuu

Kalattiin tarsiimoo kun sirna odeeffannoo fayyaa ammayyeessuu, qulqullinaa fi itti fayyadama ragaa cimsuu, murteewwan ragaa irratti hundaa’an deeggaruu, akkasumas qorannoo fi kalaqaa fayyaa babal’isuun sirna fayyaa bu’a qabeessa, iftoomina qabu fi of-danda’aa ta’e ijaaruu irratti xiyyeeffata.

Bu'aa Tarsiimoo 1: Sirni Odeeffannoo Fayyaa, Bulchiinsi Ragaa fi Itti Fayyadamni Odeeffannoo Cime

Sirni odeeffannoo fayyaa sadarkaa hundaatti cimee, ragaan qulqullina, guutummaa fi yeroo isaa eeggate qabaatee murteewwan, karooraa, hordoffii fi madaallii raawwii deeggaruu danda’a.

Inisheetivii fi Hojilee Gurguddoo

1: Sirna Odeeffannoo Fayyaa fi Bulchiinsa Ragaa Cimsuu

Sirna HMIS, DHIS2, eCHIS, CRVS, HAPMIS, eMRIS, HRMIS fi sirnoota odeeffannoo biroo walitti qindeessuu fi cimsuu; sirna bulchiinsa odeeffannoo fayyaa hojii irra oolchuu; dijitaalaayizeeshinii fi bulchiinsa ragaa fooyyessuu; fooramii qooda fudhattootaa fi deeggartoota cimsuu.

2: Qulqullinaa fi Itti Fayyadama Ragaa Fooyyessuu

Aadaa itti fayyadama ragaa cimsuu; sakatta’iinsa qulqullina ragaa (RDQA, LQAS fi Community Verification) yeroo yeroon gaggeessuu; Garee Hordoffii Raawwii Hojii (PMT) fi Sirna Deeggarsa Qindaa’aa (ISS) cimsuu; Warraaqsa Odeeffannoo Fayyaa (IR Woreda) babal’isuu; dandeettii ogeessota bulchiinsa ragaa fi odeeffannoo guddisuu.

KPIs

Guutummaa gabaasaa dhaabbilee fayyaa %100tti guddisuu.
Gabaasa yeroo isaa eeggate %95tti guddisuu.
Aanaalee Warraaqsa Odeeffannoo Fayyaa (IR Woreda) 3 irraa gara 11tti guddisuu.

Bu'aa Tarsiimoo 2: Sirni Qorannoo Fayyaa, Kalaqaa fi Hoggansa Beekumsaa Cime

Sirni qorannoo fayyaa, kalaqaa fi hoggansa beekumsaa cimee, ragaan qorannoo murtee kennuu, imaammata qopheessuu fi fooyya’iinsa tajaajila fayyaa deeggaru ni babal’ata.

Inisheetivii Tarsiimoo 1: Qorannoo Fayyaa fi Naamusa Qorannoo Cimsuu

Hojiilee Gurguddoo

Mata dureewwan fayyaa dursa qaban irratti qorannoo gaggeessuu; sirna naamusaa fi qajeelfama qorannoo cimsuu; giddugala odeeffannoo fi qorannoo fayyaa sadarkaa naannootti hundeessuu; sirna bulchiinsa qorannoo dijitaaleessuu; bu’aawwan qorannoo murtee kennuuf akka oolan tamsaasuu.

Inisheetivii Tarsiimoo 2: Tumsa Qorannoo fi Hoggansa Beekumsaa Cimsuu

Hojiilee Gurguddoo

Yuunivarsiitiiwwan, koolleejjota, wiirtuuwwan qorannoo fi dhaabbilee misoomaa waliin tumsa qorannoo cimsuu; bu’aawwan qorannoo gara hojii fi imaammataatti jijjiiruu; sirna waljijjiirraa beekumsaa fi ragaa diriirsuu.

KPIs

Mata dureewwan fayyaa dursa qaban irratti qorannoo gaggeeffaman 0 irraa gara 1tti guddisuu.
Bu’aawwan qorannoo murtee fi imaammataaf oolan waggaa waggaan dabalaa deemuu.

3.1.7.3.11. KT 12: Sirna Too'annoo Fayyaa Cimsuu

Sirna too'annoo, qajeelfamaa, hayyamaa, galmee, hordoffii fi mirkaneessa qulqullinaa cimsuun tajaajilli fayyaa, dhaabbileen fayyaa, ogeessonni fayyaa, qorichoonni, nyaanni, meeshaaleen yaalaa fi teeknoolojiileen fayyaa istaandaardii biyyaalessaa fi idil-addunyaa guutanii, nageenya uummataa, nageenya dhukkubsataa fi qulqullina tajaajilaa mirkaneessan taasisuu.

Bu'aa Tarsiimoo 1: Sirni To'annoo Qorichaa, Nyaataa, Meeshaalee Yaalaa fi Oomishaalee Fayyaa Cime

Sirni galmee, hayyamaa, sakatta'insa, hordoffii qulqullinaa fi to'annoo qorichaa, nyaataa, meeshaalee yaalaa fi oomishaalee fayyaa cimee, oomishaaleen qulqullina, nageenya fi bu'a qabeessummaa isaanii mirkaneeffatanii uummataaf akka dhiyaatan taasifama.

Inisheetivoota fi Hojiiwwan Gurguddoo

· Sirna galmee fi hayyama qorichaa, meeshaalee yaalaa, nyaataa, talaallii fi qoricha aadaa haaromsuu; sirna saffisaa qorichoota murteessoo fi meeshaalee yaalaa hayyamu diriirsuu; oomisha biyya keessatti oomishamu jajjabeessuu fi sirna galmee waliigalaa cimsuu.

· Sakatta'iinsa gaggeessuu; oomisha sobaa fi seeraan alaa ittisuu; hordoffii qulqullinaa gabaa keessaa cimsuu; teeknoolojii dijitaalaa fayyadamuun oomishaalee sobaa adda baasuu fi to'achuu.

· to'annoo qulqullinaa laaboraatoriiwwan cimsuu; sirna mirkaneessa qulqullinaa fi beekamtii idil-addunyaa babal'isuu; sirna bulchiinsa qulqullinaa fi qorannoo laaboraatorii ammayyeessuu.

· Sirna hordoffii nageenya qorichaa, sirrummaa itti fayyadama qorichaa, ittisa farra jarmii fi sirna gabaasa miidhaa qorichaa cimsuu; sirna balleessa nageenya qabu diriirsuu.

· To'annoo Tamboo, Alkoolii fi Qorichoota Sammuu Jijjiiran Cimsu (Seerota tamboo, alkoolii fi qorichoota sammuu jijjiiran hojiirra oolchuu; daldala seeraan alaa ittisuu; bakka uummanni baay'inaan walitti qabamu keessatti too'annoo cimsuu; sirna track and trace fi LIMS babal'isuu.

Bu'aa Tarsiimoo 2: Sirni To'annoo Dhaabbilee Fayyaa, Ogeessotaa fi Tajaajila Fayyaa Cime

Sirni hayyamaa, galmee, inspeekshinii, ‘accreditation’, Oditii, naamusa hojii fi itti gaafatamummaa dhaabbilee fayyaa fi ogeessota fayyaa imsuu, tajaajilli fayyaa istaandaardii qulqullinaa fi nageenya eeggate akka kennamu ni mirkaneessa.

Inisheetivoota fi Hojiiwwan Gurguddoo

· Dhaabbilee fayyaa mootummaa fi dhuunfaa hunda galmeessuu fi hayyama kennuu, hayyama dhaabbilee fi ogeessota fayyaa yeroo yeroon haaromsuu, ulaagaalee hayyamaa fi galmee irratti hundaa’uun hojii isaanii hordofuu, akkasumas sirna galmee fi hayyamaa ammayyaa diriirsuu.

· Sakatta’insa yeroo yeroon gaggeessuu, sirna mirkaneessa qulqullinaa babal’isuu, odiitii tajaajila fayyaa sadarkaa adda addaatti gaggeessuu, hanqinoota adda baasuun tarkaanfii sirreeffamaa fudhachuu fi hordoffii raawwii cimsuu.

· Madaallii gahumsa ogeessota fayyaa gaggeessuu, naamusa hojii fi seera ogummaa hojii irra oolchuu, rakkoolee naamusaa fi seeraa qorachuun murtii kennuu, akkasumas sirna itti gaafatamummaa fi naamusa ogummaa cimsuu.

· Sirna nageenya dhukkubsataa, qulqullinaa tajaajilaa fi ittisa faalamaa hojii irra oolchuu, sirna komii fi yaada maamiltootaa cimsuu, akkasumas dhaabbileen fayyaa ofiin of madaalanii of fooyyeessan deeggaruu.

· Galmee dhaabbilee fayyaa guutuu diriirsuu, sirna odeeffannoo too’annoo fayyaa dijitaalaa hojii irra oolchuu, sirna hayyamaa elektirooniksii fi hordoffii dijitaalaa babal’isuu, akkasumas sirna hordoffii fi madaallii raawwii hojii cimsuu.

· Humna namaa qaamolee too’annoo cimsuu, leenjii fi ijaarsa dandeettii itti fufiinsaan kennuu, qajeelfamoota, istaandaardotaa fi hojimaata too’annoo hojii irra oolchuu, meeshaalee hojii barbaachisoo guutuu, akkasumas qindoomina mootummaa, damee dhuunfaa fi michoota misoomaa cimsuu.

Agarsiistuuwwan Raawwii Ijoo

· Dhaabbilee fayyaa hayyama qaban 95% ol gahuu.

· Dhaabbilee fayyaa inspection yeroo isaa eeggate argatan 96% gahuu.

· Dhaabbilee fayyaa istaandaardii fi accreditation guutan 90% gahuu.

· Ogeessota fayyaa galmaa'anii fi hayyamaman 95% gahuu.

· Dhaabbilee fayyaa regulatory audit fi quality assessment keessa jiran 80% ol gahuu.

1.1. Tilmaama Qabeenya Karooricha Raawwachiisuuf Barbaachisan (Humna Namaa, Faayinaansii Madda isaa waliin, k.k.f)

2. Haala Raawwatiinsa Karoorichaa

2.1. Dandessistoota

Dhimmoota Ijoo Cimina fi Carraa Gaarii Irraa Maddan fi Tooftaa itti fayyadama isaanii

Dhimmoonni ergama galmaan gahuu dandeessisan (Enablers)	Tooftaa itti fayyadama dandeessistootaa
Hoggansa al-walteeffame fi diimokiraatawaa ta'e uumuu	ü Aangoo fi itti gaafatamummaa caasaalee sadarkaa sadarkaan jiran diriiree jiraachuu fi dhiheenyatti dhaabbilee fayyaatiif deeggarsa kennuuf haala mija’aa jirutti fayyadamuun, ü Hoggansaa Seektara Fayyaa keenya keenya sadarkaa sadarkaadhan argaman cimsuun itti fayyadamuudhaan ü Kenniinsa tajaajila fayyaarraatti hirmaanna abbummaa hawaasa mirkaneessuf yeroo yeroodhaan hawaasa mariisisuun komii fi yaada hawaasni kaasu fooyya’iinsa tajaajilaatiif itti fayyaadama adeemuu,
Inisheetivoota Fayyaa	ü Hawaasni fayyadamamaa akka ta’uuf; qooda fudhattoota, caasaa sekterichaa sadarkaa sadarkaan jiranii sochoosuun hojitti galchuu fi hirmaannaa hawaasaa mirkaneessuun, ü Hoggansaa fiu sirna hojmaata cimaa ta’ee diriirsudhaan inisheetivoota fayyaa adda bahan cimsuun.
Caaseffama fi Ijaarsa Seektara Fayyaa Mijaa’aa	ü Gurmuu seektara fayyaa sadarkaa sadarkaan jiru cimsuudhaan hojiirra oolmaa hojiiwwan guruggoo seektara fayaatiif hordoffii fi deegarsa itti fufiinsa qabu akka kennu taasisun, ü Dandeetti raawwachiisummaa caasaa seektara fayyaa hanga gandaatti diriire jiru cimsuun jijjirama itti fufiinsaa akkaa fidu gochuu, ü Keellaawwan fayyaa tajaajila waliigalaa (comprehensive health Post services) fooyyeessuuf hojiiwwan addaa addaa hojjataman cimsanii itti fuufsisuu ü GGMD sadarkaa caasaa gandaa fi gandaa gaditti ijaarame jiru cimsuun hojiira oolmaa PEF guutumaan guutuutti mirkaneessuu, ü Humna raawwachiisummaa seektarichaa cimsuun sirna hordoffii fi too’annoo diriire hojiirra oolchuun kenninsa qulqullina tajaajila fayyaa mirkaneesuu,
Walitti Hidhamiinsa Dhabbiilee Fayyaa	ü Walitti hidhamiinsa keellaa fayyaa fi buufata fayyaa cimsuun sagantaalee paakeeji ekisteenshinii fayyaa guutumaan guututti hojiira oolchuudhaan fayyummaa hawaasaa keenya mirkaneessuu, ü Walitti hidhamiinsa hoospitaala fi buufata fayyaa cimsuun sirna ol-ergiinsa fi duub-deebiin akka jiraatu fi deeggarsa barbaachisaa ta’e hoospitaalli buufata fayyaatiif, akkasumas buufatni fayyaa immoo keellaa fayyaatiif akka kennu taasisuun tajaajila fayyaa qulqullina qabu hawaasaaf kennuu,
Kutannoo Hoggansa Siyaasaa	ü Mootummaan, seektara fayyaa seektaroota jiran keessa seektara xiyyeeffannaan addaa itti kenname keessa galchuudhaan hanqinaalee raawwi hojii irratti mullatan yeroo yeroodhaan gamaaggamuudhaan deeggarsa walirraa hincinne kennaa jirutti fayyadamuu, ü Rifoormiwwan bulchiinsa gaarii sadarkaa adda addaatti hojiirra oolaa jiran gurmuu seektara fayyaa cimsuudhaan hojii irra oolchuun,
Imaammata fayyaa	ü Imaammata fayyaa tajaajila fayyaa paakeejii hunda hammate qulqullina olaanaa fi walgitinsa qabu kennuu fi to’achuudhaan fayyaa fi haala fayyummaa hawaasaa dagaagsuu irratti hundaa’e hojjettootni seektarichaa, hawaasni bal’aan, qooda fudhattootni fi dhimmamtootni sirriitti hubatanii galma ga’insa isaa irratti akka hirmaatan iftoominaan mari’achiisuun gahee isaanii akka bahan gochuu.
Labsiiwwan, Dambiiwwani fi Qajeelfamoota Seektara Fayyaa	ü Labsiiwwan, dambiiwwan, qajeelfamoota fi hojimaatootni caasaa seektarichaaf bahanii jiran galma ga’iinsa imaammata fayyaa keessatti hojiileen hojjataman hundi qulqullina, gahumsaa fi saffina qabaatanii bifa wal-fakkaatuun iddoo hundaatti hawaasaa fi qooda fudhattoota hubachisuun akka hojii irra oolan tasisuu fi hojiirra oolmaa isaa mirkaneessuun,
Sagantaa Paakeejii Eksitenshinii Fayyaa	ü SPEF bifa duraan tureen hoogganuun bu’aalee galmaa’an ittifufsiisuuf, bu’aalee dabalataa galmeessisiisuu fi fayyadamummaa hawaasaa mirkaneessuun akka danda’amuuf roodmaappii sagantaa paakeejii ekisteenshinii fayyaa cimsuu fi fooyyessuu qopheessuun hojii keessa galamee cimsanii itti fuufsisuu, ü Hubannoo hawaasaa dabaluudhaan hawaasichi ofiisaatiin fayyaa isaa akka dagaagfatu taasisuun,
Inshuraansii Fayyaa fi Bu’uraalee Misoomaa	ü Seektarri fayyaa waggaa waggaadhaan baajatni seektarichaaf ramadamu hanga tokko fooyya’aa jiraachuu isaatiin hanqinni dhiyeessii dhaabbiilee fayyaa keessatti mul’achaa turan hanga tokko fooyya’aa jiru itti fufisiisuudhaan itti fayyadamuun, ü Jalqabbii fi babal’ina inshuraansii fayyaa hawaasaa fi hawaasummaa cimsuudhaan walga’iinsa fi kenninsa tajaajila fayyaa foyyeessuun. ü Babal’ina daandii baadiyyaa, oomisha qonnaa dabale, babballina manneen barnootaa, tajaajila bishaanii, ibsaa fi bilbilaa akka carraatti fayyadamuun kenninsa tajaajila fayyaa foyyeessuun,
Deeggartoota fi Arjoomtoota	ü Tajaajila fayyaa gahumsa qabu uummataaf kennuuf baajata ramaduu, dhiyeessii adda addaa guutuu, hordoffii, deegersa fi gamaaggama waliin gaggeessuu, gabaasa fi dub-deebii walii dabarsuun akka waliigalaatti qindoominaan waliin hojjeechuun
Teekinoloojii ammayyaa	ü Teekinoloojii ammayyaa seektara fayyaa keessatti babal’isuun itti fufinsaan itti fayyadamuun dandeettii raawwachuu fi raawwachisummaa cimsaa deemuun,
Babal’ina dhaabbilee fayyaa fi dhiyyeessi	ü Hawaasa, mootummaa, dhaabaa fi qooda fudhattoota qindeessuudhaan, dhaabbileen fayyaa haala istaandardii jiruun iddoo barbaachisaa ta’e hundatti baballatanii, humna namaaa fi meeshaalee fi qoricha barbaachisaa ta’aniin guutamanii, uwwisa tajaajila fayyaa guutummaa guutuutti waliin gahuudhaan tajaajila fayyaa hawaasa mara bira akka gahu hojjeechuun, ü Dhaabbilee fayyaa babal’atan keessatti tajaajila kennamu qulqullina isaa kan eeggatee fi hawaasa hunda fayyadamoo kan taasise gochuu,
Sirna Hoggansa Odeeffannoo Fayyaa	ü Sirna hoggansa fayyaa caasaa seektara fayyaa sadarkaa sadarkaadhaan jiranii fi dhaabbilee fayyaa keessatti diriirsuudhaan odeeffannoo, karoora, gabaasa fi dub-deebii yeroo isaa eeggate, qulqullina, gahumsa fi amansiisaa ta’e walii dabarsuudhaan murtee ragaa fayyaa irratti hundaa’e keennu fi akka kennamu taasisuu
Hirmaannaa Hawaasaa	ü Hawaasni miira abbummaa horatee qabeenya, humna fi maallaqa qabu qindeessee hojii misooma fayyaa keessatti akka hirmaatuu taasisuun, ü Hawaasni hubannoo gahaa qabaatee rakkoo fayyaa isaa adda baasuu irratti karoorfachuudhaan abbummaan akka hirmaatuu fi gamaaggama raawwii isaas itti fufiinsaan gaggeessaa deemuun,
Fedhii hawaasaa	ü Gaaffii, yaada, fedhii fi komii tajaajilamtootaa irraa dhiyaatu akka ciicoleetti fayyadamuun kenniinsa tajaajila fayyaa fooyya’aa akka deemuu danda’u hojimaata jirutti fayyadamuun.
Muuxannoowwan gaggaarii jiraachuu	ü Muuxaannoowwan gaggaarii akka biyyaatti fi naannootti SPEF, kenninsa tajaajila fayyaa fi hojiirra oolmaa rifoormiiwwan adda addaa irratti argaman qindeessuu fi babbalisuun foyya’iinsa kenninsa tajaajila fayyaatiif oolchuu,
Rifoormiiwwan adda addaa	ü Riifoormiiwwan kan akka JBAH, SMBKT, HMIS ( CHIS, EMR, eHMIS,) HCF, HRIS, fi kkf haala qindoomina qabuun hojiii irra oolchuudhaan kenninsa tajaajila fayyaa foyyeessuun,

2.2. Tooftaalee Raawwii Gurguddoo

Sagantaan raawwii hojii karoora kanaa kan irratti xiyyeeffatu imaammata fayyaa akka Biyyoolessatti fi Addunyaatti qophaa’an bu’ureeffachuudhaan kan hojjatamu yoo ta’u, akka Seektara keenyatti Seerota, Gahee Hojii Seektarichaaf kenname, Qajeelfamoota, dambii fi Maanuwaliwwan bahanii jiran giddugaleessa godhachuun kan hojjatamu dha. Hojii seektarichaa milkeessudhaaf caaseffamni mana hojii iddoo barbaachisaa ta’etti akka fooyya’u taasisuu, qajeelfamoota adda addaa hojii irra jiran kan kenna tajaajila fooyya’a adeemu waliin walgituu hin dandeenye adda baasudhaan akka fooyya’an ni taasifama.

Gama biraatin karoora qabame milkeessudhaaf hojjataa seektara fayyaa ogummaa barbaadamuun akka guutamu taasisuu, hojjataa seektara irra jiru cimsuu fi onnachiisudhaan tajaajila irra eeggamu akka kennamu xiyyeeffannoo guddaadhaan kan hojjatamu ta’a. Teekinolojiiwwan ammayyaa fi fooyya’aa ta’an kanneen kenniins tajaajila fayyaa fooyyessan fayyadamuudhaan tajaajilli fayya akka fooyya’u ni taasifama.

Xumura irrattis, karoora Misooma fi Inveestimantii Seektara Fayyaa fi Karoora Imala Badhaadhina karoorfame milkeessudhaaf sirna hordoffii fi deeggarsa teekinolojiidhaan deeggaramuudhan taasisuu, yeroo yeroodhaan raawwii hojii gamaggamuudhaan iddoo hanqinni jiru adda baasudhaan xiyyeeffannoo addaatiin kan hojjatamuu fi muuxannoowwan gaggaari jiranis adda baasudhaan akka babbal’atan ni taasifama.

2.3. Sodaa fi Tarsiimoo Sodaan Ittiin Xiqqaatu (Risk and Assumptions)

Dhimmoota Ijoo Hanqina fi sodaa Irraa Maddan fi Tarkaanfiiwwan fudhatamuu qaban (pains)

Dhimmoonni Gufuu ta’an (Pains)

Tarkaanfiiwwan fudhatamuu qaban

Rakkoo dhiyeessii qorichaa, meeshaalee yaalaa fi lojistikii

ü Cancallii (chain) dhiyyeessii qorichaa saffisaa ta’ee fi meeshaalee yaalaa (baay’ina, rakkoo itti fayyadamaa furuu, hanqina qabannaa(store) jiru furuun,

ü Rakkoo dhiyeessi qorichaa biyyaa alaati galchuu waliin walqabatee jiru furuudhaaf carraalee jiru hundatti fayyadamuudhaan Naannoo keessatti akka oomishamu gochuuf carraaqii taasisuu

ü Bu’uuraaleen misoomaa kan akka ibsaa, bishaan fi daandii naanoo dhaabbilee fayyaa hunda keessatti guutuun,

Hanqina Faayinaansii fayyaa

ü Baajanni fayyaaf ramadamu akkaata fedhii hawaasni keenya fedhii tajaajila fayyaa irratti qaban deebisuu danda’un baajata gahaa ramaduun,

ü Deeggarsi dhaabbilee arjoomtotaan kennamu akka dabalu taasisuun,

ü Hirmaanna hawaasa dabaluudhaan faayinaansii dabalataa maddisiisuu

ü Sagantaa inshuraansii fayyaa hawaasaa cimsuun itti fuufisisuu

Kenniinsa tajaajila fayyaa irratti hanqinni jiraachu

ü Kenniinsa tajaajila fayyaa irratti qulqullinni fi walgitinsi tajaajila fayyaa fooyyeessuun,

ü Hubannoon fi jijjiirama amalaa hawaasa fayyaa keenya fooyyeessuun sirna fayyaa irratti murtoo akka qabaataan taasisuun,

ü Dhibeewwaan daddarboo hin taane haala hin baratamneen sababa haala jireenyaa, babal’ina magaalotaa, warshaalee fi kkf irraan ka’een dabalaa dhufee hir’isuun,

Hanqina ogummaa fayyaa seektara keessa jiraachuu

ü Rakkoo humna namaa kallatti hundaan jiruu fooyyeen: Baay’inaan gahaa taasisuu, gosaa ogummaa hundi akka jiraatu taasisuun, rakkoo bulchinsaa jiru furuun, gahumsaa fi naamusa ogummaa fooyyessuun,

Hanqinia qabiinsaa fi itti fayyadama odeeffannoo fayyaa

ü Ragaa madda isaa irraa qulqullinaan sassaabuu, gabaasuu fi itti fayyadamuu mirkaneessuun,

Hanqina hoggansa fi bulchiinsa Fayyaa

ü Dhiibbaa hawwaasummaa, siyaasaa fi dinagdee yeroo ammaa fayyaa hawwaasaa fi kenninsa tajaajila fayyaa irraan gahaa jiru hambisuun,

ü Qiindoomni seekterootaa biroo waliin dhimmoota fayyaa hawaasaa hiikuuf jiru cimsuun,

ü Sirni itti gaafatamummaa sadarkaa sadarkaan jiru bifa walfakkaatuun iddoo hundatti mirkaneessuu,

Uummatni qabeenya guddaa ta’uu beekanii qindeessanii itti fayyadamuu dhabuu.

ü Dhimma fayyaa hirmaannaa hawaasaa barbaadan hundatrratti hawaasa mariisisuun hubannoo guutuun hawaasa biratti akka uumamu taasisuun tajaajila kennamu irraa guutummaan guutuutti akka fayyadamu fi hirmaannaa hubannoo irratti hundaa’e akka taasisu gochuu.

ü Bulchiinsa qabeenya hawaasa irraa walitti qabamu keessatti hawaasni akka hirmaatuu fi itti fayyadama isaa irrattis yeroo yeroodhaan hawaasni akka beeku gochuu.

Hanqina qabeenya maddisiisuu fi ittifayyadama baajata

ü Arjoomtota meeshaalee yaalaa arjoomuu dandaa’an addaan baasuun carraa isaan hospitaalota meeshaa yaalaatiin gargaaruu danda’an uumuun hospitaalotni meeshaalee barbaachisoo ta’aniin akka guutaman taasisuu.

ü Sirna kenniinsa tajaajila fayyaa fi hoggansa dhaabbilee fayyaa cimsuudhaan dhaabbileen fayyaa galii dabalataa madda adda addaa irraa akka maddisiisanii fi tajaajila fayyaa qulqullina fi gahumsa qabu akka kennan taasisuu.

ü Hojii ittiisaa fi to’annoo HIV galmaan gahuuf qabeenya madda adda addaa irraa argamu qindessuudhaan ittisaa fi to’annoo akkasumas kunuunsaa fi deeggersaaf akka oolu gochuu.

ü Maallaqa gargaarsaa arjoomtota irraa argame qaamolee HIV’f saaxilamoo ta’anii madda galii isaanii cimsachuun jiruu fi jireenya isaanii fooyyeffatan taasisuun dabalataan maalliqichi naanna’aa qaamota deeggersa barbaadaniif itti fufiinsaan akka argatan taasisuu.

ü Inshuuraansii fayyaa hawaasaa aanolee hunda irratti babal’isuun akkasumas inshuuraansiin fayya hawaasummaa akka hojiirra oolu taasisuu.

Hanqina meeshaa yaalaatii fi, hanqina kununsaa fi suphaa meeshaa yaalaa.

ü Dhaabbilee fayyaa hanqina meeshaalee yaalaa qaban addaan baasaa itti fufiinsaan guutaa deemu fi meeshaalee yaalaa hojiirra jiraniif kununsa fi suphaa barbaachisu yeroo yeroon taasisuu.

ü Humna raawwachiisummaa meeshaalee yaalaa gurguddoo ta’an suphuuf gargaaru Workishoopii suphaa meeshaa yaalaa sadarkaa biiroo fi kilaasterii adda addaa irratti hundeessuu.

Muudannoo Balaa tasaa

ü Sodaawwan balaa tasaa fayyaa hawaasaa dursanii adda baasanii beekuun, qophii barbaachisaa taasisuu fi hubaatii sababa kanaan uumamu hir’isuu,

ü Sirna faana dhawiinsa dhukkuboota daddarboo cimsuudhan, rakkoo fayyaa sababa dhukkuboota bifa weeraratiin ka’uun miidhaa hawaasa irraan gahuu danda’an hir’isuu,

ü Sirna hooggansa balaa tasaa teeknoloojii kan akka ”mobile health” fi e-PHEM fayyadamuudhaan ammayyeessuun ragaa qulqullina qabu maddisiisuu,

3. Sirna Hordoffii fi Gamaggamaa

3.1. Sirna Hordoffii

Karoora of-danda’uu seektara fayyaa waggaa bara 2019 dhufan kana keessatti hojiirra oolan galmaan gahuuf sirna hordoffii fi deeggarsaa karaa idila’ee fi qindaa’een diriirsuun hojiirra olchuun daran murteessaa dha. Haaluma kanaan, karoora of danda’uu kana baay’ina karoorfameen, yeroo karoorfame keessatti, ariitii fi qulqullina raawwachuuf, hordoffii fi deeggarsaa taarsiima’aa ta’e karaa itti fufiinsa qabuun gaggeessuun, duub-deebii yeroo isaa eeggate kennuun, karoorichi qixa barbaadameen akka raawwatamu gochuun murteessaa dha. Hordoffii fi deeggarsa qindaa’aa akka mana hojiitti idileessuun akkasumas hordoffii fi deeggarsa sagantaalee bu’uureffatan cimsuun, galmoota karoora of danda’uu keessatti qabamanii jiran milkeessuuf, ga’ee guddaa kan qabuu dha. Haaluma kanaan akkaataa gabatee yeroo hordoffii fi deeggarsa karoorfameen sadarkaa sadarkaadhaan sirni hordoffii fi deeggarsaa akka gaggeeffamu ni taasifama.

3.2. Sirna Gamaggamaa

Hojiirra oolmaa karoora of danda’uu dhugoomsuuf, tooftaalee akka seektarichaatti hordoffii hojiirra oolmaa karooraatiif diriiranii jiran kan akka gamaaggama ji’aa, kurmaanaa fi waggaa caasaalee seektara fayyaa, qooda fudhattoota adda addaa waliin akkasumas kutaalee hawaasaa bakka hirmaachiisuun barbaachisuutti hirmaachiisuun gamaaggamni bu’aa qabeessa ta’eef, galtee hojii itti aanu karaa ta’uu dandanda’uun idila’ee kan gaggeeffamu ta’a.

3.3. Sirna Madaallii

Karoora of danda’uu seektara fayyaa Bara 2019 dhufan hojiirra oolu, bu’a qabeessummaan isaa kan mirkanaa’u sirni madaallii karaa idila’een diriirsuun sadarka sadarkaa hundatti bifa itti fufiinsa qabuun hojiirra yoo oole qofaa dha. Kanaaf, Aanaa irraa eegaluun caasaalee sektarichaa hanga gaditti jiran karaa miirri dorgommii keessatti uumamuu danda’uun raawwiin hojiilee karoora of danda’uu karaa idila’een itti fufiinsaan madaaluun ciminaan akka gaggeeffamu ni ta’a.

3.4. Sirna Gabaasaa

Galma gahiinsi akkasumas milkaa’inni karoora of danda’uu kan ittiin safaramuu danda’u hojiileen caasaa sektarichaa sadarkaa sadarkaan jiraniin hojjetaman yeroo isaanii eeganii yoo gabaafan ta’uun beekamaa dha. Haaluma kanaan miira itti gaafatamummaan gabaasni qulqullina qabuu fi dhugummaa irratti hundaa’e sadarkaa sadarkaan gabaassi yeroo isaa eeggatee fi guutuu ta’e karaa idila’een akka gabaafamuu danda’u ni hojjatama.

3.5. Sirn Duubdeebii

Sadarkaa sadarkaan karoora of danda’uu fi raawwii bifa gabaasaan argame karaa itti fufiinsa qabuun, xiinxaluun, hordoffii fi deegarsaa gaggeessuun akkasumas gamaaggama hojii yeroo isaa eeggatee gaggeessuun bu’aa, milkaa’inaa fi jijjiirama qabatamaa dhufe madaaluun duub-deebiin barsiisoo ta’e karaa idila’een itti fufiinsa qabuun kan kennamu ta’a.

3.6. Tooftaalee Hordoffii fi Gamaggamni Itti Raawwatu

Lak	Qaama hord. fi gam kan irratti rawwatamu	Gabaasa			Gamaaggama qaamaan			Suparvizhinii
Lak	Qaama hord. fi gam kan irratti rawwatamu	Yoom	Eenyuuf	Akkamitti	Yoom	Eenyuun	Akkamitti	Yoom	Eenyuun	Akkamitti
1	Wajjirii Fayyaa Aanaa	Ji’aa fi Kurmaanaan	Waajjira Bulchinsa Aanaaf	Barreeffamaan	Ji’an Kurmanan fi Waggaan	Mana Marii Bulchinsa	Tarsiimoo irratti hunda’uun mannii waliin wal bira qabuun	Kurmanan	Garee supervizhinii Waajjiira Bulchinsa	Qaamaa fi cheeklistiin
		Ji’aan	Wajjiraa Mallaqaa Aanaa	Barreeffamaan	Ji’an Kurmanan fi Waggaan	Garee Hordoffi fi gamagamaa	Qaamaa fi cheeklistiin	Ji’a Jahaan	Garee suparvizhinii	Qaamaa fi cheeklistiin
		Kurmanaan	Komishinii Karooraa fi Misoomaa Aanaatiif	Barreeffamaan	Ji’an Kurmanan fi Waggaan	Garee Hordoffii fi Gamagamaa	Qaamaa fi cheeklistiin	Ji’a Jahan	Garee suparvizhinii	Qaamaa fi cheeklistiin
			Biiroo Fayyaa Oromiyaatif	DHIS2	Ji’an Kurmanan fi Waggaan	Garee Biiroo Fayyaa	Qaamaa fi cheeklistiin	Ji’an , Kurmanaa fi waggadhan	Garee suparzhinii	Qaamaaa fi cheeklistiin

Mustefa Abdureman's Blog

2026/09/03

karoora_of_danda'u_Bara_2019

Gabaajeewwaan

Cuunfaa Raawwii Hojii ijoo

BOQONNAA 1: SEENSA fi Haala Karoorichaa

1.1. Seensa

1.2. Kaayyoo Karoorichaa

2.1. Haala Waliigalaa Waajjira Fayyaa Aanaa Kombolchaa

2.1.1. Haala Teessuma Lafaa

2.1.3. Haala Diinagdee fi Hawaasummaa

2.2. Haala Fayyaa Ummataa

2.2.1. Umurii Jireenyaa (Life Expectancy)

2.2.3. Dhibbaa Dhukkubaa (Burden of Disease)

2.2.4. Murteessitoota Fayyaa (Social Determinants of Health)

2.3. Raawwii Sirna Fayyaa

2.3.1. Uwwisa Fayyaa Hunda Galeessa (Universal Health Coverage)

2.3.2. Tajaajila Fayyaa Bu’uuraa (Primary Health Care)

2.3.3. Hirmaannaa Hawaasaa (Community Engagement)

2.3.4. Qulqullina Tajaajilaa (Quality of Health Care)

2.4. Fayyaa Haadholii, Daa’immanii, Dargaggootaa fi Sirna Nyaataa

2.5. Ittisaa fi Too'annoo Dhukkubaa

2.5.1. Ittisaa fi Too'annoo TB

3.6.2. Ittisaa fi Too'annoo Dhukkuba Busaa (Malaria)

3.6.3. Dhukkuboota Daddarboo Hin Taane (NCDs)

3.6.4. Fayyaa Sammuu

3.6.5. Dhukkuboota Tirooppikaalaa Xiyyeeffannoo Barbaadan (NTDs)

3.6.6. Tajaajila Haayiginii fi Eegumsa Fayyaa Naannoo

3.6.7. Ittisaa fi Too'annoo HIV/AIDS, Vaayirasii Tiruu fi Dhibee Naf-Saalaa

3.7. Hoggansa Balaa Tasaa Fayyaa Hawaasaa, Qorannoo

3.9.1 Gaggeessummaa, Hoggansa fi Bulchiinsa Sirna Fayyaa

3.9.2. Qabeenya Namaa Fooyyessuu (Human Resources for Health)

3.9.3. Bu’uuraalee Misoomaa

3.10. Sirna Dhiyeessii Qorichaa, Meeshaalee Yaalaa fi Omishaa

2.6. Xiinxala Haala Keessaa fi Alaa (SWOT Analysis)

2.7. Rakkoolee fi Hudhaalee Ijoo

Boqonnaa Sadii: Kallattii Tarsiimoo

3.1.Sakatta'iinsa Haala Mana Hojii

3.1.1. Aangoo fi Gahee Hojii

3.1.2. Mul'ata, Ergama fi Duudhaalee

3.1.3. Qajeeltoowwan (Guiding Principles)

3.1.4. Dhimmoota hunda galeessa (Cross-cutting Issues)

3.1.5. Koorniyyaa Idileessuu

3.1.6. Kaayyoo Tarsiimoo (Strategic Objectives)

3.1.7. Karoora Misooma Off Danda’uu Seektaraa fayyaa Bara 2019

3.1.7.1.Ka'umsa Karoorichaa

3.1.7.2.Toora Xiyyeeffannoo Karoorichaa

3.1.7.3. Kayyoo Tarsimoo, Bu’aawwan Tarsiimo'aa, Hojiiwwan Tarsiimoo/gurguddoo/Inisheetivootaa fi Agarsiistuwwan Raawwii Ijoo (KPI)

3.1.7.3.1. KT1: Tajaajila Fayyaa Walitti Hidhataa, Qulqullina Qabu fi Walqixa Ta’e, Sadarkaa umurii Jireenyaa Hunda Keessatti Karaa Tajaajila Fayyaa bu’uuraa (PHC) tiin Dhaqqabamaa Taasisuu.

Bu'aa Tarsiimoo 1: Sirna Tajaajila Fayyaa Bu'uuraa (PHC) Cimsuu

Bu’aa Tarsiimoo 3: Fayyaa Haadholii, Daa’immanii fi Dargaggootaa Fooyya’e

Bu’aa Tarsiimoo 5: Sirna Tajaajila Fayyaa Qulqullinaa, Nageenyaa, Walqixxummaa fi Itti Fufiinsa Qabu Cimsuu

3.1.7.3.2.KT2: Uwwisa Fayyaa Waliigalaa (Universal Health Coverage) Sadarkaa Sadarkaan Galmaan Gahu Cimsuu

Bu’aa Tarsiimoo 1: Sirni Faayinaansii Fayyaa Itti Fufiinsa Qabu, Gahaa fi Bu’a Qabeessa Ta’e Cime

Bu’aa Tarsiimoo 2: Dhaqqabamummaa fi Walqixxummaan Tajaajila Fayyaa Fooyya’e

Bu’aa Tarsiimoo 3: Hubannoo fi missensa Inshuraansii Fayyaa Fooyya’e

Bu’aa Tarsiimoo 4: Bulchiinsi Dhaabbilee Fayyaa Mootummaa fi Hirmaannaan Damee Dhuunfaa Cime

3.1.7.3.3. KT 3: Tajaajila Fayyaa Sadarkaa Olaanaa fi Addaa Babal’isuu

Bu’aa Tarsiimoo 1: Tajaajila Yaala Ariifachiisaa, Yaala Balaa Tasaa fi ICU Fooyya’e

Bu’aa Tarsiimoo 2: Tajaajila Ispeeshaaliitii fi Sab-Ispeeshaaliitii Babal’ate

Inisheetivotaa fi Hojiilee Gurguddoo

Bu’aa Tarsiimoo 3: Qulqullinaa fi Bu’a Qabeessummaan Tajaajila Hospitaalotaa Fooyya’e

Bu’aa Tarsiimoo 4: Hoggansa, Qindoominaa fi Sirni Bulchiinsa Tajaajila Yaalaa Addaa Cime

3.1.7.3.4.KT 4: Sirna Dhiyeessii, Loojistikii fi Oomishaalee Fayyaa Fooyyessuu

Bu'aa Tarsiimoo 1: Sirni dhiyeessii qorichaa fi meeshaalee yaalaa bu’a qabeessaa fi itti fufiinsa qabu diriireera.

Bu'aa Tarsiimoo 2: Sirni biomedical engineering fi bulchiinsa meeshaalee yaalaa cimeera.

Bu'aa Tarsiimoo 3: Tajaajilli baankii dhiigaa fi dhiyeessiin dhiigaa nageenya qabu babal'ateera.

Bu'aa Tarsiimoo 4: Oomishaalee fayyaa keessatti of-danda’ummaa fi invastimantiin naannoo cimeera.

Bu'aa Tarsiimoo 6: Bulchiinssa sirna dhiyeessii qorichaa, qulqullinaa fi itti gaafatamummaa cime.

3.1.7.3.5.KT5: Bu’uuraalee Fayyaa cimsuu

3.1.7.3.6.KT6: Qabeenya Namaa Fooyyessuu

Bu'aa Tarsiimoo 1: Humni Namaa Fayyaa Gahaa, naamusa qabuu fi wal-gitinsaan dhaabbilee hundatti akka jiraatu foyyeessuu

Bu'aa Tarsiimoo 2: Sirni Bulchiinsa Humna Namaa Fayyaa, Dandeettii fi Raawwii Hojii Ammayyaa'e

3.1.7.3.7.KT7: Hoggansa, Bulchiinsaa fi Gaggeessummaa Fooyyessuu

Bu'aa Tarsiimoo 1: Hoggansi fi Bulchiinsi Sirna Fayyaa Dandeettii, Iftoominaa fi Itti Gaafatamummaa Qabuun Cime

Bu'aa Tarsiimoo 2: Sirni Riifoormii, Qulqullinaa fi Murtee Ragaa Irratti Hundaa'e Cimmsuu

3.1.7.3.8.KT8: Fayyaa Dijitaalaa fi Misooma Teekinolojii Qunnamtii Odeeffannoo

Bu'aa Tarsiimoo 1: Sirni Fayyaa Dijitaalaa fi Bu’uuraalee Teeknoolojii Odeeffannoo Cime

Bu'aa Tarsiimoo 2: Bulchiinsi Ragaa, Kalaqaa fi Hooggansi Beekumsaa Ammayyaa’e

3.1.7.3.9.KT9: Sirna Hoggansa Balaa Fayyaa Hawaasaa fi Dandamannaa Sirna Fayyaa Cimsuu